Dende o centro, séguense facendo accións que contribúan a mellorar as situacións de vida no noso planeta. As crianzas do ciclo de infantil gozaron dunha xornada ben fermosa e especial colaborando na plantación de máis árbores no patio de xogo, coa apreciada axuda da brigada de axentes e bombeiros forestais da Xunta, guiados por Santiago Neira, así como de Protección Civil do Concello de Teo. Plantáronse castiñeiros e árbores frotireiras para procurar e fomentar un agradable ambiente de benestar no patio de xogo (ter máis sitios de sombra, acondicionar o patio dun xeito amable e alegre no que convivir). Tamén gozaron regando coa motobomba, subindo no camión e tocando a serea. Os axentes agasallaron ás crianzas cunhas medallas pola colaboración na plantación de natureza e cunha casiña- niño para os paxariños
clicar na seguinte foto para visualizar máis fotografías da experiencia
Así quedaron as froiteiras: maciñeira, pereiras e ameixeira! Oxalá se poidan comer moitas froitas
ENMARCADO NO PLAN PROXECTA, A TRAVÉS DO PROGRAMA ESCOLA VERDE, O ALUMNADO DE CUARTO DE PRIMARIA, ACUDIU AO PEDROSO A FACER UNHA PLANTACIÓN DE DIVERSAS ÁRBORES AUTÓCTONAS (FREIXOS, CASTIÑEIROS E CARBALLOS) CO FIN DE EVITAR A DEFORESTACIÓN. ACOMPAÑÁRONNOS OS AXENTES AMBIENTAIS SANTIAGO NEIRA E XABIER VIDAL, ASÍ COMO O EQUIPO DE BRIGADISTAS E MOTOBOMBISTA DO DISTRITO FORESTAL III. APROVEITAMOS PARA VISITAR A CASETA DE VIXIANCIA DE INCENDIOS DESDE ONDE PUIDEMOS VISUALIZAR TODA A COMARCA DE SANTIAGO E ARREDORES. FIXEMOS UN PERCORRIDO POLAS RUTAS DE SENDEIRISMO DO MONTE PEDROSO E DESFRUTAMOS DUNHA XORNADA MOI DIVERTIDA EN CONTACTO COA NATUREZA.
SE CLICAS AQUÍ PODEREDES VER TÓDALAS FOTOS DESTA ACTIVIDADE.
PLANTANDO
REGANDO E "REGÁNDONOS"
VISITANDO A CASETA DE VIXIANCIA
MERENDANDO
EXPLORANDO
REMATAMOS RECIBINDO UNHAS MEDALLAS POLA NOSA COLABORACIÓN CO MEDIO AMBIENTE!!!
Dende o noso centro tamén estamos preocupados polo futuro do noso planeta e por iso queremos intentar concienciar ao noso alumnado da necesidade de reciclar, de respectar a nosa contorna, de non contaminar, de implementar conductas que beneficien o benestar de todos e todas por un mundo mellor, e non so pensar nun mesmo, porque a sociedade a conformamos todos e cada un de nós.
Por iso, neste curso colaboraremos con Mans Unidas, nun proxecto que leva por nome "FAME CERO", para tratar de concienciar ás crianzas da necesidade básica de que todas as persoas teñen dereito a ter unha boa alimentación, de rematar coa fame e a pobreza, como dereito primordial para poder tecer un futuro máis xusto e sostible.
Xa tivemos o primeiro contacto para darnos a coñecer o programa, organizar pautas a seguir e propostas a desenvolver en dúas liñas: incentivando o traballo do horto escolar para coñecer e descubrir, de xeito competencial, as posiblidades de aprendizaxe que nos pode aportar, coa compañía e a formación de Carmen, unha persoa experta nese ámbito. E por outra parte, impartiranse obradoiros de consumo responsable coa axuda de Miriam, a técnica do citado organismo.
O alumnado de Valores de 6ºC escolleu un conto na nosa biblioteca para facer unha adaptación teatral. Fixo o vestiario, decoración, maquillaxe e procuraron a música. Colaborou o alumnado de Relixión nos ensaios, na elaboración das entradas para as crianzas de Infantil e foron @s encargad@s de recoller as entradas e acomodar @s nos@s peques de 3, 4 e 5 anos. A obra estaba relacionada coa Escola Verde e empregaron material de refugallo para faceren a decoración e o vestiario.
Na materia de Relixión continuamos coa experiencia iniciada o curso pasado co alumnado de 2º curso. Dado o éxito e por petición do resto dos alumnos, decidín exportala ao conxunto do alumnado matriculado en relixión e así, durante todo o curso foi pasando o alumnado dende 4º de Infantil a 6º de Primaria.
Por medio desta actividade traballamos valores coma a constancia, o esforzo, a responsabilidade, o respecto, a sensibilidade, o altruísmo, o compromiso co medio ambente e por suposto... A ESPERANZA.
Déixovos unha pequena mostra fotográfica da actividade
Como xa indicamos na entrada anterior, o propio día 5 de Xuño, día mundial do medio ambiente, quixemos recordalo como unha data especialmente significativa para nós, ante o proxecto no que estivemos inmersos ao longo do curso e coa mirada posta no problema do cambio climático
Coa colaboración das familias, a meirande parte das merendas neste días, eran sen plásticos. Tamén aproveitamos para falar e reflexionar sobre a gran cantidade de plásticos que se foron xerando nas merendas de cada día; a partir dos datos que foron anotando ao longo do curso.
Xúntamos no patio todo o colexio, como acto simbólico e, fixemos un círculo (representando a Terra) arredor do colector amarelo, leronse unhas palabras de reflexión e de consellos sobre o uso do plástico dun so uso. Quixemos darlle visibilidade a este grave problema que está supoñendo para o noso planeta e todas e todos alzamos as voces ao unísono para berrar "DESPLASTIFÍCAME"
Ao longo deste curso, estivemos levando a cabo unha iniciativa de concienciación sobre o uso de residuos plásticos dun só uso. Co que xeramos cada día, nas merendas de media mañá, enchemos un colector aproximademente cada 15 días, e tan só no noso cole.
Reflexionemos: se extrapolamos estes datos a todas as merendas do conxunto dos colexios galegos, decataríamonos da grandísima cantidade de residuo plástico que producimos.
Está nas nosas mans contribuír a ter un planeta máis limpo e saudable.
O 5 de Xuño conmemórase o DÍA MUNDIAL DO MEDIO AMBIENTE, e dende o colexio queremos facer un acto simbólico e para iso, propoñémosvos queese día, asmerendas das vosas crianzas non traian plásticos dun só uso. O planeta pide axuda "DESPLASTIFÍCAME", é o lema que escollemos para conmemorar esta data.
Na nosa biblioteca propuxemos lecturas sobre a temática que enriquecen a aprendizaxe e convidan á reflexión.
O pasado luns, 20 de marzo, fomos a ver a peza teatral "NAUTILUS" Gañadora do premio FETEN 2020 á mellor proposta orixinal pola súa sensibilización medioambiental. Organizada por AFUNDACIÓN ABANCA, Nautilus é unha versión da clásica novela de aventuras “20.000 leguas de viaxe submarino” de XULIO VERNE cunha lectura actual, comprometida e preocupada pola conservación dos océanos, facendo fincapé na problemática dos PLÁSTICOS. Despois do teatro, fixemos unha ruta turística polo casco antigo de Santiago. PINCHA AQUÍ PAR A VER AS FOTOS