Grazas á o Consorcio editorial, e por mercar moitos libros para a nosa biblio de centro, tivemos como agasallo unha proposta musical con Luis Vallecillo, "Buscando a Rosalía". Compartiu 2 sesións coas crianzas de infantil para cantar adaptacións de poemas de Rosalía de Castro, a medida que contaba como descubrira á nosa escritora galega e lle entraron gañas de mudarse dende Madrid para coñecer Galiza e cousiñas daquela poeta. As crianzas pasaron un ratiño ben agradable
Como cada curso, o 23 de abril "día do Libro", é unha data, que consideramos moi importante conmemorar coas crianzas. Unha actividade que sempre repetimos porque consideramos educativa e ademais lles gusta moito é o "apadriñamento lector"; alumnado de 5ºEP apadriñaron a crianzas de infantil e os de 6ºEP a crianzas dende 1º a 4º de educación primaria compartindo a lectura dun conto, fomentando as interacións internivel, así como a competencia lectora.
Daba gusto ver a todo o alumnado repartido polo patio compartindo momentos de lectura e conversa, así como ver aos maiores coidando das crianzas pequenas a quenes apadriñaban; fomentando a responsabilidade, o compañerismo, o respecto,...
Tamén se deseñaron marcapáxinas nas aulas, que podían ser para sí mesmo ou intercambialo como agasallo entre o grupo. Ex:
HOXE VEUNOS VISITAR MIRIAM PARA FALARNOS DA IMPORTANCIA DE LEVAR A CABO UN CONSUMO RESPONSABLE NAS NOSAS CASAS. MANS UNIDAS É UNHA ONG INTERNACIONAL ESPAÑOLA CONSTITUIDA POR VOLUNTARIOS E QUE LOITA PARA ERRADICAR A FAME E A POBREZA NO MUNDO. POR MEDIO DO PROXECTO "FAME CERO" ANALIZAMOS OS NOSOS HÁBITOS DE CONSUMO E A NECESIDADE DE CAMBIAR MOITOS DELES:
ANALIZAMOS NUN VIDEO O REPARTO POUCO EQUITATIVO E A DIFERENZA ENTRE NÓS E O TERCEIRO MUNDO.
FALAMOS DO QUE NÓS PODEMOS APORTAR PARA LOITAR CONTRA A DESIGUALDADE.
FIXEMOS UN ESTUDO DO QUE ALMORZAMOS HABITUALMENTE.
INVESTIGAMOS DE ONDE PROCEDEN MOITOS DOS NOSOS ALIMENTOS.
FIXEMOS FINCAPÉ DA IMPORTANCIA DE CONSUMIR PRODUTOS LOCAIS.
INCIDIMOS NA REGRA DAS "3R" E ENGADIMOS DÚAS MÁIS: REDUCIR, REUTILIZAR, RECICLAR, REPARAR E REPENSAR.
COMPROMETÉMONOS A COLABORAR PARA AXUDAR AO CAMBIO.
As crianzas de 2ºEP, fixeron un fermoso traballo de busca de información sobre o concello de Teo: as parroquias que o conforman, o patrimonio co que conta,... Pero ademais foi unha forma de aprendizaxe do concello como entidade: visitaron as súas instalacións, coñeceron de preto como é o seu funcionamento, tiveron a oportunidade de conversar coa alcaldesa e outr@s concelleir@s, visitaron a policía local e como é un camión de bombeiros, entre outras cousas.
Foi ademais un traballo grupal e cooperativo entre as dúas aulas deste nivel, xa que para esta proposta fixeron grupos misturando crianzas de ambas clases, supoñendo unha actividade enriquecedora, entretida e motivadora e un xeito de abordar este contido dunha forma significativa e competencial.
Visualizar o video para dar conta do bonito traballo que fixeron.
Comezou a primavera cun bonito día de sol, e aproveitamos a sacar os libros de poesía para amenizar e enriquecer o lecer das crianzas no día da conmemoración deste tipoloxía de textos. Foi unha fermosa maneira de estrear os bancos e mesas que agora locen no patio, sendo ocupadas por rapaces que adicaban uns minutos a ler poesía.
Tamén dende a biblioteca, ofreceuse a posibilidade, a quenes quixeran, de recitar en voz alta (co axuda dun micro e altavoz) algún poema e/ou estrofa poñendo en valor este texto literario e ambientando os oídos dos que escoitaban.
(clicar na seguinte imaxe dos libros temáticos para ver máis fotos)
Un grupo de crianzas de 4 anos de educación infantil, animáronse a crear uns pareados a partir dunhas palabras escollidas por eles; "tesouro e diamante". Cadaquen escolleu cal rexistrar e ilustraron dito poema como desexaron.
A data do DÍA DA MULLER, é tamén unha conmemoración sobre a que se traballa nos centros escolares, aínda que desexamos que co paso dos anos sexa máis con motivo de festexo e logro polos valores da igualdade, do respecto e tolerancia cara ás persoas como ser humano, ca con sentido reinvidicativo e de loita polos dereitos e oportunidades do xénero feminino.
FONDOS que poden servir como punto de partida para o diálogo ou outras propostas
Dende as aulas, este 8M, foi abordado con distintas propostas moitas delas iniciadas e que se seguirán traballando. Compartimos algunha delas:
-- Mural con imaxes de traballos que se considera, calquera persoa pode desempeñar hoxe en día, acompañadas de verbas que apoien a igualdade entre ambos sexos, o respecto, a tolerancia, o amor,o desexo de ter unha familia,.. . Previamente explicouse a orixe dos símbolos feminino e masculino, e comentaron a evolución e os logros que se foron acadando dende moitos anos atrás, a nivel laboral, de dereitos, de respecto,... da muller.
HAI ANOS
NOS NOSOS DÍAS
-- "DE MAIOR SEREI O QUE QUEIRA SER". Un mural que reflicte no debuxo o que cada crianza desexa ser de maior e así o expresan no video que podes visionar a continuación
- Outro alumnado de 4º iniciaron un traballo sobre banda deseñada e mulleres importantes, o resultado xa o mostraremos
- O debate tamén estivo presente noutro grupo, que tivo como base a lectura do conto proposto por Manos Unidas "LA ORQUESTA ARMONÍA", que lles incitou a falar dos estereotipos cando se xulga aos demais, as diferenzas enriquecen e melloran o grupo, tomar conciencia de mudar comportamentos e actitudes,... para avanzar nun mundo máis tolerante, máis respectuoso,...
- As crianzas de 5ºEP, investigaron se houbo mulleres dentro das Irmandades da Fala, ao saíren só homes nas fotos das xuntanzas. Titularon o seu traballo: As Irmás da Fala. Descubrion que elas tamén participaban nos debates políticos e loitaban polos seus dereitos como cidadás cando aínda nin se recoñecera o voto feminino.
En conxunto, os grupos B e C, xogaron a descubrir quen eran as mulleres dunhas fotos que había nas aulas. Elaboraron murais e explicaron o motivo de seren pioneiras galegas.
DENDE O NOSO CENTRO, NON QUERÍAMOS DEIXAR PASAR UNHA CONMEMORACIÓN IMPORTANTE, COMO É O ANIVERSARIO DA NOSA GRANDE E QUERIDA ESCRITORA GALEGA, ROSALÍA DE CASTRO.
- XOGO MUSICAL:
Elaborouse un xogo co obxectivo de emparellar poemas musicados por diferentes artistas con distintos estilos musicais, con poemas escritos pola homenaxeada, tendo que escanear o código QR que acompaña a cada artista para escoitalo e logo asociar co poema que tocase, coa intención de que servise de excusa para ler /recitar algúns dos seus poemas e paralelamente, descubrir estilos musicais e artistas galegos.
(premede na imaxe para ver como xogaban un grupo de crianzas e outras actividades que fixeron)
OUTRAS PROPOSTAS QUE SE TRABALLARON DENDE AS AULAS:
(COMENTAMOS ALGUNHAS DELAS)
- Os fondos dos que dispón a biblioteca, espuxéronse para ser consultados
- O Alumnado de 6º EP aproveitou os ordenadores na aula de polos creativos, para buscar información da vida e obra da escritora e logo facer as súas presentacións
- O alumnado de 5º EP fixo uns cartaces con versos sobre as escritora, en formato banda deseñada.
- O alumnado de 1ºEP, fixeron un pequeno libriño con algunha información relevante da autora
- O grupo de crianzas de 6º de EI, andiveron traballando algúns poemas a través da música, sobre todo, aqueles musicados por artistas que apadriñan algunhas aulas do cole neste curso, como Astarot, Uxía Senlle, De Vacas, Gaudi Galego
- Decorouse un fermoso cadro da escritora. Retrato de Luisa Carnés, que luce no mural conxunto na entrada do centro.
- Alumnado de 5ºEI, tamén traballaron entre outras actividades, sobre o poema "PARECE UNHA ROSA", e fixo unhas fermosas creacións da súa figura humana.
- MURAL ROSALIANO:
Así de fermoso loce o mural sobre ROSALÍA DE CASTRO, cuns fermosos corazóns aludindo ao lema deste ano "O AMOR DA PATRIA GALEGA" (decorados por crianzas de infantil) de cara a esta poetisa galega
Este curso a temática do proxecto anual é a música, por iso decidiuse elixir os MUSICAIS como idea para disfrazarse no entroido.
Mans á obra: cada nivel escolleu un musical para interpretar co alumnado desa idade, informáronse sobre o mesmo, acordaron como facer o cartel publicitario para o decorado, prepararon a coreografía que escenificar o día do festival, o 9 de Febreiro diante da comunidade educativa.
O decorado cos carteis dos musicais ambientaba o pavillón para que lucisen as coreografías respectivas
O alumnado de 6º EP, aproveitou a repartir entradas entre as familias a cambio dun donativo voluntario, como colaboración para a excursión final de curso e etapa.
21 días co galego e + é un programa promovido pola Consellería de Cultura, Educación, Formación Profesional e Universidades, a través da Secretaría Xeral de Política Lingüística, que ten como finalidade promover o uso do galego oral entre a xente nova, dentro e fóra dos centros de ensino, no marco do Plan de dinamización da lingua galega na mocidade.
Esta iniciativa de dinamización lingüística nace para que o alumnado fale máis o galego e perfeccione o seu uso dentro e fóra das aulas e que, alén diso, analice a súa relación coas linguas que coñece, e máis concretamente coa nosa, para ver cal é o lugar que ocupa ou pode ocupar na súa vida.
Na actualidade participa alumnado de Ed. Infantil e Primaria, ESO, bacharelato e FP, con idades comprendidas entre os 3 e os 18 anos, que se compromete co seu profesorado a falar soamente en galego as 24 horas do día durante as 21 días que dura o programa dentro e fóra do centro de ensino.
Xorde co ánimo de compartir a ilusión por conservar, recuperar e crear falantes que vivan o galego como unha lingua a medrar chea de posibilidades. A súa singularidade reside na vontade de implicar os rapazas e rapaces durante un tempo determinado en todas as facetas da súa vida, na procura de que o galego sexa lingua normal de uso en todos os ámbitos, e en levar a aula á rúa e a rúa á aula, fuxindo do estudo máis académico da lingua.
Este programa ten a súa orixe en 21 días co galego, unha experiencia didáctica que botou a andar no IES da Pobra do Caramiñal no ano 2013, da man da profesora Pilar Ponte; desde entón, desenvolvéronse catro edicións máis dese proxecto no mesmo centro.
En 2015 recibiu un premio de innovación en dinamización lingüística da Secretaría Xeral de Política Lingüística e no ano 2018 recibiu o primeiro acto de recoñecemento a unha actividade educativa por parte da Real Academia Galega. No ano 2019 recibiu o X Premio da Lingua Rosalía de Castro da Deputación da Coruña e o Premio da Cultura Galega de Lingua.
Ano a ano medra tanto no número de centros como no de participantes na procura de manter e espallar o galego entre a infancia e a mocidade galegas.
"AULAS MUSICAIS"
Esta actividade que ideamos para o programa, vinculada tamén ao proxecto de centro e de Bibliotecas deste curso escolar (A Música), foi unha das propostas estrela desta edición.
A través da mesma desenvolvemos diversas actividades relacionadas coa nosa música e o noso patrimonio cultural como pobo. E para crear referentes nos discentes, potenciar esta mensaxe, e achegar esta cultura o máis posible aos discentes, apadriñamos todods os espazos e aulas do centro co nome de grupos e artistas galegos, que ademáis de enviarnos os seus vídeos de agradecemento e felicitacións ao alumnado pola actividade, tamén nos foron visitando durante os 21 días e ao longo de todo o curso escolar.
"DITOS RETRANQUEIROS DOS NOSOS MAIORES"
Con esta actividade, durante os 21 días, o alumnado foi recollendo os ditos máis retranqueiros dos seus maiores, para despois facer unha posta en común nas aulas e recopilalos facendo como actividade final unha humilde edición impresa deste traballo.
