Skip to Content

TRADICIÓN POÉTICA ORAL

DADO QUE ESTE CURSO, O LEMA DE BIBLIOTECAS ESCOLARES ERA "POÉTICAS DIVERSAS NA BIBLIOTECA ESCOLAR", APROVEITAMOS PARA PROPOÑER ÁS FAMILIAS DO ALUMNADO DE EDUCACIÓN INFANTIL, FACER UNHA RECOLLEITA DE CANTIGAS, ARROLOS, RETAHÍLAS,... QUE RECITABAN E CANTABAN AOS SEUS FILLOS E FILLAS, NET@S OU DEMAIS FAMILIARES, NOS PRIMEIROS ANOS DE VIDA. POIS SEN DARNOS CONTA XA ESTAMOS POÑENDO EN CONTACTO AOS BEBÉS, AOS NENOS E NENAS, DENDE IDADES BEN TEMPERÁS, CON TEXTOS POÉTICOS AÍNDA QUE SEXA DUN XEITO ORAL.

A POESÍA É MELODÍA, SENTIMENTO, EXPRESIÓN,... POLO QUE, SOE SER UN TEXTO QUE, SE TEÑEN A OPORTUNIDADE DE CONTACTAR CON EL POSTERIORMENTE, SOELLES GUSTAR LER E ESCOITAR.

NO SEGUINTE ENLACE PODEDES ATOPAR A RECOLLEITA FEITA ENTRE TODAS AS FAMILIAS, AS QUE DAMOS AS GRAZAS POLA SÚA COLABORACIÓN.

 

LETRAS GALEGAS 2019

ANTÓN FRAGUAS

Homenaxeado Letras Galegas 2019

(17 Maio)

INFORMACIÓN SOBRE O AUTOR HOMENAXEADO,

ACTIVIDADES E OUTROS RECURSOS EN LIÑA:

Seminario Galán

Portal da Lingua Galega

 

LEDICIA Nº 4

Aquí tedes o cuarto número da nosa revista "Ledicia". A revista dixital de sexto-A

Coma sempre esperamos que vos guste.

(Premer na imaxe para ver a revista)

 

¡VIVAN OS MAIOS!!!!

Hoxe retomamos no noso colexio unha antiga tradición cultural; a conmemoración da festa dos MAIOS.

Ao longo deste curso, dentro da temática do proxecto de centro, lévase traballando en relación á importancia de coidar e respectar o noso entorno natural e hoxe, quixemos ensalzar a súa importancia elaborando un maio, coa colaboración de toda a comunidade educativa. Como ancestralmente se facía, esta festa servía para dar a benvida á primavera e á época da sembra, así como loar a riqueza que nos aporta a natureza coa súa vexetación.

Elaborouse un maio en forma piramidal entre tod@s ao longo da mañá e logo, colocados arredor del, recitouse o poema de Curros Enríquez, " Ahí ven o maio" que logo escoitamos musicalizado por Luis Emilio Batallán.

 

Vídeo resumo da actividade

POESÍA NAS ÁRBORES

DEBIDO ÁS BOAS CONDICIÓNS CLIMATOLÓXICAS, OUTRA ACTIVIDADE QUE SE ÍA LEVAR A CABO O DÍA DO LIBRO, PARA CONMEMORAR CONXUNTAMENTE POESÍA, ÁRBORES E LIBROS, FOI REALIZADA HOXE. 

CADA TITORÍA ESCOLLEU UNHA ÁRBORE DO PATIO ACERCA DA QUE SE REALIZARÁN DIFERENTES ACTUACIÓNS, NESTA OCASIÓN TRATABASE DE PARA PENDURAR DELA, AS DIVERSAS POESÍAS QUE SE CREARON CON TEMÁTICA SOBRE NATUREZA, QUE LEVABA POR TÍTULO "VERSOS VEXETAIS".

O TEMA DOS POEMAS FOI ESCOLLIDO POR ESTAR RELACIONADO CO PROXECTO DE CENTRO DESTE CURSO; A RECILAXE E O COIDADO DO ENTORNO ("ECOTEO").

 

"APADRIÑAMENTO LECTOR"

APROVEITANDO O BO DÍA QUE FACÍA, LEVAMOS A CABO AS ACTIVIDADES PENDENTES PARA O DÍA DO LIBRO, QUE SE SUSPENDERAN POR MOR DO MAL TEMPO.

UNHA DELAS FOI O "APADRIÑAMENTO LECTOR", ONDE O ALUMNADO DE 6º FORON OS PADRIÑOS E MADRIÑAS DE LECTURA DO ALUMNADO DE 2º, 3º E 4º DE PRIMARIA, MENTRES QUE O ALUMNADO DE 5º TIVO COMO AFILLAD@S AO ALUMNADO DE INFANTIL E 1º CICLO DE PRIMARIA. DESTE XEITO, CADA PADRIÑO/MADRIÑA TIÑA ENTRE 2 E 3 AFILLAD@S CON QUEN COMPARTIR UN TEMPO DE LECTURA E CONVERSA ARREDOR DUNHA HISTORIA.

 

    

   

MERCADO DE LIBROS

O DÍA 23 DE ABRIL, COINCINDO CO DÍA DO LIBRO, FÍXOSE UN MERCADO DE LIBROS. DENDE O GRUPO DA BIBLIOTECA CONSIDEROUSE QUE, DESPOIS DE FEITO UN EXPURGO, PODERÍASE APROVEITAR PARA REUSAR LIBROS XA DESFASADOS OU ANTIGOS, AGASALLANDO A CADA NEN@ CUN EXEMPLAR CON MOTIVO DE DITA DATA E PARA INCENTIVAR A LECTURA.

                    EXPOSICIÓN PREPARADA!!

 

        ALUMNADO ESCOLLENDO O LIBRO QUE LLES GUSTA

 

POR RAZÓNS METEREOLÓXICAS, TÍVOSE QUE APLAZAR A ACTIVIDADE DE "APADRIÑAMENTO LECTOR" POR FALTA DE ESPAZO NO INTERIOR DO COLEXIO PARA FACER LECTURAS.

TAMÉN FOI APLAZADA OUTRA ACTIVIDADE QUE HABÍA PREVISTA, RELACIONADA COA POESÍA E A ÁRBORE. APROVEITARÍASE O DÍA DO LIBRO PARA MOSTRAR O PRODUTO DUNHA PROPOSTA RELACIONADA CO TEXTO POÉTICO, QUE CONSISTÍA EN PENDURAR DAS ÁRBORES DO PATIO OS DIVERSOS POEMAS QUE FORON CREADOS E TRABALLADOS COA TEMÁTICA DA NATUREZA (SENDO ÉSTA UNHA DA FACETAS DO PROXECTO DESTE CURSO)

21 DE MARZO- DÍA DA ÁRBORE DE DA POESÍA

COÍNCIDINDO CO DÍA DA POESÍA E DA ÁRBORE, APROVEITAMOS PARA TRANSPLANTAR UN SALGUEIRO, QUE NOS AGASALLARA ANXO MOURE NA SÚA VISITA ANTERIOR, CO ALUMNADO DE INFANTIL XA QUE SE PUXO NO SEU PATIO DE XOGO. E PARA QUE MEDRE FORTE E BONITO, RECITÁMOSLLE UNHA FERMOSA POESÍA DE XOSÉ NEIRA, COMBINANDO AMBAS CONMEMORACIÓNS.

É IMPORTANTE FOMENTAR NOS PEQUENOS E PEQUENAS O COIDADO E RESPETO POLO SEU ENTORNO, O COÑECEMENTO DAS ESPECIES ANIMAIS E VEXETAIS DA SÚA ZONA E INTRODUCIR NA SÚA VIDA COTIÁ HÁBITOS DE DE COIDADO E LIMPEZA DOS ESPAZOS NOS QUE SE MOVEN.

LONGA VIDA AO SALGUEIRO VENDO XOGAR AOS NENOS E NENAS AO SEU REDOR!!!!!!

  

   

VÍDEO-MONTAXE DO CENTRO COAS COREGRAFÍAS DO FESTIVAL DE ENTROIDO 2019

    

    

    

Mil grazas a Ángel Sanjurjo! Pola súa colaboración ante un imprevisto durante o proceso de gravación e o tempo invertido a posteriori para a causa. 

 

FOTO-MONTAXE COAS FOTOS DESTE ENTROIDO 2019

PODES DESCARGAR AS FOTOS EN ALTA CALIDADE AQUÍ

Mil grazas a Roberto Blanco, (Ex-Presidente da ANPA), polo seu tempo e traballo excepcional un ano máis coa reportaxe. 

Distribuir contido


by Dr. Radut