Desenvolvemento Sostible. Axenda 2030

Xa se encheu o 1º colector de plástico dun so uso xerados nas merendas das crianzas: tan só en 13 días- entre o 16 de Xaneiro e o 1 de Febreiro

Ánimo!, seguro que pouco a pouco nos iremos concienciando na redución deste tipo de lixo

Unha das actividades que queremos empezar neste trimestre, é concienciar ao noso alumnado da necesidade de reducir o consumo de plásticos. O obxectivo que queremos acadar é o redución do consumo de plásticos nas merendas do noso alumnado, especialmente daqueles que sexan dun so uso.

Esta actividade terá varias fases, a primeira delas consistirá na presentación e motivación da mesma, e para iso o "Comando Verde", facilitámosvos un material que se o considerades pertinente, podedes empregar. Ao mesmo tempo, iniciaremos en cada aula unha recollida diaria de datos do consumo de plásticos (facilitaremos táboa). Estes táboas serán de utilidade para ir vendo a evolución dos nosos hábitos de grupo e de escola.

No momento de comezo desta actividade, colocaremos, nun lugar accesible do patio, un colector amarelo onde o alumnado depositará os plásticos usados diariamente. Este colector estará aberto pola parte frontal, para que poidamos ver como medra a cantidade de residuos que xeramos e así nos sexa máis fácil motivar o cambio de actitudes en canto ao noso consumo.

- Preme na imaxe para visionar todos os vídeos -

O martes 14 de xuño, as crianzas de 6º de infantil e @s representantes do Comando Verde da Ramallosa, asistiron a unha actividade ao IES de Valga, centro da Escola Verde. Participou tamén o alcalde de Teo, Rafael Sisto.

O alumnado de 4º da ESO B coas súas batas de científic@s, foron profes das nosas nenas e nenos. Dividíronnos en tres equipos: laranxa, verde e vermello. 

Primeiro, viron os experimentos no exterior do IES para lles axudar a comprender algúns conceptos da arquitectura bioclimática. Por exemplo: a cantidade de CO₂, a comprobación do efecto da orientación a respecto do sol, etc.

A continuación, observaron e conversaron sobre a importancia do compost e da composteira (fomos ver a do instituto) e fixeron unha práctica no laboratorio, procurando os pequenos animais que viven na composteira e utilizando os microscopios.

As nosas nenas e nenos recibiron un diploma por participar nas actividades e @s representantes do noso Comando Verde, entregáronlles ao profesorado e alumnado involucrado unhas pegatinas co noso logo como agradecemento. 

Moitas grazas ao profesorado, ao equipo directivo e ao alumnado do IES de Valga por conseguirdes unha xornada de integración, colaboración e aprendizaxe. O vindeiro curso continuaremos cos nosos proxectos. Somos Escola Verde!