Skip to Content

UNHA AGRESIÓN AO NOSO ENTORNO NATURAL

 QUE SE QUERE FACER?

 A empresa TOYSAL pretende construir unha planta de xestión de residuos cunha extensión duns 135.000 metros cadrados na antiga canteira da Casalonga. Está pensada para tratar diversos tipos de residuos orgánicos, cun volume que segundo o proxecto da empresa se situaría entre as 80.000 e as 90.000 toneladas anuais. Os máis numerosos serían os lodos procedentes de depuradoras de augas residuais (25.000 toneladas ao ano), residuos de industrias agroalimentarias (22.000 toneladas anuais) e lodos de conserveiras (20.000 toneladas anuais). Ademais procesaría 10.000 toneladas ao ano de subprodutos animais non destinados ao consumo humano, tecnicamente coñecidos polas siglas SANDACH, e unhas 3.000 toneladas anuais de xurros e estercos.

 O proxecto contempla habilitar os camiños de acceso e construír unha nave de recepción dos residuos agroalimentarios con dous tanques para líquidos e semilíquidos e un búnker para sólidos, así como instalar dous dixestores anaeróbicos, un tanque de almacenamento dos dixestatos e a construción das oficinas.

O proceso ao que se someten os residuos serve para obter fertilizantes, metano para producir electricidade de autoconsumo da planta, augas de condensación e residuos inertes como plástico, metal e envases. As augas serían empregadas, segundo a compañía promotora do proxecto, para tarefas internas como o lavado de camións e para un hipotético rego de plantacións forestais. O proxecto practicamente non detalla o destino dos fertilizantes nin os estudos de demanda dos produtos obtidos..

 ONDE?

 Na antiga canteira da Casalonga, nunha zona moi habitada e moi cerca das vivendas. O terreo ten ademais unha forte pendente o que aumenta o risco de inundación con productos contaminados en caso de accidente.

 QUE PROBLEMAS PODE ORIXINAR?

 A actividade da planta e o tráfico intenso de camións de gran tonelaxe cargados de lixo, xerarían cheiros moi molestos para as poboacións próximas.

  • Un informe encargado polo Concello de Teo advirte que as instalacións estarían situadas nun terreo inestable, ao tratarse dunha antiga canteira que soportou durante anos o traballo con explosivos e o recheo con restos de pedra. No proxecto prevese a construcción dunha balsa. de 7.000 m³ para acumular auga que se produce durante o proceso de tratamento do lixo. Esa balsa construída sobre un terreo inestable podería dar lugar a accidentes como o que no ano 1998 se produciu en Aznalcóllar (Sevilla) ao que corresponde a imaxe da dereita.

  • A auga acumulada nesa balsa (7.000.000 de litros)  ademais do risco que se sinalaba no apartado anterior, produciría un problema ambiental que afectaría á poboación e a moitas especies animais que estarían en contacto con augas contaminadas ademais de favorecer a proliferación de pragas de insectos e roedores.

  • En resumo: trátase dun proxecto incompatible coa calidade de vida das poboacións e os ecosistemas da zona.

 LIGAZÓNS DE INTERESE

 

 

LIBRO COLABORATIVO: "ENTROIDO GALEGO"

Xa podedes visionar a versión online do "libro colaborativo" que fixemos sobre o entroido en Galicia. Con toda a información e imaxes de parte dos traballos que fomos facendo ao arredor desta temática. Na biblioteca do centro podedes consultar a versión impresa no recuncho das novidades. Agardamos que vos guste!!

 

sesión de títeres: O LIBRO DA TITIRITEIRA

Hoxe día 22 de Maio, o alumnado de infantil e 1º ciclo de primaria, puideron desfrutar dunha sesión de títeres moi especial, pois saían de grandes contos para contarnos historias da man da titiriteira Zeltia.

@s nen@s gustoulles tanto que estaban moi atentos e absortos nas histotias.

Grazas por esta fermosa sesión de títeres, e por fomentar a lectura de contos.

Se quederedes ver algúns dos bos momentos da titiriteira clica aquí 

EN COMPAÑÍA DE IAGO LÓPEZ

O alumnado de 1º e 2º de primaria, estiveron unha sesión con Iago López, o autor do libro "o cociñeiro Martiño".

Pasaron un anaco divertido, algun incluso actou como un das personaxes do conto e dramatizaron unha secuencia do conto.

Agradecemos a Iago López que tivera un pouvo do seu tempo para visitar ao alumnado que tivo a oportunidade de ler un dos seus libros.

Para ver alguns momentos máis do encontro, clica na foto

VISTOUNOS ABRAHAM CARREIRO

O alumnado de 2º e 3º de primaria tiveron a sorte de pasar un bo rato coa compañía e co arte gráfico de Abraham Carreiro.

Menres cos grupos de 3º fixo un obradoiro de ilustración, c@s alumn@s de 2º a sesión xirou en torno ao libro de lectura que previamente traballaran "Estudios Text" e algo de ilustración.

O alumnado gustoulle moito e o autor deixou a súas impresións impresas no libro de visitas, que a biblioteca garda con agarimo para os autores que nos visitan ademais de deixar firmado un exemplar do libro para dispoñer e reistrar na biblioteca.

Para ver unha pequena idea dos obradoiros clica na foto

DÍA DAS LETRAS GALEGAS

CELEBRACIÓN DO DÍA DAS LETRAS GALEGAS EN E.I.

O 16 de maio, día previo á celebración da data das nosas letras, volvémonos xuntar toda e Comunidade educativa da Ramallosa no Xirimbao. Un ano máis, o alumnado de Educación Infantil reunímos na nosa fraga á sombra de carballos e castiñeiros, e desta volta, convertémonos en auténticos piratas do Ulla. Grazas ao bo facer dos nosos guías, aprendemos moitas cousas de interese da nosa zona e como non, xogamos e divertímonos moitísimo. Coma doutras veces,  tamén realizamos algún xogo popular e gozamos dos hinchables. Xantamos e como sobremesa, ademais do saboroso xeado, bailamos unha muñeira ao ritmo das gaitas e pandeiretas. De novo, unha xornada estupenda.

Preme aquí ou na foto para ver as imaxes

Letras Galegas: Actividades na rede (5º e 6º de primaria)

Actividades para 5º e 6º de primaria sobre Mª Victoria Moreno (Letras Galegas 2018)

 

 

 

MVM

"PALABRAS FERMOSAS EN GALEGO"

palabras galegas

 

Como ben sabedes, o 17 de maio celebramos a festividade das “Letras Galegas”. Este ano, a escritora homenaxeada é a cacereña María Victoria Moreno Márquez, importante docente e editora da nosa lingua.Entre outras propostas didácticas e dinamizadoras que se levarán a cabo, dende os Equipos docentes do centro, lanzamos a actividade “Palabras Fermosas en galego”.

A dinámica consiste en que cada neno escriba e decore na casa a palabra galega que máis lle guste.

O traballo presentarase en tamaño cuartilla (medio folio ou cartulina), poñendo pola parte de atrás do papel, “Por que me gusta esta palabra?

O prazo de entrega destes traballos remata o luns día 14.

Todas as obras serán expostas no patio cuberto do centro durante a semana da nosa efeméride a prol da lingua.

 

Animádevos a participar!!

 

==============================

 

Velaquí deixamos o vídeo resumo da actividade!

MIl grazas a toda a comunidade educativa por participar.

BUSCA DE LIBROS POR PORTADAS E PISTAS

Outra actividade na que participou un grupo de alumnado de infantil e tamén os grupos de 1º de primaria consistía en montar un puzzle que correspondía a portadas de contos que logo tiñan que buscar na biblioteca.

Pola súa parte, os grupos de 2º de primaria, tiñan que facer a búsqueda de libros pero neste caso seguindo pistas ( buscar o titulo dun libro, anotar o autor,...), intentando que coñecesen e descubrisen distintas lecturas, acercándose aos libros de xeito lúdico no espazp da biblioteca.

Algunhas imaxes descriptivas da actividade. Clica aquí

O resto de alumnado de primaria, 3º, 4º, 5º e 6º, tiveron a oportunidade de contar cun contacontos de excepción como Pepe Sendón, quen candilou ao alumnado e profesorado co seu xeito de narrar historias acompañado do son de fondo dunha guitarra.

PRESTAMO-AGASALLO DE LIBROS

E seguindo coas actividades arredor dos libros, propúxose que cada un trouxese un libro como agasallo para intercambiar con outro compañeir@ que tocase en sorte dentro das aulas, pero con propósito de ser devolto despois de ser lido.

Que ilusión, cal será o libro que me tocará!!! un bo xeito de coñecer distintas lecturas e de fomentar o valor de compartir 

CLICA AQUI para ver algún exemplo dos momentos de emoción co agasallo dos libros.

Distribuir contido


by Dr. Radut