EMPEZAMOS CO TEMA DOS TRABALLOS, ASÍ QUE CARLOS, O PAPÁ DE NOA E ANXO, VEU A EXPLICARNOS EN QUE CONSISTE O SEU OFICIO. TRABALLA EN VIAQUA E AMOSOUNOS CAL É A SÚA LABOR NUNHA ETAP (ESTACIÓN DE TRATAMENTO DE AUGA POTABLE). GRAZAS ÁS PLANTAS POTABILIZADORAS A AUGA LÍMPASE DE MICROORGANISMOS PREXUDICIAIS PARA QUE POIDAMOS CONSUMILA SEN RISCO A CONTRAER ENFERMIDADES . UNHA VEZ POTABILIZADA, A AUGA DISTRIBÚESE POR UNS TUBOS QUE ESTÁN BAIXO AS RÚAS ATA CHEGAR ÁS BILLAS DAS CASAS. MIRADE QUE BEN NOS EXPLICOU O PROCESO.
O 8 DE MARZO, DÍA DA MULLER, QUIXEMOS PRESENTAR NA CLASE AS MULLERES QUE SON IMPORTANTES PARA NÓS NAS NOSAS VIDAS. AQUELAS QUE QUEREMOS MOITO E QUE ADMIRAMOS POR TODO O QUE FAN POR NÓS. ESTA FOI A NOSA HOMENAXE NESTE DÍA TAN ESPECIAL.
"TEÑO UNHA NAI MOI DIVERTIDA E GÚSTAME XOGAR CON ELA...INVENTAMOS XOGOS OS DOUS"
"MIÑA NAI É MOI IMPORTANTE PARA MIN, DELA GÚSTAME TODO"
"MIÑA TÍA É MOI BOA, TRABALLA MOITO CONMIGO E CON MIÑA IRMÁ E CÓIDANOS MOI BEN".
"MIÑA NAI ESTÁ SEMPRE PENDENTE DE MIN. GÚSTAME IR DE COMPRAS CON ELA"
"ELEXÍN A MIÑA NAI PORQUE É MOI BOA CONMIGO, QUÉREME MOITO E EU A ELA"
"O QUE MÁIS ME GUSTA DE MIÑA NAI É CANDO VIAXAMOS XUNTAS E IMOS DE PASEO. PASÁMOLO MOI BEN"
"MIÑA NAI CÓIDAME MOITO POR ESO EU TAMÉN A VOU A COIDAR A ELA"
"MIÑA TÍA É A MIÑA MULLER PREFERIDA PORQUE É MOI CARIÑOSA CONMIGO"
"MIÑA NAI E MIÑA AVOA SON AS MULLERES MÁIS IMPORTANTES PARA MIN. QUÉRENME MOITO E ENTÉNDENME MOI BEN"
"A MIÑA AVOA É UNHA MULLER ESTUPENDA. FAGO MOITAS COUSAS CON ELA E SEMPRE ME CONSINTE. ENCÁNTAME ESTAR CON ELA"
"A MIÑA AVOA É MOI BOA, CONSÍNTEME MOITAS COUSAS E GÚSTAME ESTAR CON ELA"
"ENCÁNTAME ESTAR COA MIÑA AVOA, FACEMOS MOITAS RECETAS DE COCIÑA XUNTAS E DAME MOITOS ABRAZOS. ADEMAIS PREOCÚPASE MOITO POR MIN CANDO ESTOU MAL"
"MIÑA NAI É A MULLER MÁIS IMPORTANTE PARA MIN, CÓIDAME MOITO E PREOCÚPASE POR MIN SE ENFERMO. FAI A MIÑA COMIDA PREFERIDA"
"ADMIRO A MIÑA MADRIÑA PORQUE ESTUDIOU MOITO, VIAXOU A MOITOS SITIOS E QUÉROA MOITO"
"A MIÑA NAI É MOI BOA E CARIÑOSA, APARTE DE QUE É GUAPÍSIMA PARA MIN. GÚSTAME IR DE COMPRAS CON ELA"
"ELEXÍN A MIÑA NAI PORQUE É MOI IMPORTANTE PARA MIN. QUÉREME MOITO E CÓIDAME SEMPRE"
"ME GUSTA HACER COSAS CON ELLA PORQUE ES MUY DIVERTIDA. ME CUIDA MUCHO CUANDO ESTOY ENFERMO."
"GÚSTAME CANDO MIÑA NAI ESTÁ CONTENTA. ENCÁNTAME IR A PASEAR CON ELA E IR DE COMPRAS"
Onte tivemos a sorte de recibir a agardada visita da "Bisavoa María" (María Piñeiro Marzoa), acompañada da súa neta e mamá do cole "Verónica López Rodríguez" (nai de Ferchu e Martín). Unha actividade promovida dende a aula de 5 anos da profe Paz.
María ten varios bisnestos no cole; Mateo, Luna, Dani, Ferchu e Martín.
Durante a xornada, tivemos a sorte de aprender con ela un montón de xogos tradicionais súper antigos e de coñecer as "cantarelas" (cancións) destes xogos.
A bisavoa María é como unha enciclopedia!! Ten miles de vivencias interesantísimas, cancións, xogos... Aprendimos moitísimas cousas e volveremos a convidala ao centro porque a súa cabeza e vitalidade son un auténtico tesouro.
Sentímonos afortunados de que aceptase o noso convite!! E o mesmo sentemento cara a mami de Ferchu e Martín, pois sen ela, nada disto sería posible. Mil grazas ás dúas!! María e Verónica son uns auténticos amores.
Grazas unha vez máis por este fermoso agasallo que nos fixéstedes!!
(En breve, poderedes desfrutar da montaxe de vídeo do obradoiro nesta mesma publicación)
A toponimia é a ciencia que estuda os nomes cos que identificamos determinados espazos do territorio. É, sen dúbida, un dos campos máis enriquecedores e apaixonantes para quen estude a lingua e a cultura de calquera país.
Os nosos antepasados foron bautizando en diversos momentos da historia os lugares que habitaban e cultivaban. Ademais, a maior parte dos topónimos tiñan, e moitos aínda teñen, un significado acomodado á realidade xeográfica na que naceron. Co tempo, esta realidade foi cambiando e hoxe en día xa hai centos e centos de topónimos opacos, é dicir, que non nos dan pistas reais sobre o que denominan.
Desde hai tempo está a observarse unha preocupante perda da micro-toponimia tanto no medio rural como no urbano. Boa parte dos topónimos menores só teñen vida no fala ou na memoria de persoas de idade, e con cada persoa que morre, ou que abandona a súa actividade no campo ou no mar, desaparece Pero, grazas ao seu estudo, podemos coñecer mellor nosa lingua e a nosa historia.
É por todo isto, que a toponimia forma parte dos elementos culturais que a UNESCO denomina patrimonio inmaterial dos pobos.
Con este proxecto queremos poñer o noso gran de area para salvar dun posible esquecemento aos miles de nomes da nosa terra que se van perdendo co paso do tempo e as múltiples transformacións que vai experimentando a nosa contorna: económicas, vías de transporte, sociais, urbanísticas...
Pero sobre todo, facer que todos os nenos/as coñezan esta realidade que a eles lles queda tan preto, pero tan lonxe ao mesmo tempo. E que sexan conscientes da importancia deste legado.
Por iso, queremos adicar este proxecto ós nosos informantes e aos veciños e familias do CEIP Plurilingüe da Ramallosa. Amosándolles todo o noso agradecemento, aprecio e consideración.
- Descarga aquí a ficha para "facer o traballo de campo" e poñer o teu gran de area ao Proxecto
- Localiza os teus topónimos no mapa virtual de “Galicia Nomeada” (RAG), e incorpora ao mapa os que non están rexistrados.
Tamén podes colaborar activamente en Galicia Nomeada. Só tés que rexistrarte e agardar a autorización.
Pescuda aquí sobre a toponimia familiar dos nosos informantes contadores de contos tradicionais.Traballo realizado dentro do proxecto "Cóntame un conto" do APOI, Museo do pobo galego e a Fundación Antonio Fraguas.
PROGRAMA DE RADIO
ESPECIAL CENTENARIO DO PASAMENTO DE
MANUEL MURGUÍA, HOME DE ROSALÍA DE CASTRO
/A relevancia na súa obra/
UNIDADES DIDÁCTICAS E OUTRAS ACTIVIDADES INTERACTIVAS SOBRE ROSALÍA DE CASTRO
Este ano estamos a traballar con moitísima ilusión no "Proxecto didáctico Antonio Fraguas", do que recibimos a finais do curso pasado o premio a nivel galego ao recoñecemento como o mellor proxecto para a posta en valor do noso patrimonio social, cultural e lingüístico.
Como non podía ser doutro modo, o entroido deste ano xirou entrno a esta temática!! Así o alumnado de Ed. Infantil coñeceu de pretiño os traxes tradicionaisde gala e cotío e puideron argallar a súa propia versión do traxe para a fantástica coreografía que interpretaron.
Os nenos/as do 1º ciclo traballaron a temática dos oficios tradicionaise en vía de extinción. E ata gravamos a nosa propia versión, con letra propia da peza empregada para a posta en escena en cuestión!
No 2º ciclo o mar e as súas xentes foi o denominador común para argallar a súa actuación.
O alumnado de 3º ciclo achegounos ao vivo, todo o explendor do noso "Entroido tradiconal do Ulla". Onde non faltaron os xenerais, os coros de bonitos e vellos, a charanga... E toda esta "gala" tivo un denominador común! A posta en valor da música da nosa terra! Así, toda a parte musical xirou entorno a grandes éxitos da nosa música tradicional, así como versións máis actuais destas pezas do noso legado cultural.
En breve partillaremos nesta mesma publicación todas as montaxes de vídeo para que poidades visionalas e gardar esta fermosa lembranza para os máis pequechos/as. Desta volta da man do noso prezado Benxa, ex-director e xefe de estudos do centro, pero sobre todo, un ramalloseiro de pura cepa! E un compañeiro excepcional!! Ao igual que Ferreirós (tamén "ex" nos dous cargos citados), e que estivo exercendo de cámara durante o evento.
Destacar e agradecer o traballo e implicación de todo o persoal do centro na elaboración dos decorados, coreografías, etc. E por suposto todo o apoio e traballo das familias, que sempre estades aí dándoo todo polo ben da nosa comunidade educativa. Un ano máis... GRAZAS! Pois aínda que sempre é difícil, volvimos a superarnos grazas a este fermoso traballo colectivo dos ramalloseir@∫.
Precisar que todo este traballo artístico e patrimonial será levado á exposición que faremos no "Museo do pobo galego" o vindeiro curso, entre os meses de outubro/novembro.
Hoxe foi un día moi especial para "Radio Ramalloseir@s". Celebramos o "Día mundial da radio", dunha manera moi especial grazas ao traballo de "Ponte nas Ondas".
Como centro integrante deste fermoso e recentemente recoñecido proxecto educativo, declarado "exemplo de boas prácticas educativas dentro do Patrimonio Cultural Inmaterial da UNESCO, fomos convidados a participar no programa en directo que fixeron dende diferentes espazos de Galicia e Portugal.
No noso caso, gravamos o directo na "Facultade de Xornalismo" de Santiago. Cun programa adicado ao noso patrimonio musical, non que non faltou por suposto, a música en directo dos ramalloseir@s.
No primeiro bloque do programa actuou o "Grupo tradicional do cole" e no segundo as "Tanxugueiriñas troupe". Desta volta foi o alumnado de 6ºC o encargado de representarnos, xunto cunha escolma de músicos dos diferentes grupos de 5º e 6º de Ed. Primaria. Un traballo elaborado baixo a batuta d@s profes Laura, Fran e Óscar.
Podedes ver todo o programa no seguinte vídeo!!
Para escoitar os outros directos que se fixeron ao longo de toda a comunidade galega podedes entrar na escolma dos programas na web de "Escolas nas Ondas".
Esta semana tivemos a sorte de contarmos no centro coa "Asoc. Cultural A Mámoa". Gabriela, Sara, Andrea e Pablo levaron a cabo 3 obradoiros, un con Ed. Infantil centrado nos traxes tradicionais galegos de "cotío" e de "gala". E outros 2 co 1º e 2º Ciclo de Ed. Primaria máis aberto ao coñecemento das diferentes actividades culturais da asociación. O fin último é visualizar esta riqueza patrimonial no noso concello e poñer en valor o traballo das distintas asociacións; clases de música/instrumentos e baile tradicional, seráns e outras festas da asociación, etc.
Esta proposta está enmarcada dentro do "Proxecto didáctico Antonio Fraguas" ("EcoParloteo; Froitos da Terra"), e vinculada á "Area de Ed. Musical do centro", dentro do proxecto de música tradicional galega.
En breve compartiremos un vídeo-resumo de toda a actividade. E durante o resto do curso acompañarannos as diferentes Asoc. Culturais do Concello para seguir fomentando a participación activa dos máis pequechos/as no noso tecido cultural-asociacionista.
Programa gravado polos profes Manuel e Óscar, co alumnado de 4ºA de Ed. Primaria, con motivo da conmemoración desta efeméride. O 30 de xaneiro "celebramos" a importancia da paz no mundo, pero tamén incidimos noutros aspectos educativos relacionados con esta temática. Aspectos como a tolerancia, a empatía e o respecto e axuda aos nosos semellantes. Desta volta queremos dar conta tamén de persoeiros cruciais na procura da paz e nos motivos e circunstancias que propiciaron esta efeméride a nivel mundial.
Actividade encadrada dentro do "Proxecto de Radio Escolar"/ "Radio na biblio" do centro e vinculada aos diferentes equipos docentes; EDLG, Biblioteca escolar, TIC´s, Extraescolares, Convivencia,...
Músicas:
KAREYC "Te Wa Vouan Ne Ma"
ANDERSON "La máquina de escribir"
JOHN LENNON "Imagine". Adaptación musical ao galego con ukelele. Unha proposta da Área de Ed. Musical e o EDLG do centro.
Preme na imaxe para escoitar o programa / Non esquenzas facerte seguidor e darlle a "me gusta"
Compartimos unha breve reseña da proposta conxunta que fixemos todo o cole xunto, para conmemorar o Día da Paz, como cada 30 de Xaneiro; a interpretación de "Imagine", pero versionada en galego e musicalizada co acompañamento de varios instrumentos nas mans dalgunhas crianzas e algún mestre.
