Un ano máis, este xoves día 10, celebramos o magosto!
Unha xornada de festa!! Con xogos tradicionais, a música da "UkeBand", e os "Ghaiteiros ramalloseiros", as brasas para as castañas asadas e un feixe de actividades, fixeron as ledicias dos nenos/as e familias do cole que nos acompañaron.
Podedes premer na imaxe para ver todas as fotos e vídeos deste fermoso magosto!!
Un ano máis, no centro celebramos a rachar o noso SAMAÍN!!
E na área de inglés o noso irmán anglosaxón, HALLOWEEN!!
Podes coñecer máis sobre a orixe desta festa no video desta publicación.
Como xa sabedes, debido á predicción meteorolóxica tivemos que cancelar a celebración conxunta do magosto.
Agradecer ás familias a vosa colaboración na xa habitual e espectacular exposición de cabazas. Así como noutras actividades planificadas; merendas terroríficas, "disfraces"... O mesmo en canto á implicación de todo oprofesorado e do espectacular equipo de cociña que temos. Que volveron a ofrecer aos nenos/as unmenú terrorífico, rico rico.
Destacar tamén a actuación intinerante polas aulas do centro da nosa "Uke-Band". Que deleitaron a todo o alumnado co noso himno oficial desta festa. O "SamaGosto".
Premendo na seguinte imaxe poderedes ir vendo un montón de momentos divertidos que viviron as vos@s pequechos!!
Aínda non están todas, pero pouco a pouco iremos achegando todas as fotos ao mesmo enlace.
HOXE, 24 DE OUTUBRO, CONMEMÓRASE O DÍA DAS BIBLIOTECAS ESCOLARES, CO LEMA "ESCRIBIR A BIBLIOTECA ESCOLAR". QUE IMPORTANTE É ESCRIBIR PARA SER LIDO, PARA REXISTRAR, PARA CONTAR, PARA COMUNICAR,...; NUNCA DEIXEDES DE ESCRIBIR E FACEDE MOITO USO DAS BIBLIOTECAS.
CLICANDO ENRIBA DO CARTEL, PODERÁS ACCEDER Á PAXINA XERAL DE BIBLIOTECAS ESCOLARES E VERÁS UNHA EXPLICACIÓN E AUTORA DO MESMO.
ADXUNTAMOS A CARTA QUE SE COMPARTIU CO ALUMNADO EXPLICANDO QUE NON É POSIBLE ABRIR A BIBLIOTECA POR MOR DUNHAS OBRAS QUE SUPORÁN UNHA AMPLIACIÓN DE RECURSOS, QUE PRONTO SE DARÁ A COÑECER
Hoxe foi un día moi moi especial! Recibimos nada máis e nada menos que o premio do “Proxecto didáctico Antonio Fraguas”.
Un recoñecido galardón que vai pola súa XII edición, organizado pola Fundación Antonio Fraguas e patrocinado pola Secretaría Xeral de Política lingüística.
O proxecto que presentamos “EcoParloTeo; froitos da terra”, ten un marcado carácter multidisciplinar, por abarcar diferentes eidos da nosa lingua, música, historia, tradición, natureza autóctona/ecoloxía…
Grazas a esta importante dotación económica e apoio loxístico voará máis alto que nunca, para desembocar en setembro/outubro do 2023 nunha macro exposición no Museo do Pobo Galego, na que os protagonistas serán os nosos alumnos/as e todo o traballo realizado ata agora, e o que virá durante o vindeiro curso escolar.
Grazas unha vez máis a toda a xente da Fundación, O Museo do Pobo Galego, a Secretaría Xeral de Política Lingüística…
Este recoñecemento é moi importante para todos os Ramalloseir@s!!
Esta semana tivemos a oportunidade de vivir uns momentos máxicos no "1º Certame" do Proxecto "Cóntameun Conto", promovido polo "Museo do Pobo Galego" e a "Fundación Antonio Fraguas" a través do APOI. A gala celebrouse no maxestuoso "Teatro Principal" de Compostela e estivo cargado de emocións!!
Os ramalloseiros levamos contos, música en directo, música na rúa,... Ata aproveitamos para facer unha tournet cultural no casco histórico co profe Xabi.
Mil grazas a todo o alumnado, profesorado e familias que participaron no proxecto. E tamén aos discentes implicad@s ao máximo nas actividades musicais; "Grupo de música tradicional", Tanxugueiriñas", "Galeg@s troupe".... Son todo un exemplo a seguir!!
Xa podedes ver o vídeo resumo da actividade, os contos e outra info do proxectopremendo na seguinte imaxe:
A Real Academia Galega resolveu dedicar as Letras Galegas 2022 a Florencio Delgado Gurriarán ( Córgomo de Valdeorras, 1903 - Fair Oaks, California, 1987).
Florencio Delgado Gurriarán foi un autor cuxa biografía percorre practicamente todo o galeguismo do pasado século XX, desde experiencias como a do Seminario de Estudos Galegos (1923), o Partido Galeguista, o rexurdimento literario dos anos 30 ou a defensa do Estatuto de Autonomía do 36, ata momentos tan dramáticos como a guerra civil (1936-1939) e o exilio.
Trátase, de feito, do primeiro homenaxeado no Día dás Letras Galegas que representa aos intelectuais do exilio mexicano, que do mesmo xeito que o bonaerense, frutificou en numerosas iniciativas culturais e proxectos editoriais de diversa índole.
Como todos os anos, no centro celebraremos esta festa do noso idioma e cultura galega por todo o alto. Durante a semana faremos diferentes actividades a nivel aula (unidades didácticas, etc) e este luns, día 16 de Maio, se a climatoloxía o permite, teremos a nosa tradicional "romería popular", pero un ano máis no recinto do centro (debido ás medidas COVID). Iso si, non faltarán os xogos tradicionais, a música galega, o baile... E como non, o agardado xantar!!
Contidos cortesía da Coordinadora dos Equipos de Dinamización da Lingua Galega e o traballo dos diferentes centros educativos que o conformamos, mestres/as, institucións, etc
No centro leváronse a cabo diferentes actividades para a celebración desta importante efeméride para a nosa lingua. Debido á situación pola alerta sanitaria do COVID19, o desenvolvemento das mesmas realizouse maiormente a nivel aula. Para facilitar a xestión destes traballos co alumnado. Premendo nas diferentes imaxes podedes ir visitando exemplos de diferentes propostas que fixemos.
