Dende o CEIP Plurilingüe da Ramallosa, non podemos ver outro modo de afrontar estos ambiciosos proxectos de Innovación Educativa, que dende un enfoque globalizado. A través do cal, todo o traballo para os proxectos presentados, bebe das aportacións de todos os equipos docentes do centro. E as propostas de actividades misturan obxectivos das dúas temáticas eixe que estamos a traballar.
Tralo recoñecemento tan importante, co premio ao "Proxecto Didáctico Antonio Fraguas Fraguas", (a finais do curso pasado), seguimos traballando a fondo en todas as súas ramificacións (como bos ramalloseiros), pois nel converxen moitísimos sub-proxectos e propostas educativas do centro. De aí o seu nome; "EcoParloteo; FROITOS daTERRA".
Por suposto, todo o material e propostas fomentan o achegamento e amor ao alumnado cara a nosa lingua, cultura e patrimonio galego, o que xa supón unha aportación implícita para o Equipo de Dinamización da Lingua Galega (EDLG), impulsor do mesmo. Pero pasa o mesmo cos proxectos Escola Verde;“EcoTeo: Ramalloseir@s coa natureza”, "Ramallosa musical", ... A nosa maneira de enfocar a meirande parte das actividades, é facelo dunha maneira cooperativa e con aprendizaxes significativos e globalizados. Que integran ao fin, obxectivos conxuntos FROITOS daTERRA e que tamén forman parte da Axenda 2030.
Para nós non tería sentido como centro, estarmos a incentivar xa dende hai moitos anos o hoxe tan aludido "community working" e despois realizar actuacións "ailladas" cando propoñemos aos discentes aprendizaxes globalizadas e significativas, nas que sexan quen de relacionar éstas co que teñen ao seu arredor. Así, a nosa música e cultura, a nosa lingua, o noso medio ambiente, o noso planeta... Son todos ao fin, obxectivos vencellados para acadarmos un ben común para todos e todas!!
= MENÚ =
(PREME EN CADA ICONA PARA VER OS DIFERENTES CONTIDOS)
= MONTAXES REALIZADAS PARA A EXPO NO MUSEO DO POBO GALEGO=
Hoxe foi un día moi moi especial! Recibimos nada máis e nada menos que o premio do “Proxecto didáctico Antonio Fraguas”.
Un recoñecido galardón que vai pola súa XII edición, organizado pola Fundación Antonio Fraguas e patrocinado pola Secretaría Xeral de Política lingüística.
O proxecto que presentamos “EcoParloTeo; froitos da terra”, ten un marcado carácter multidisciplinar, por abarcar diferentes eidos da nosa lingua, música, historia, tradición, natureza autóctona/ecoloxía…
Grazas a esta importante dotación económica e apoio loxístico voará máis alto que nunca, para desembocar en setembro/outubro do 2023 nunha macro exposición no Museo do Pobo Galego, na que os protagonistas serán os nosos alumnos/as e todo o traballo realizado ata agora, e o que virá durante o vindeiro curso escolar.
Grazas unha vez máis a toda a xente da Fundación, O Museo do Pobo Galego, a Secretaría Xeral de Política Lingüística…
Este recoñecemento é moi importante para todos os Ramalloseir@s!!
