Skip to Content

VIAXE FIN DE CURSO AO GROVE (3º e 4º de Ed. PRIMARIA)

Xa podedes visionar as fotos da excursión desta semana ao Grove co alumnado de 3º e 4º.

Foi unha xornada completa! Primeiro, a viaxe en barco pola ría coñecendo os segredos das bateas.

Despois a visita ao acuario e o xantar no monte Siradella. E para rematar, tarde de praia en Portonovo.

(clica na imaxe para acceder ao álbum de fotos)

VISITA DE CONCHA BLANCO

Hoxe luns 11 de xuño, a escritora Conha Blanco, estivo na biblioteca do colexio pasando un momento agradable con alumnado de 2º de primaria; contoulles anécdotas, faloulles da importancia dos libros e en concreto sobre " a bruxiña da sorte", que previamente leran e traballaran na aula.

Para @s nen@s foi agradable e levadeiro e ademais cada un levou firmado o seu libro pola autora e tamén deixou un volume para a nosa biblioteca.

Clicade na foto para ver distintos momentos:

    

 

EXPOSICIÓN 18

ARTELLANDO. EXPOSICIÓN FINAL DE CURSO

O venres 8 e sábado 9 de xuño expuxemos un ano máis na casa Común de Cacheiras os traballos realizados no Obradoiro de Artes Plásticas este curso. Pequenos-grandes artistas! Parabéns!

Mirade que linda quedou a nosa mostra. Clicade aquí ou na fotografía

CREACIÓN DE CONTOS

O traballo con textos reais permite ao alumnado adquirir unha competencia lectoescritora no marco contextualizado.

O alumnado de 5º e 6º de infantil elaboraron un conto de grupo co traballo previo ao resultado final: leronse e analizaronse distintos contos, traballaronse as partes e a estrutura do mesmo, as fórmulas de inicio e final, a personaxe principal e outras secundarias. Con este texto, traballouse tanto as propiedades do tipo de texto como as propiedades do sistema de escritura, seguindo a proposta de Myriam Nemirovsky.

Finalmente o grupo, fixo as súas propostas e votacións sobre a temática, a personaxe principal, inventaron a historia en varios momentos ata chegar á definitiva e crearon as escenas do conto. coa axuda da titora se fixo a montaxe final do conto que leva por título "RAIO GAÑOU" e que podes ver se clicas no seguinte enlace:

https://docs.google.com/presentation/d/1_G2e9Wm1w1JxklM1SBcch9QcsOg0CShh...

 Pola súa parte o alumnado de 6º de primaria, tamén elaborou a súa historia en inglés coa axuda do auxiliar de conversa e da mestra titular. Neste caso, a historia xurdiu dunha proposta de ideas e , tras escoller a máis votada, foise creando de xeito conxunto entres as tres aulas; comezando nun grupo e seguindo polos outros e o mesmo coas ilustracións, pois repartiron as escenas como traballo compartido.

Para poder ver a historia creada, que leva por titulo "A STRANGE SUMMER DAY", podedes acceder ao seguinte enlace:

https://drive.google.com/file/d/1jRd-fKOKNjB63xhn8FSkVu1s8-VAvIxt/view?u...

 

VISITA DE MARÍA CANOSA

Outra escritora, neste caso, María Canosa, conseguiu que o alumnado de 1º ciclo de primaria e de 3º curso, pasaran un agradable e fantástico tempo gozando do acontecido arredor dunha historia contada nun libro; no primeiro grupo coa historia "O día que choveu do revés" e co alumnado de 3º curso con "Rubicundo". A autora en persoa transmitiu e compartiu cos nenas e nenas o por qué desas historias que ela escribe e a importancia da lectura e dunha boa literatura. 

Estes encontros con escritores e escritoras motiva aos nenos e nenas a ler e poder coñecer os autores desas historias escritas en libros e outros textos. 

Grazas tamén María por compartir ese bo facer na transmisión dunha boa literatura infanto-xuvenil.

clica na foto para ver distintas escenas do encontro da escritora co alumnado.

  

VISITA DE MERCEDES QUEIXAS

O alumnado de 1º de EP, compartiu un tempo agradable con Mercedes Queixas, autora do libro "Xandra, a landra que quería voar", sobre o cal intercambiaron opinións despois de lelo. Gustoulles moito a experiencia, porque a coñeceron, porque lles firmou o seu libro e porque lles puxo un selo na pel cunha dedicatoria a cada un.

Grazas Mercedes por achegarte a compartir un pouco do tempo con alumn@s do ceip da Ramallosa

Clica na foto  para ver a actividade.

 

"PALABRAS FERMOSAS DO GALEGO"

Velaquí vos deixamos o vídeo resumo da actividade "Palabras Fermosas do Galego" proposta para estas "Letras Galegas 2018".

  

 

CELEBRACIÓN DO DÍA DAS LETRAS GALEGAS! 

O 16 de maio, día previo á celebración da data das nosas letras, volvémonos xuntar toda e Comunidade educativa da Ramallosa no Xirimbao. Un ano máis, reunímonos na nosa fraga á sombra de carballos e castiñeiros, e desta volta, os máis pequechos do cole, convertéronse en auténticos piratas do Ulla. Grazas ao bo facer dos nosos guías, aprendemos moitas cousas de interese da nosa zona e como non, xogamos e divertímonos moitísimo. Coma doutras veces,  tamén realizamos xogos populares e gozamos dos hinchables. Xantamos e como sobremesa, ademais do saboroso xeado, bailamos unha muñeira ao ritmo das gaitas e pandeiretas. De novo, unha xornada estupenda! 

 Preme aquí ou na foto para ver as imaxes

 

MARCELLE 18

EXCURSIÓN FIN DE CURSO A MARCELLE DE E.I.

Día intenso e fermoso! A peseres desta primavera revolta, o tempo en Outeiro de Rei, portouse e permitiunos gozar da nosa visita. Ahí vos queda a mostra  deste día. Podedes ver, moitas más imaxes, premendo na foto ou aquí.

O 1° CICLO VISITA A PENÍNSULA DO BARBANZA

O venres, 1 de xuño, visitamos a zona do Barbanza: fomos ó Centro arqueolóxico e ó Castro de Neixón, ó mirador da Pedra da Ra, ó Castro da Cidá e ás dunas de Corrubedo. Pasámolo moi ben e aprendemos un montón de cousas novas.

"REGUEIFANDO CON Mª VICTORIA"

Proxecto "Regueifando con Mª Victoria".

Musicalización do seu conto "Can branco, can negro", do libro "Eu conto, ti cantas".

Obra da autora homenaxeada nestas Letras Galegas 2018, Mª Victoria Moreno Márquez

Varios obxectivos se conglomeran neste traballo:

- O canto, coñecemento e orixe da "Regueifa". Así como a relación con outras manifestacións artísticas  semellantes, tradicionais noutras zonas de Galicia. Como por exemplo, os nosos "Atranques" etc.

- O coñecemento da vida e obra da escritora.

- A musicalización e adaptación de textos para cantar.

- A fusión musical de estilos.

- ...

Velaquí vos deixamos o resultado final!

 

 

En breve iremos colgando o resto das gravacións de cada aula!!

Distribuir contido


by Dr. Radut