Skip to Content

A IMPORTANCIA DE TER A APLICACIÓN "ABALAR-MÓBIL" NOS DISPOSITIVOS DAS NAIS E DOS PAIS DO ALUMNADO

Xa son moitas as familias nas que as nais ou os pais tedes instalada a aplicación "Abalar-Móbil" nos vosos teléfonos móbiles, pero aínda non estades todas/os, por iso animámosvos a que o fagades para recibir as notificacións que desde o centro poidamos precisar facervos chegar. Tamén se recibirán as cualificacións do alumnado nas avaliacións.

Na web da Consellería de Educación hai instruccións de como facelo.

Deixámosvos aquí os enlaces.

Saúdos.

O EQUIPO DIRECTIVO

Información xeral sobre a aplicación: https://www.edu.xunta.es/espazoAbalar/nova/abalarmobil

Manual de instalación: https://www.edu.xunta.es/espazoAbalar/sites/espazoAbalar/files/guia-mobil-familias-galego.pdf

INFORMACIÓN SOBRE AS TAREFAS, PARA AS FAMILIAS

Ante as dúbidas que estes días nos estades transmitindo, queremos aclarar o seguinte:

- As tarefas que imos propoñendo desde a páxina web ou desde os recursos dixitais dos que dispoñemos (Snappet e Edixgal) pretenden axudar ao alumnado a manterse activo no seu proceso de aprendizaxe dentro da situación tan excepcional que estamos a vivir.

- Aínda que forzada, é unha oportunidade de consolidar as aprendizaxes de todo o traballado ata o de agora.

- Non van ser actividades avaliables, segundo as instrucións oficiais recibidas, pero tampouco podemos adiantar currículo, só en 2º de bacharelato poden facelo.

- O importante é organizar un tempo para adicarlle ás mesmas cada día.

- A cantidade de tarefas a desenvolver estará en función da organización familiar. Non temos que resolver todo o proposto, nin preocuparse polo que non damos resolto. Cada familia, segundo as súas posibilidades, pode tomar decisións para que as nenas e nenos non o vivan con ansiedade, pero si con responsabilidade e compromiso.

- Outras tarefas que vós mesmos organicedes poden ter a mesma importancia (xogos en familia, lectura, actividades plásticas e artísticas...)

- O profesorado está traballando en adaptar os contidos de cada área á nova situación, reducindo aqueles que por distintos motivos teñen menos importancia ou poden ser tratados de xeito alternativo. Por iso, se a situación se alarga máis do previsto, poderíamos propoñer temas novos para traballar que non van ser avaliados, pero que permitirían traballarse na casa durante o tempo de illamento domiciliario.

- Nos cursos de 5º e 6º de primaria temos contacto co alumnado a través da aula virtual de Edixgal. No resto, se queredes facer algunha consulta sobre os materiais que imos propoñendo ou se hai algún problema coas conexións, ao premer no enlace das tarefas de cada nivel aparece no comezo da páxina o correo electrónico do profesorado. O correo das profesoras de ed. Infantil está nos seus blogs. Tamén podedes enviarnos correos electrónicos ao enderezo: incidencias@ramallosa.org

- O contacto telefónico tamén o tedes nesta páxina do centro.

Estamos á vosa disposición. Ánimo e paciencia

EQUIPO DOCENTE

PROPOSTA DE TAREFAS PARA OS DÍAS SEN ACTIVIDADES LECTIVAS

Nas seguintes ligazóns podedes atopar a documentación coas tarefas propostas ao alumnado para realizar durante os días sen actividades lectivas.

O alumnado de quinto e sexto de primaria debe acceder á aula virtual edixgal en

eva.edu.xunta.es

 

 

Para resolver calquera incidencia poden empregar o enderezo de correo incidencias@ramallosa.org

8 DE MARZO, DÍA DA MULLER TRABALLADORA

DENDE O NOSO CENTRO QUIXEMOS CONMEMORAR O DÍA DA MULLER TRABALLADORA POÑENDO EN RELEVANCIA AQUELAS MULLERES QUE ESTÁN MÁIS PRETO DE NÓS E QUE SON IMPORTANTES POR DIVERSOS MOTIVOS. E CON ELAS FACER EXTENSIVA A NOSA REINVINDICACIÓN AO PAPEL E VALÍA DAS MULLERES NA NOSA SOCIEDADE.

CLICAR NA FOTO PARA VER MÁIS.

 

OBRADOIRO DE POESÍA CON CLAUDIA CASTRO

O ALUMNADO DE 3º E 4º DE PRIMARIA TIVO A OPORTUNIDADE DE PARTICIPAR NUN OBRADOIRO DE POESÍA, COA AUTORA E VECIÑA DA ZONA, CLAUDIA CASTRO. PREVIAMENTE NESTE CICLO LERON O SEU LIBRO ARREDOR DO CAL XIROU O OBRADOIRO, QUE LEVA POR NOME "GALICIA, O PAIS DAS MARABILLAS", ed. GALAXIA.

LERON POEMAS E DIALOGARON SOBRE AS DISTINTAS ZONAS GALEGAS ÁS QUE SE FAI ALUSIÓN NO LIBRO, ASÍ COMO TAMÉN O ALUMNADO FIXO AS SÚAS CREACIÓNS PLÁSTICAS A PARTIR DOS SEUS GUSTOS, PERO MIRANDO CON OLLOS DE POETAS E POETISAS 

  

                                                           

 

 

 

 

 

 

 

 

 

 

 

 

 

 

 

 

 

 

 

 

 

 

NOVOS INSTRUMENTOS PARA A AULA DE MÚSICA!!

Este ano, a aula de música do centro quedará dotada cun baixo eléctrico, unha batería eléctrica con pad de malla e unha mesa de son para amplificar todos instrumentos así como para traballar a técnica vocal con micrófono

Todo isto grazas á nosa ANPA, que tivo a ben facer esta inversión dentro do programa de mellora de materiais para o centro.

Estamos súper agradecidos, tanto dende a Área de Ed. Musical como dende a dirección do centro. Pois para nós, o desenvolvemento das competencias artísticas dos discentes tamén é unha prioridade. E sen dúbida, estas novas ferramentas de traballo daránnos a posibilidade de ampliar o abano de instrumentos cos que traballar cos cativos/as e de paso seguir motivando aos nenos a iniciarse na práctica dalgúns déstes. Cos que de seguro o van a pasar pipa!!

Estamos a facer pequenas "obras" na aula para reorganizar os espazos e en nada xa estarán os peques disfrutando cos nosos novos xoguetes da aula.

Despois da incorporación do "Proxecto UkeCole" á asignatura de música para os cursos de 5º e 6º, este ano imos de sorpresa en sorpresa!!

Mil grazas unha vez máis á "ANPA Río Tella" pola súa labor e apoio a toda a comunidade educativa. É un aunténtico luxo contar cun grupo humano tan traballador e eficiente. Comprometido cos pais/nais, profesorado e en xeral coa mellora da educación dos pequechos e pequechas deste noso CEIP da Ramallosa. 

 

 

 

 

CALENDARIO SOLIDARIO 2020

Como todos os anos, xa está na rúa o noso calendario solidario. Actividade promovida polo CEIP da Ramallosa a través do Equipo de Dinamización da Lingua Galega en coordinación cos diferentes Equipos de traballo do Centro. Este ano baixo a temática dun dos Proxectos Anuais do Centro; "AULAS ILUSTRES"

Como sabedes, a metade da recadación das vendas vai destinada íntegramente ao Banco de Alimentos do noso Concello e a outra metade do custe é exclusivamente para os gastos de impresión e encadernado dos calendarios contratado a unha empresa externa.

Todo o traballo gráfico de deseño, edición e maquetación faise de maneira altruísta a través do EDLG do Centro.

Igual que o ano pasado, o custe de cada exemplar é de 7€

Se ainda non tés o teu exemplar, estades a tempo de adquirilo e aportar o voso gran de area a este proxecto solidario, pois estamos a piques de rematar os exemplares impresos este 2020. Podes botarlle un ollo aquí. Mil grazas pola vosa colaboración un ano máis!!  

 

COMEZA O CLUBE DE LECTURA!!!!!!!!!!!!!!!!!!!!!!!!!

COMEZAMOS TARDE PERO ARRINCA DE NOVO O CLUBE DE LECTURA CUN NUMEROSO GRUPO DE ALUMNADO DE 5º E 6º DE PRIMARIA, QUE SE REUNIRÁ OS LUNS E XOVES, NA SESIÓN DE LECTURA, PARA COMENTAR E DIALOGAR SOBRE O LIBRO ESCOLLIDO. NESTA OCASIÓN ESCOLLEUSE:

 "MIL COUSAS PODEN PASAR", de JACOBO FERNÁNDEZ SERRANO, Ed. Xerais

          

 

CONMEMORAMOS O DÍA DA PAZ

HOXE, COMO CADA 30 DE XANEIRO COMMEMORASE O DÍA DA PAZ ESCOLAR E DA NON VIOLENCIA, E DENDE O NOSO CENTRO, QUIXEMOS UNIRNOS A ESTA CELEBRACIÓN CREANDO UNHA FERMOSA INSTALACIÓN DE LAZOS DE CORES, ONDE CADA UN LEVABA ESCRITO UNHA PALABRA RELACIONADA COA PAZ FEITA POR CADA ALUMN@ E PROFESORADO DO COLEXIO, PARA COMPARTILAS CON TOD@S.

PREVIAMENTE POLOS CORREDORES DO CENTRO SE FIXO UN CAMIÑO DE PEGADAS DE TODO O ALUMNADO QUE LEVABAN DECORADAS FRASES, PALABRAS, POEMAS, CITAS, ... RELACIONADAS COA DATA QUE SE CONMEMORA; "PEGADAS DE PAZ". ESES CAMIÑOS CONDUCÍAN Á INSTALACIÓN EXTERIOR ONDE SE PENDURARON OS LAZOS "ENLAZADAS POLA PAZ"

POSTERIORMENTE, CADA UN RECOLLÍA UN LAZO PARA POÑERSE COMO RECORDO DO DÍA E LEMBRANDO QUE O CAMIÑO DA PAZ O FACEMOS TODOS E TODAS COAS NOSAS ACTITUDES, COMPORTAMENTOS, CONDUCTAS,...  DÍA TRAS DÍA.

 

 

          

                  

                                             

                                             

 

        

                                               

 

                  

PEGADAS

 

                                  

E TAMÉN SE FIXO UNHA EXPOSICIÓN DE FONDOS RELACIONADOS COA TEMÁTICA ASÍ COMO CARTEIS CON INFOMACIÓN RELATIVA

 

           

          

O ALUMNADO DE INFANTIL TAMÉN VISIONARON O TRAILER DE "HISTORIA DE UNA GAVIOTA" E REMATAMOS A XORNADA CANTANDO A PEZA "EU TEÑO ALGUÉN" DO GRUPO MARÍA FUMAçA

O ALUMNADO DE 2º VISITA O MUSEO DE HISTORIA NATURAL

O pasado venres 24 de xaneiro, acudimos a Santiago para visitar o Museo de Historia Natural. Alí puidemos aprender un montón de cousas sobre os animais (hábitat, clasificación, especies...) e minerais. Aproveitamos tamén para dar un paseo polo casco histórico de Santiago. Clicade na foto para ver as imaxes da xornada.

Distribuir contido


by Dr. Radut