Skip to Content

ENTROIDO 2021

Premede na imaxe para poder ver ou descargar as fotos deste entroido no centro.

Como sabedes, por mor da alerta sanitaria do COVID19, este ano estivemos moi limitados na programación do mesmo. Pero a pesares disto, tentamos por todos os medios que os cativ@s pasaran un día diferente e divertido, como a ocasión o merecía.

Agradecementos:

- A todos os discentes e familias pola súa colaboración, disposición e bo facer.

- A todo o equipo de profesionais do CEIP da Ramallosa pola súa implicación nestes tempos tan difíciles que nos está tocando vivir a tod@s.

- A Xurxo, o profe de prácticas de Ed. Musical, polo seu traballo ao fronte da cámara para esta reportaxe fotográfica.

Trataremos tamén de facer unha pequena montaxe de video coas fotos.

Agardamos que vos guste!!

Entroido2021_2

Entroido2021

 

PRAZO E DOCUMENTACIÓN PARA SOLICITUDE DE ADMISIÓN DE NOVO ALUMNADO

Este proceso só é para alumnado novo no centro.

PRAZOS

1. Publicación de postos escolares vacantes: antes do 1 de marzo.

2. Presentación da solicitude de admisión: 1-20 de marzo.

3. Presentación da documentación acreditativa dos criterios de baremo: 10 días hábiles contados a partir dos 2 días seguintes ao remate do prazo para presentar as solicitudes de admisión.

4. Publicación das listaxes provisionais de persoas admitidas e non admitidas: antes do 25 de abril.

5. Publicación das listaxes definitivas de persoas admitidas e non admitidas: antes do 15 de maio.

6. Formalización da matrícula en educación infantil e primaria: 20-30 de xuño.

7. Formalización da matrícula en ESO e bacharelato: 25 de xuño-10 de xullo.

 

POSTOS ESCOLARES VACANTES

 

 

ETAPA

CURSO

PRAZAS VACANTES

ED. INFANTIL

4º E.I.

22

5º E.I.

2

6º E.I.

16

ED. PRIMARIA

1º E.P.

24

2º E.P.

7

3º E.P.

20

4º E.P.

17

5º E.P.

16

6º E.P.

6

 

TRAMITACIÓN DAS SOLICITUDES

 

- Vía telemática (é preciso chave 365 ou certificado dixital)

Entregar no rexistro dixital da Xunta de Galicia (sede electrónica) a solicitude de matrícula co anexo II. (Código do procedemento ED550B).

Pódese cubrir previamente de xeito dixital na aplicación web para a admisión do alumnado (https://edu.xunta.gal/admisionalumnado) para logo enviar desde a sede electrónica.

 

 

 - Presencialmente:

Recoller o documento no propio centro (pedir cita: 881 866 498) ou imprimir desde o enlace do seguinte apartado.

Entregar de novo no centro (tamén previa cita) unha vez cuberto (en caso de dúbidas chamar ao teléfono anterior).

 

INFORMACIÓN IMPORTANTE

 

1º.- Cada alumna e alumno só pode presentar unha única solicitude no centro no que solicite praza en primeiro lugar.

O incumprimento desta norma determinará a perda dos dereitos de prioridade que poidan corresponderlle.

2º-. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

3º.- O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo

de presentación de solicitudes de admisión.

 

 

DOCUMENTACIÓN

 

Documentación oficial da solicitude de admisión:

 

Documentos do centro para a posterior matrícula cando sexa admitido/a:

 

 

 

Día de ROSALÍA DE CASTRO (24 de Febreiro)

 Todo o que atoparás de seguido, está recollido tamén no seguinte enlace; un symbaloo sobre Rosalía de Castro

Día de Rosalía

Como todos os anos, a vindeira semana celebramos o "Día de Rosalía de Castro". A parte das actividades que temos programadas a nivel centro, deixámosvos aquí diversos recursos interesantes para coñecer máis cousiñas da nosa Rosalía.

 

 

UNIDADES DIDÁCTICAS PARA TODOS OS NIVEIS :

 

UD Rosalía_Biografía UD Rosalía 1º_2º

UD Rosalía 3º_4ºUD Rosalía 5º_6º

 

 

PRESENTACIÓN DIXITAL PARA ESTA CONMEMORACIÓN:

Imaxe_presentación Rosalía

 

 

NA BIBLIOTECA DO CENTRO TENDES UN MUNDO DE LIBROS DA ESCRITORA SÚPER DIVERTIDOS. E CON NOVIDADES BEN INTERESANTES!!

Libros Rosalía BIBLIOCatálogo de libros da Biblioteca do CEIP da Ramallosa

 

 

BANCO DE RECURSOS DO NOSO CONCELLO SOBRE A AUTORA: 

ROSALÍA

 

 

 

OUTROS:

 

"AELG GAL"

aeg GALEGA ROSALÍA

 

 

"GALIPEDIA"

GALIPEDIA

 

 

KARAOKE "ROSALÍA PEQUENIÑA"

(Uxía Senlle)

 

 

 

"BAILANDO CON ROSALÍA"

Como fin de festa, este ano... Retomamos esta fermosa proposta que preparamos o pasado ano para conmemorar esta data. Un obradoiro de baile a nivel de centro, no que pretendemos facer o mesmo que facía a escritora. Darlle valor á nosa cultura galega en todas as súas formas! Para isto, o curso pasado contamos coa inestimable colaboración da profesora de baile Galego "Gabriela Casal Alfonsín" (mestra en prácticas no centro durante a segunda avaliación). Unha vez máis, os nosos agradecementos Gabriela!

 

 

 

"PAQUETE DE ACTIVIDADES CREADO EN EDUCAPLAY" (3º Ciclo)

Rosalía_Actividade Educaplay

 

 

 

 "ACTIVIDADES PARA "ED. INFANTIL" E "1º CICLO DE ED. PRIMARIA":

Rosalía_Quen é?

Rosalía_memori

Rosalía Expresión Oral_comprensión

 As respostas desta actividade "Escoitamos a Rosalía" teñen que ser exactas

(non importa o emprego ou non de maiúsculas, para facilitarllo aos máis cativ@s)

 

 

 

 "SYMBALOO RESUMO CON TODAS AS ACTIVIDADES"

 

E... QUE NON PARE A FESTA ESTE ENTROIDO!!

Aquí vos deixamos unha fermosa canción para bailar e cantar cos máis pequenos nestes días de entroido!!

Canción "Non pare a festa" de Os Amigos dos Músicos, composta para o libro "Non pare a festa (É tempo de Entroido 2)",

de Ramón D. Veiga e David Sierra.

Edicións Xerais de Galicia, 2021

[Siradella Films]

ENTROIDEA CON ESTE XOGO MUSICAL!!

Achégámosvos este xogo musical para que os cativ@s enreden un chisco creando as súas propias composicións durante o entroido.

Vai premendo sobre cada un dos músicos e creando a túa propia composición musical a ritmo de Fanfarria

Agardamos que vos guste!!

Xogo Fanfarria EntroidoPreme na imaxe para entrar no xogo


Aproveitamos a ocasión para desexarvos que pasedes un bo entroido, a pesares das limitacións que nos trouxo este maldito bichiño.
E tamén para dicirvos que en breve teredes á vosa disposición na web, os enlaces para poder ver e descargar as fotos deste entroido 2021. Así como unha montaxe de video que faremos con todo o material gráfico, que este ano, por razóns obvias, non quedará tan traballado como nos gustaría.

Moita música e unha aperta ben grande para tod@s!!

SEGUEMENTO DOS CASOS COVID NO CENTRO

https://www.fraternidad.com/sites/default/files/styles/style_1920x400/public/2020-03/Banner-contenido-COVID19.jpg?itok=4gP9psRb

 

Preme na imaxe para seguir o número de casos COVID19 positivos no CEIP da Ramallosa.

No mesmo enlace, poderás ver tamén a incidencia noutros centros da Comunidade Autónoma Galega.

PASOS:

1. Preme na xanela "Seguimento Covid".

2. Selecciona o enlace da última actualización (a última que aparece no listado).

3. Unha vez premas o enlace, abrirase un documento de excel con todos os centros de Galicia por zonas.

Para buscar o noso centro, preme as teclas "ctrl - F". Abrirase un buscador na propia páxina, (na parte inferior esquerda da pantalla), escribe nel o nome do centro e xa o verás directamente.

Información Coronavirus

 

DOCUMENTACIÓN E PROTOCOLOS A SEGUIR PARA A PREVENCIÓN DO COVID 19

https://www.maristashuelva.es/wp-content/uploads/2020/08/Banner-protocolo-COVID-19-1278x500-1140x445.jpg

 

RESERVA DE PRAZA: ALUMNADO DE SEXTO.

Desde o luns 11 de xaneiro e ata o 8 de febreiro estará aberto o prazo de reserva de praza para o alumnado que estea cursando sexto de primaria e vaia desenvolver os estudos de 1º da ESO no IES de Cacheiras (o resto do alumnado non ten que facer nada).

O formulario de solicitude entregóuselle ao alumnado de sexto, pero pode descargarse no seguinte enlace: ANEXO I (reserva de praza)

 Tamén pódese facer a través da aplicación da Consellería de Educación no seguinte enlace: Aplicación admisión - (Instrucións para utilizar a aplicación)

SECRETARÍA

 

 

Chegaron os Reis Magos!!

Cando chegamos onte á Aula de Música, tiñamos un agasallo dos REIS MAGOS agardándonos

Mandámoslle unha carta a través da ANPA pedindo unha axudiña para iniciar o “Banco solidario de instrumentos”. E vaia se chegaron cousiñasRisa

Grazas un ano máis á nosa “ANPA Río Tella” polo seu traballo e implicación a prol da Ed. Musical.

 Agasallo Reis 1 banner música vertical Agasallo reis 3

Agasallo Reis 2  Agasallo Reis 5

Agasallo Reis 6   

Bo Nadal e feliz 2021

 O persoal do colexio quere felicitar o Nadal a todas as familias da nosa comunidade educativa. Que o 2021 cumpra todos os desexos, sobre todo o máis importante, que volva a normalidade coa superación da pandemia.

 Temos todas as nosas esperanzas no mundo científico e sanitario, para os que temos un especial recordo e agradecemento aos seus esforzos e compromiso coa sociedade.

 Tamén lembramos a todos os avós e avoas que tan mal o levan pasado este ano e que terán unhas festas moi limitadas, con moitas dificultades para estar cos seus. Sobre todo os que viven sós e nas residencias de maiores. Estes días enviámoslles cartas e debuxos para animalos.

 Grazas a todos a a todas pola vosa colaboración este trimestre, fomos capaces de superalo e imos con toda a ilusión polo resto.

 Finalmente, grazas ao noso alumnado polo ben que asumiron as normas de protección tan complexas nesta primeira fase do curso.

 Aínda con todas as limitacións que temos que asumir polo ben colectivo, bo Nadal.

 

estrelas

Non hai nada como un soño para crear o futuro (Victor Hugo)

 

Felicitación da ANPA "Río Tella" (preme aquí)

 

DÍA INTERNACIONAL DA ELIMINACIÓN DA VIOLENCIA DE XÉNERO

Este curso tamén conmemoramos unha data moi sinalada no calendario que nos parece de obrigado tratamento co noso alumnado polos valores que supoñen como formación integral da persoa; o 25 de novembro, día Internacional pola eliminación da violencia contra a muller.

As circunstancias da pandemia están condicionando o discurrir da actividade escolar, no que se refire a poder realizar actividades de carácter grupal, máis buscamos o xeito de intentar facer unha actividade simbólica a nivel centro. Respectando a organización do patio en parcelas que se usan nos recreos, cantamos todo o colexio a canción "a porta violeta" de Rozalen, cos arranxos en lingua galega realizados polo mestre de música, o acompañamento instrumental doutros mestres/-as e a interpretación en linguaxe de signos por un grupo de alumnado.

E previamente, tres crianzas en representación de toda a comunidade educativa, leron un manifesto en repulsa deste tipo de violencia que sufren maioritariamente as mulleres no ámbito familiar, laboral, social, cultural, científico,... 

      

VER O MANIFESTO AQUÍ 

    

 

   A nivel de aula, tamén se desenvolveron diferentes propostas pero todas na mesma liña; tratar de concienciar ao alumnado da necesidade de fomentar e potenciar a igualdade entre homes e mulleres, de mellorar as relacións interpersoais, de fomentar o diálogo o respecto e a tolerancia ante as diversidades e diferentes opinións,...

 

--- CON GAFAS DE VIXIANTES DA VIOLENCIA

 

--- O MURO QUE SOLUCIONA A VIOLENCIA ENTRE COMPAÑEIR@S (AS PELEXAS, OS ENFADOS, O RESPECTO POLAS OPINIÓNS DIFERENTES,...)

 --- AS MENSAXES QUE PODEN MELLORAR AS RELACIÓNS INTERPERSOAIS

--- ¿QUEN É QUEN? ANÁLISE DOS ROLES DE XÉNERO, COMO SE VAN CONSTRUÍNDO DENDE BEBÉS OS ESTEREOTIPOS DE XÉNERO FEMININO E MASCULINO

 

--- Tras o visionado de videos sobre a "igualdade de oportunidades", "o maltrato "sutil", un grupo de crianzas plasmou as súas conclusións de xeito artístico. Un exemplo dos mesmos, "OS LAZOS CONTRA A VIOLENCIA DE XÉNERO"

   

   

 --- Os maiores do cole, traballaron en inglés o vocabulario relacionado coas emocións que poden sentir as mulleres que sufren violencia e logo debuxaron ROSTROS DE MULLERES que mostran tristeza, medo, angustia, rexeitamento,...

Distribuir contido


by Dr. Radut