Blogue de Carme

PLANTANDO ÁRBORES CON PINCEIS DE ABANCA

Xov, 2024-05-02 22:20 — carme

ESTE XOVES, 2 DE MAIO, LEVAMOS A CABO NO CENTRO UN PROXECTO ESCOLAR POLA SUSTENTABILIDADE QUE UNE CULTURA E COIDADO DO MEDIO AMBIENTE A TRAVÉS DA UTILIZACIÓN DE PINTURAS FOTOCATALÍTICAS ANTICONTAMINACIÓN. ESTAS PINTURAS NON SÓ NON CONTAMINAN, SENÓN QUE ADEMAIS ABSORBEN E DEPURAN OS CONTAMINANTES QUE HAI NO AIRE, COMO OS ÓXIDOS DE NITRÓXENO E OUTROS GASES CONTAMINANTES DA INDUSTRIA E O TRÁFICO RODADO.

O PROXECTO, "PLANTANDO ÁRBORES CON PINCEIS", ESTÁ IMPULSADO POLA OBRA SOCIAL ABANCA EN COLABORACIÓN CON VELLA ESCOLA E ENMARCADA NO PLAN PROXECTA, A TRAVÉS DO PROGRAMA ESCOLA VERDE. DITA PROPOSTA CONSISTIU EN DÚAS INICIATIVAS:

--- UNS OBRADOIROS DE PINTADO DE BOLSAS DE TEA CON TEMÁTICA AMBIENTAL, QUE LEVARON A CABO CRIANZAS DE 4ºEP

PODEDES VER O PROCESO DA ACTIVIDADE NAS SEGUINTES IMAXES:

- OUTRO GRUPO DE CRIANZAS DE 5ºEP, PARTICIPOU NO PINTADO DUNHA PAREDE DO CENTRO (NESTE CASO, POR CUESTIÓNS METEREOLÓXICAS, A PAREDE FOI NO INTERIOR), USANDO IGUALMENTE AS MESMAS PINTURAS E CON TEMÁTICA AMBIENTAL E ALGÚN OUTRO GUIÑO, COMO NESTE CASO, UNHA GUITARRA PARA FACER REFERENCIA AO PERSONAXE PROTAGONISTA DA REVISTA MUSICAL CREADA NESTE CURSO.

XULIA PISÓN INTRODÚCENOS NO MUNDO DO COMIC

Mar, 2024-04-30 23:38 — carme

ENMARCADO NAS ACTIVIDADES ORGANIZADAS POLO EQUIPO DINAMIZADOR DA BIBLIOTECA, ESTE ÚLTIMO LUNS DE ABRIL, O ALUMNADO DE 4º TIVO UN ENCONTRO COA ILUSTRADORA, ESCRITORA E ARTISTA VISUAL XULIA PISÓN, AUTORA DE CÓMICS COMO "MICROALGAS", "MCCACTUS", "LEGADO", ETC. XULIA PISÓN, DESPOIS DE DEIXAR A PROFESIÓN DE ENFERMERÍA, CURSOU ESTUDIOS SUPERIORES DE ILUSTRACIÓN E VEUNOS A CONTAR MOITAS TÉCNICAS PARA A REALIZACIÓN DE CÓMICS. TAMÉN NOS FALOU DO SEU PROXECTO RELACIONADO COA INVESTIGACIÓN DAS MICROALGAS E DOS SEUS BENEFICIOS PARA O DESENVOLVEMENTO SOSTIBLE E O MEDIO AMBIENTE.

EXPLICOUNOS OS PASOS A DAR PARA FACER UN CÓMIC: GUION, MINIATURAS DAS PÁXINAS, BOCETO A LAPIS, DEBUXO FINAL, DISTINTAS TÉCNICAS PARA O DESEÑO DE PERSONAXES, UTILIZACIÓN DE FORMAS E CORES, VIÑETAS, LIÑAS DE MOVEMENTO, ONAMATOPEAS...

COAS PAUTAS DADAS POR XULIA, PUXEMOS EN PRÁCTICA TODAS AS TÉCNICAS. XULIA SUPERVISOU TODOS OS NOSOS TRABALLOS E DEUNOS MOITOS CONSELLOS PARA QUE SIGAMOS ELABORANDO CÓMICS. FOI MOI DIVERTIDO!

PLANTAMOS NO MONTE PEDROSO

Sáb, 2024-04-13 08:46 — carme

ENMARCADO NO PLAN PROXECTA, A TRAVÉS DO PROGRAMA ESCOLA VERDE, O ALUMNADO DE CUARTO DE PRIMARIA, ACUDIU AO PEDROSO A FACER UNHA PLANTACIÓN DE DIVERSAS ÁRBORES AUTÓCTONAS (FREIXOS, CASTIÑEIROS E CARBALLOS) CO FIN DE EVITAR A DEFORESTACIÓN. ACOMPAÑÁRONNOS OS AXENTES AMBIENTAIS SANTIAGO NEIRA E XABIER VIDAL, ASÍ COMO O EQUIPO DE BRIGADISTAS E MOTOBOMBISTA DO DISTRITO FORESTAL III. APROVEITAMOS PARA VISITAR A CASETA DE VIXIANCIA DE INCENDIOS DESDE ONDE PUIDEMOS VISUALIZAR TODA A COMARCA DE SANTIAGO E ARREDORES. FIXEMOS UN PERCORRIDO POLAS RUTAS DE SENDEIRISMO DO MONTE PEDROSO E DESFRUTAMOS DUNHA XORNADA MOI DIVERTIDA EN CONTACTO COA NATUREZA.

SE CLICAS AQUÍ PODEREDES VER TÓDALAS FOTOS DESTA ACTIVIDADE.

PLANTANDO

REGANDO E "REGÁNDONOS"

VISITANDO A CASETA DE VIXIANCIA

MERENDANDO

EXPLORANDO

REMATAMOS RECIBINDO UNHAS MEDALLAS POLA NOSA COLABORACIÓN CO MEDIO AMBIENTE!!!

OBRADOIROS DE CONSUMO RESPONSABLE CON MANS UNIDAS

Sáb, 2024-04-06 09:30 — carme

HOXE VEUNOS VISITAR MIRIAM PARA FALARNOS DA IMPORTANCIA DE LEVAR A CABO UN CONSUMO RESPONSABLE NAS NOSAS CASAS. MANS UNIDAS É UNHA ONG INTERNACIONAL ESPAÑOLA CONSTITUIDA POR VOLUNTARIOS E QUE LOITA PARA ERRADICAR A FAME E A POBREZA NO MUNDO. POR MEDIO DO PROXECTO "FAME CERO" ANALIZAMOS OS NOSOS HÁBITOS DE CONSUMO E A NECESIDADE DE CAMBIAR MOITOS DELES:

ANALIZAMOS NUN VIDEO O REPARTO POUCO EQUITATIVO E A DIFERENZA ENTRE NÓS E O TERCEIRO MUNDO.
FALAMOS DO QUE NÓS PODEMOS APORTAR PARA LOITAR CONTRA A DESIGUALDADE.
FIXEMOS UN ESTUDO DO QUE ALMORZAMOS HABITUALMENTE.
INVESTIGAMOS DE ONDE PROCEDEN MOITOS DOS NOSOS ALIMENTOS.
FIXEMOS FINCAPÉ DA IMPORTANCIA DE CONSUMIR PRODUTOS LOCAIS.
INCIDIMOS NA REGRA DAS "3R" E ENGADIMOS DÚAS MÁIS: REDUCIR, REUTILIZAR, RECICLAR, REPARAR E REPENSAR.
COMPROMETÉMONOS A COLABORAR PARA AXUDAR AO CAMBIO.

VELAQUÍ ALGUNHAS IMAXES DA ACTIVIDADE:

A ESCRITORA MARÍA CANOSA, VEUNOS A FALAR DE RUBICUNDO

Xov, 2024-03-21 01:05 — carme

O MÉRCORES 20 DE MARZO, A ESCRITORA MARÍA CANOSA VISITOU O NOSO CENTRO PARA COMPARTIR CO ALUMNADO DE 4º AS AVENTURAS DOS PROTAGONISTAS DO LIBRO QUE ESTIVEMOS A LER NESTE TRIMESTRE: RUBICUNDO, O COSEDOR DE VENTOS. PREGUNTÁMOSLLE MOITAS COUSAS SOBRE A SÚA PROFESIÓN DE ESCRITORA E SOBRE COMO CREA AS SÚAS HISTORIAS E PERSONAXES. GUSTOUNOS MOITO ESCOITALA. VELAQUÍ OS MOMENTOS DO ENCONTRO COA ESCRITORA:

DESPOIS DA CHARLA, MARÍA ASINOUNOS OS LIBROS A CADA UN E TAMÉN DEIXOU UNHA DEDICATORIA NO LIBRO DA BIBLIOTECA. MENTRES, APROVEITAMOS PARA LER EN GRUPO ALGÚN EPISODIO DO LIBRO.

FOI UN ENCONTRO MOI DIVERTIDO!

NA AULA FIXEMOS TRABALLOS SOBRE RUBICUNDO, UN PERSONAXE MOI ESPECIAL!

VISITAMOS A CIDADE DA CULTURA E FOMOS A VER A OBRA DE TEATRO "HUGO"

Xov, 2024-03-14 23:42 — carme

O xoves, 14 de marzo fixemos unha saída a Santiago para ver a obra de teatro "Hugo", no auditorio de Abanca. Grazas a ela puidemos coñecer como é unha persoa con transtorno de espectro autista e aprendemos un pouco máis sobre a importancia da empatía, da necesidade de comunicarnos e da beleza da diferenza.

Antes, pasamos pola Cidade da Cultura e visitamos no Museo unha exposición sobre pintura de José María Barreiro, pintor vangardista de Forcarei. Aquí quedan uns momentos da actividade:

FALAMOS CON GONZALO POR VIDEOCONFERENCIA

Mér, 2024-02-28 17:06 — carme

HOXE TIVEMOS UNHA SORPRESA MOI AGRADABLE: COMO É O DÍA DE ANDALUCÍA, APROVEITAMOS QUE GONZALO, COMPAÑEIRO QUE VIVE AGORA EN CÓRDOBA, NON TIÑA CLASE, PARA CONECTARNOS CON EL. GUSTOUNOS MOITO QUE NOS CONTARA SOBRE A SÚA NOVA VIDA, O SEU NOVO COLE, PROFES E COMPAÑEIROS. BOTÁMOLO MOITO DE MENOS E PROPUXÉMONOS FACER ALGÚN PROXECTO XUNTOS. IREMOS INFORMANDO A VER O QUE ARGALLAMOS. ASÍ DE EMOCIONADOS ESTABAMOS NA VIDEOCONFERENCIA CON GONZALO, A SÚA NAI E SÚA IRMÁ!!!

CELEBRAMOS O DÍA DE ROSALÍA

Ven, 2024-02-23 18:45 — carme

DURANTE A SEMANA DO 23 DE FEBREIRO, DÍA DE ROSALÍA, ADICAMOS MOITAS DAS NOSAS ACTIVIDADES A ESTA POETISA GALEGA, REFERENTE DA NOSA LITERATURA, DA NOSA LINGUA E DA CULTURA GALEGA.

AQUÍ DEIXAMOS UNHA MOSTRA DAS COUSIÑAS QUE FOMOS FACENDO DURANTE ESTES DÍAS:

IDENTIFICAMOS POEMAS DE ROSALÍA MUSICADOS, INTERPRETADOS POR DIFERENTES ARTISTAS GALEGOS COMO LUZ CASAL, AMANCIO PRADA...POR MEDIO DUNHA TABLET.

FIXEMOS ACTIVDADES INTERACTIVAS NO ORDENADOR E RECOLLEMOS DATOS NOS NOSOS CADERNOS.

ELABORAMOS MARCAPÁXINAS COA FIGURA DE ROSALÍA E OS SEUS POEMAS:

DESFRUTAMOS MOITO E APRENDEMOS UN MONTÓN CON ROSALÍA DE CASTRO!!!

DISFRAZÁMONOS NO ENTROIDO E BAILAMOS CON "QUEEN"

Dom, 2024-02-11 01:09 — carme

NESTE ENTROIDO, A TEMÁTICA ESCOLLIDA NO NOSO COLE FOI A DOS MUSICAIS. EN 4º BAILAMOS COA BANDA "QUEEN" TEMAS TAN COÑECIDOS COMO: "WE ARE THE WORLD", "WE WILL ROCK YOU", "I WANT TO BREAK FREE" E OUTROS. DISFRUTAMOS MOITO ENSAIANDO A NOSA COREOGRAFÍA, DISFRAZÁNDONOS E COMPARTINDO TAREFAS XUNTOS. VELAÍ VAN ALGÚNS MOMENTOS DESTES DÍAS DE ENTROIDO:

COÑECEMOS COMO ERUPCIONA UN VOLCÁN

Dom, 2024-02-11 00:48 — carme

EN SOCIAIS ESTAMOS ESTUDANDO O RELEVO, ASÍ QUE QUIXEMOS COÑECER UN FENÓMENO QUE NOS SORPRENDE E QUE TEN LUGAR NA SUPERFICIE TERRESTRE: OS VOLCÁNS. PARA COÑECER AS PARTES DO MESMO E COMO TEN LUGAR A ERUPCIÓN VOLCÁNICA, TOMÁS E RAÚL, TROUXÉRONNOS Á AULA DÚAS MAQUETAS COAS QUE PUIDEMOS OBSERVAR E COÑECER UN POUCO MÁIS SOBRE ESTE FENÓMENO. VELAÍ TEDES ALGUNHAS IMAXES DO EXPERIMENTO: