Skip to Content

Novas

PARTICIPAMOS NO CONCURSO

Ven, 2024-05-31 21:09 — monicas

TRAS SABER DO CONCURSO DE BANDA DESEÑADA, AS CRIANZAS DE INFANTIL DE 4 ANOS - B COA AXUDA DA MESTRA, PENSAMOS EN PARTICIPAR, PORQUE XA ANDIVERAMOS LENDO E COÑECENDO SOBRE ESTE TIPO DE TEXTO LITERARIO.

COMO ANDAMOS A TRABALLAR SOBRE O HORTO, DECIDIRON QUE FOSE SOBRE VERDURAS. COMEZOU A CHUVIA DE IDEAS PARA A HISTORIA:

   - DECIDIRON QUE SERÍA SOBRE UNHA VODA ENTRE VERDURAS E ENTRE CALES,

   - CADAQUÉN FOI ELIXINDO UNHA PERSONAXE, 

   - A MESTRA BUSCOU IMAXES DE VERDURAS- PERSONAXE

   - LOGO PENSOUSE QUE QUERÍAN DICIR CADA VERDURA E REXISTROU CADA UN

   - PERSONIFICARON AS PERSONAXES

   - A MESTRA FIXO A MONTAXE

ESTE É O RESULTADO DA NOSA PEQUENA HISTORIA EN BANDA DESEÑADA:

   

TIPOLOXÍAS TEXTUAIS

Mér, 2024-05-29 16:51 — laura

En 5º de Primaria traballamos distintas tipoloxías textuais ao longo do curso. Explicamos a estrutura dese texto, creamos entre tod@s, de xeito individual, en parellas ou en pequenos grupos. Despois, tiveron unha finalidade, por exemplo, na carta tiveron que escribir unha do futuro (como se tivesen 20 anos) a un compañeiro ou compañeira. No texto dramático fixemos unha representación (con vestimenta e decoración) na aula e as mellores foron representadas entre nivel no salón de actos.

Nas linguas é fundamental que as crianzas escriban para poder mellorar en comprensión, ortografía e desenvolver a súa creatividade.

  

 

CONCURSO DE BANDA DESEÑADA

Sáb, 2024-05-25 19:01 — monicas

Este curso académico, suxerían dende Bibliotecas Escolares traballar sobre o texto de banda deseñada, e dende o noso centro pensouse darlle visibilidade propoñendo un concurso entre as crianzas.

A proposta desta actividade sería aló pola semana do libro, despois para as Letras Galegas, e sen embargo, foise retrasando porque estaba entre as propostas de actuación, levar a cabo un obradoiro formativo sobre este texto cunha persoa profesional e non foi posible ata finais de maio.

Finalmente, dito concurso será proposto como actividade de peche dende a comisión de biblioteca. Anímase a  participar a todas as crianzas, tanto de xeito indiviudal como grupal. Farase unha exposición con todos os traballos realizados e entregaranse premios.Sorriso

                 

LETRAS GALEGAS 2024

Dom, 2024-05-19 00:00 — monicas

Outro ano máis chega unha data importante en Galicia, polo que representa para a nosa cultura, para o noso idioma, como é as Letras Galegas, que este ano se lle adican a Mª Luisa Villalta. 

Dende o noso centro sumámonos ao agradecemento a esta muller que dende tantos eidos (mestra, escritora, violinista,..) loitou por apoiar, difundir, valorar e dignificar a lingua galega.

A nivel de aulas, traballaron arredor da súa persoa con propostas diferentes, por exemplo, un grupo de crianzas de infantil, elixiron fermosas palabras en galego que lles gustaban e as verbalizaron e crearon un video, como símbolo de poñer en valor a nosa lingua, así como fixo a homenaxeada.

       

 

A nivel de colexio, como cada ano adicamos unha xornada especial. Mudamos a Romaría no Xirimbao por unha Romería no propio centro, e a pesares do mal tempo, houbo propostas lúdicas: xogos populares, interpretación e representación de cancións galegas por diferentes grupos de crianzas e xantar compartido por todo o alumnado e docentes; fomentando a convivencia

                                                

                                               

- E todas as crianzas levron de presente da homenaxeada un marcapaxinas

CANTACONTOS con LUIS VALLECILLO

Mar, 2024-05-07 20:59 — monicas

Grazas á  o Consorcio editorial, e por mercar moitos libros para a nosa biblio de centro, tivemos como agasallo unha proposta musical con Luis Vallecillo, "Buscando a Rosalía". Compartiu 2 sesións coas crianzas de infantil para cantar adaptacións de poemas de Rosalía de Castro, a medida que contaba como descubrira á nosa escritora galega e lle entraron gañas de mudarse dende Madrid para coñecer Galiza e cousiñas daquela poeta. As crianzas pasaron un ratiño ben agradableSorriso

           

XULIA PISÓN INTRODÚCENOS NO MUNDO DO COMIC

Mar, 2024-04-30 23:38 — carme

ENMARCADO NAS ACTIVIDADES ORGANIZADAS POLO EQUIPO DINAMIZADOR DA BIBLIOTECA, ESTE ÚLTIMO LUNS DE ABRIL, O ALUMNADO DE 4º TIVO UN ENCONTRO COA ILUSTRADORA, ESCRITORA E ARTISTA VISUAL XULIA PISÓN, AUTORA  DE CÓMICS COMO "MICROALGAS", "MCCACTUS", "LEGADO", ETC. XULIA PISÓN, DESPOIS DE DEIXAR A PROFESIÓN DE ENFERMERÍA, CURSOU ESTUDIOS SUPERIORES DE ILUSTRACIÓN E VEUNOS A CONTAR MOITAS TÉCNICAS PARA A REALIZACIÓN DE CÓMICS. TAMÉN NOS FALOU DO SEU PROXECTO RELACIONADO COA INVESTIGACIÓN DAS MICROALGAS E DOS SEUS BENEFICIOS PARA O DESENVOLVEMENTO SOSTIBLE E O MEDIO AMBIENTE. 

EXPLICOUNOS OS PASOS A DAR PARA FACER UN CÓMIC: GUION, MINIATURAS DAS PÁXINAS, BOCETO A LAPIS, DEBUXO FINAL, DISTINTAS TÉCNICAS PARA O DESEÑO DE PERSONAXES, UTILIZACIÓN DE FORMAS E CORES, VIÑETAS, LIÑAS DE MOVEMENTO, ONAMATOPEAS...

 COAS PAUTAS DADAS POR XULIA, PUXEMOS EN PRÁCTICA TODAS AS TÉCNICAS.  XULIA SUPERVISOU TODOS OS NOSOS TRABALLOS E DEUNOS MOITOS CONSELLOS PARA QUE SIGAMOS ELABORANDO CÓMICS. FOI MOI DIVERTIDO!

 

DÍA DO LIBRO

Dom, 2024-04-28 15:05 — monicas

Como cada curso, o 23 de abril "día do Libro", é unha data, que consideramos moi importante conmemorar coas crianzas.

Unha actividade que sempre repetimos porque consideramos educativa e ademais lles gusta moito é o "apadriñamento lector"; alumnado de 5ºEP apadriñaron a crianzas de infantil e os de 6ºEP a crianzas dende 1º a 4º de educación primaria compartindo a lectura dun conto, fomentando as interacións internivel, así como a competencia lectora.

Daba gusto ver a todo o alumnado repartido polo patio compartindo momentos de lectura e conversa, así como ver aos maiores coidando das crianzas pequenas a quenes apadriñaban; fomentando a responsabilidade, o compañerismo, o respecto,...

 

 

Tamén se deseñaron marcapáxinas nas aulas, que podían ser para sí mesmo ou intercambialo como agasallo entre o grupo. Ex:

- NUNHA AULA DE 4 ANOS, AS CRIANZAS INFANTÍS ELIXIRON UN LIBRO E COA PORTADA CREARON PEQUENAS CONVERSAS EN FORMA DE BOCADILLOS, DADO QUE ANDAN A TRABALLAR SOBRE A BANDA DESEÑADA

 

 

 

 

   TAMÉN EXPRESARON POR QUE ERAN IMPORTANTES OS LIBROS PARA ELES

            

 

CONTACONTOS SOBRE O HORTO

Xov, 2024-04-25 00:00 — monicas

                             

HOXE VISITOUNOS DE NOVO MIRIAM, A EDUCADORA DE MANS UNIDAS, QUE ESTÁN DESENVOLVENDO O PROXECTO "FAME CERO", NO NOSO COLE QUE É UN DOS QUE PARTICIPA NESTA INICIATIVA.

 

NESTA OCASIÓN, COMPARTIU UN ENCONTRO COAS CRIANZAS DE 5 E 4 ANOS REALIZANDO UN CONTACONTOS E UN XOGO DIDÁCTICO. 

EMPREGOU O CONTO "EL SECRETO DEL HUERTO DE LINO", BUSCANDO CONCIENCIAR ÁS CRIANZAS DA IMPORTANCIA DO CONSUMO DE VERDURAS E FROITAS, DE PLANTAR E CONSUMIR TODAS ELAS, DE VALORAR E RESPECTAR A QUENES FAN POSIBLE QUE CHEGUEN ÁS NOSAS MESAS, DE COIDAR A CONTORNA QUE NOS RODEA, ...

LOGO MEDIANTE UN XOGO CON DISTINTAS IMAXES DE ACCIÓNS REAIS, TRATOU DE PROVOCAR A REFLEXIÓN SOBRE ACCIÓNS QUE SON POSITIVAS OU NEGATIVAS PARA O NOSO PLANETA, CO PROPÓSITO DE FORMAR PERSOAS QUE COIDEN DA TERRA QUE NOS PIDE AXUDA, PORQUE COMO DI A CANTANTE BEBE, NA SÚA CANCIÓN "SKA DE LA TIERRA", "LA TIERRA TIENE FIEBRE, NECESITA MEDICINA Y UN POQUITO DE AMOR..."

ADEMAIS AGASALLOUNOS CUNHAS LIBRETAS PARA CADA CRIANZA, O CONTO PARA O COLE E UN XOGO DE MEMORI CON CARTAS SOBRE VERDURAS.

       GRAZAS MIRIAM POLO VOSO TRABALLO E INCIATIVASorriso

 

 

OBRADOIROS DE CONSUMO RESPONSABLE CON MANS UNIDAS

Sáb, 2024-04-06 09:30 — carme

              

HOXE VEUNOS VISITAR MIRIAM PARA FALARNOS DA IMPORTANCIA DE LEVAR A CABO UN CONSUMO RESPONSABLE NAS NOSAS CASAS. MANS UNIDAS É UNHA ONG INTERNACIONAL ESPAÑOLA CONSTITUIDA POR VOLUNTARIOS E QUE LOITA PARA ERRADICAR A FAME E A POBREZA NO MUNDO. POR MEDIO DO PROXECTO "FAME CERO" ANALIZAMOS OS NOSOS HÁBITOS DE CONSUMO E A NECESIDADE DE CAMBIAR MOITOS DELES:

  1. ANALIZAMOS NUN VIDEO O REPARTO POUCO EQUITATIVO E A DIFERENZA ENTRE NÓS E O TERCEIRO MUNDO.
  2. FALAMOS DO QUE NÓS PODEMOS APORTAR PARA LOITAR CONTRA A DESIGUALDADE.
  3. FIXEMOS UN ESTUDO DO QUE ALMORZAMOS HABITUALMENTE.
  4. INVESTIGAMOS DE ONDE PROCEDEN MOITOS DOS NOSOS ALIMENTOS.
  5. FIXEMOS FINCAPÉ DA IMPORTANCIA DE CONSUMIR PRODUTOS LOCAIS.
  6. INCIDIMOS NA REGRA  DAS "3R" E ENGADIMOS DÚAS MÁIS: REDUCIR, REUTILIZAR, RECICLAR, REPARAR E REPENSAR.
  7. COMPROMETÉMONOS A COLABORAR PARA AXUDAR AO CAMBIO. 

VELAQUÍ ALGUNHAS IMAXES DA ACTIVIDADE:

 

    

O CONCELLO

Xov, 2024-04-04 21:31 — monicas

As crianzas de 2ºEP, fixeron un fermoso traballo de busca de información sobre o concello de Teo: as parroquias que o conforman, o patrimonio co que conta,... Pero ademais foi unha forma de aprendizaxe do concello como entidade: visitaron as súas instalacións, coñeceron de preto como é o seu funcionamento, tiveron a oportunidade de conversar coa alcaldesa e outr@s concelleir@s, visitaron a policía local e como é un camión de bombeiros, entre outras cousas.

Foi ademais un traballo grupal e cooperativo entre as dúas aulas deste nivel, xa que para esta proposta fixeron grupos misturando crianzas de ambas clases, supoñendo unha actividade enriquecedora, entretida e motivadora e un xeito de abordar este contido dunha forma significativa e competencial.

Visualizar o video para dar conta do bonito traballo que fixeron.

           

Distribuir contido


by Dr. Radut