Complementarias

Neste segundo trimestre segue desenvolvéndose, durante os recreos, o Torneo de Xadrez 2023-2024 na Biblioteca. O torneo divídese en dúas categorías: na 1ª categoría a competición emparella a alumnado de 1º e 2º ESO, mentres na 2ª categoría faino entre alumnado dos restantes niveis da ESO e Bacharelato.

O alumnado de 1º, 2º, 3º e 4º ESO xunto o de 1º e 2º dos Ciclos Básicos de Agroxardinaría e Soldadura e Caldeiraría, asistiu, durante esta semana, na aula de Audiovisuais a unha serie de charlas preventivas incluídas dentro do Plan Director do Ministerio do Interior español para a convivencia e mellora da seguridade nos centros educativos e os seus contornos. En sesión dunha hora lectiva, persoal da Garda Civil explicou ao alumnado de 1º ESO  todo o relacionado coa seguridade nas TIC e ciberseguridade. Pola súa parte, o alumnado de 2º ESO  aprendeu como detectar e actuar en casos de acoso escolar e ciberacoso.
O alumnado de 3º ESO foi informado sobre a prevención dos perigos sobre adicións ao alcol e outras drogas. O alumnado de 4º ESO coñeceu, entre outros contidos, como detectar, e actuar en casos da violencia de xénero ou fomentar as relacións sanas. Finalmente, o alumnado dos Ciclos Básicos de Agroxardinaría e Soldadura e Caldeirería  foi informado sobre a prevención dos perigos sobre adicións ao alcol e outras drogas.
A actividade foi organizada pola departamento de Orientación.

Na mañá do venres 9 de febreiro, celebramos o festival de Entroido. O fío condutor foi a recreación de diferentes obras pictóricas da Historia da Arte. O festival foi presentado polo profesor Avel Turnes e nel, actuaron o alumnado dos cursos da ESO xunto co de Bacharelato, Ciclo Básico de Agroxardinaría e do 2º curso do CS de Construcións Metálicas, parodiaron cadros representativos de diferentes épocas como "As Meninas" ou "A última cea". As actuacións acabaron representadas na estrutura realizada para a ocasión polo alumnado dos Ciclos Básicos de Soldadura e de Agroxardinaría. Despois da actuación e, mentres o xurado deliberaba, o alumnado de Música deleitou aos asistentes cunha batucada, no que interpretaron unha mestura de ritmos procedentes de Xamaica e Brasil. Para ela empregaron tambores, que construíron con materiais reciclados. Un xurado formado por seis membros da comunidade educativa, elexido para a ocasión, decidiu os tres premios do concurso, xentileza da ANPA "Bella Otero". O 1º premio consistente nunha xornada de karts no Kartódromo de Casaldeirigo foi para a recreación do cadro "As Meninas" por parte do alumnado de 2º CS de Construcións Metálicas, o 2º premio, unha cea de Entroido para todo o grupo, foi para o alumnado de 2º Bacharelato B pola recreación do cadro "Convergence" de Pollock e o 3º premio, tamén unha xornada nos karts, para o alumnado de 1º Bacharelato A pola súa actuación arredor do cadro "A Gioconda". A Vicedirección coa colaboración da ANPA levaron a organización deste festival.
Noraboa aos premiados e tamén ao alumnado e profesorado participante!!!