Blogues

DENTRO DO PROXECTO MUSICAL, ARREDOR DO QUE XIRA A TEMÁTICA DESTE CURSO NO NOSO CENTRO, DECIDIMOS QUE A NOSA AULA FOSE APADRIÑADA POR

"UXÍA LAMBONA E A BANDA MOLONA"

ASI QUE TIÑAMOS QUE DESCUBRIR COUSIÑAS SOBRE ESTA BANDA, E PUXÉMONOS MANS Á OBRA!

- DESCUBRIMOS QUE:

   * PUBLICARAN 4 CDS E AS DATAS NAS QUE SAIRON AO MERCADO

   * QUE A BANDA FORMOUSE EN 2014 EN VIGO,  E CANTOS PASARON?

   * SON 6 COMPOÑENTES MÁIS O TÉCNICO DE SON E APRENDIMOS O SEUS NOMES ARTÍSTICOS (Uxía Lambona, Serghaño, Pali, Ñoc, Abraham, Roscón), PERO ENTROUNOS A DÚBIDA SE ESES SERÍAN OS SEUS NOMES VERDADEIROS E OUTRAS CUESTIÓNS QUE ANOTAMOS PARA LOGO PREGUNTARLLES.

   * OS INSTRUMENTOS QUE TOCAN. QUE HAI 2 MOIS PARECIDOS: A GUITARRA ELÉCTRICA E O BAIXO, E CALES SON AS SÚAS DIFERENZAS

   * MOITAS DAS SÚAS CANCIÓNS TEÑEN LETRAS PARA FALAR DE MOITOS TEMAS COMO DO GALEGO, DA PAZ, DO OUTONO, DO ANIVERSARIO,... E MOITAS CANCIÓNS TRADICIONAIS PERO CON OUTRO RITMO (A RIANXEIRA, A SAIA DA CAROLINA, O GATO PACO (QUE TANTO NOS GUSTA!), E OUTRAS MOITAS MÁIS) 

- DECORAMOS UNHA GRAN FOTO, EN FORMA DE CREBACABEZAS, PARA PENDURAR DA NOSA PORTA DA AULA, E TOD@S SAIBAN QUE A NOSA AULA LEVA O NOME DESTA BANDA

 - DECORAMOS UN FOGUETE, FACENDO REFERENCIA AO 3º CD "ASTRONAUTA SIDERAL", SIMULANDO FACER UNHA VIAXE AO ESPAZO CON NÓS DE TRIPULACIÓN E UXÍA PILOTANDO

- RECIBIMOS A VISITA NA NOSA AULA DE UXÍA LAMBONA E SERGHAÑO, NO NOME DE TODA A BANDA.

    clicar na foto para ver moitos videos e outras imaxes 

 FOI UNHA VISITA MOI ANHELADA, POIS AS CRIANZAS PREGUNTABAN CADA DÍA SE VIÑA UXÍA A VISITARNOS. FINALMENTE A SORPRESA CHEGOU, CANDO O XOVES 25 DE XANEIRO, ENTRARON POLA PORTA DA AULA, OS SEUS OLLIÑOS BRILABAN DE LEDICIA E EMOCIÓN. CON QUEN GOZAMOS DUNHAS HORAS ESPECTACULARES. CON TANTA EMOCIÓN, QUERÍAMOS CONTARLLES MOITAS COUSAS, PREGUNTARLLES, CANTAMOS MOITAS CANCIÓNS, FIXEMOSLLE UNS DEBUXOS PERSOAIS QUE LLE GUSTARON MOITO, AGASALLÁMOSLLES CUNHA BOLSA PERSONALIZADA PARA O GRUPO CON TODO O NOSO AGARIMO. PERO ELES TAMÉN NOS TROUXERON UNS PRESENTES: 2 CDS, PEGATINAS PARA TODO O ALUMNADO DE INFANTIL E UNHA CAMISETA. E TIVEMOS A SORTE DE QUE TEMOS OS 4 CDS FIRMADOS E ADICADOS PARA NÓS; FOI UNHA MAÑA EMOCIONANTE E INESQUECIBLE PARA TOD@S NOS.

E COA SÚA BOA DISPOSICIÓN E AMABILIDADE, VISITARON AS OUTRAS AULAS D@S NOS@S COMPAÑEIR@S DE INFANTIL E CANTARON CON ELES ALGUNHAS CANCIÓNS.

MOITÍSIMAS GRAZAS DE TODO CORAZÓN, POLA VOSA VISITA E POR ADICARNOS O VOSO TEMPO PARA GOZAR DE VÓS COMO GRANDES PERSOAS E COMO ARTISTAZOS!!!

CERTAME DE ARTE ESCOLAR EUGENIO GRANELL.

Un nadal máis, participamos na xa XIX edición desta interesante iniciativa, onde ademais do concurso con distintas categorías, o realmente importante e interesante é que durante todas as vacacións e ata o 14 de xaneiro, todas as obras das criaturas de E.I. teñen expostas os seus creativos traballos.

Desta volta, non nos podemos sentir máis orgullosas e orgullosos pois recoñecéronse varios galardóns en distrintas categorías.

Parabéns a todo o alumnado polo seu traballo que poderedes ver nas fotografías.

Mirade a Álvaro gañador da categoría de debuxo, a Thyago na categoría de pintura, a Yanira en collage e a Mateo na de construcción, con que orgullo reciben a súa linda escultura, creada específicamente para o certame.

 E premendo nesta imaxe da exposición ou aquí, podedes observar todo o laborioso proceso das fantásticas creacións.

Comporto algunhas das propostas nas que andivemos traballando nesta semana:

- LOXICAMATEMÁTICA; ordenando a serie numérica cunha alfombra e logo representación da cantidade correspondente, aproveitando elementos que temos nestes momentos no recuncho de outono

- DÍA DAS BIBLIOTECAS: quixemos poñer en valor esta data a nivel educativo, pois a biblioteca é un recurso moi importante que se pode usar para fomentar a competencia lingüística; lugar de lectura de contos, de busca de información en calquera proxecto, coñecemento de distintos textos de uso social,... De feito, dende a nosa biblioteca, comunicáronnos que neste ano o tema proposto dende a asesoría de bibliotecas escolares, sexa a BANDA DESEÑADA, por iso deixáronnos un exemplo, xunto co cartaz que nos comunicaba ademais que, dende o cole se propuxo como proxecto anual, a MÚSICA.

Nós aproveitamos a falar do cartaz onde aparecían as nosas mascotas, da biblioteca e do comando verde: se viramos algunha vez os cadrados e bocadillos que nel aparecen, que pensaban que era a música e onde poderíamos buscar para saber máis, cales eran as normas para asistir a unha biblioteca,... Polo que neste curso, faremos a nosa aportación a ambos temas, aprendendo sobre a música e sobre a banda deseñada.

Aproveitamos a ler o fermoso conto "León de biblioteca", ed. Ekaré e a facer un tempiño de goce e lectura individual cos contos da biblio de aula.

- O MONSTRO DE AULA: aproveitando que se achega a data do Samaín, creamos o noso particular monstro. Para iso, entre todos e todas, coas ideas aportadas sobre os elementos e características que querían que tivese esta personaxe de medo, foise votando para chegar a unha proposta final.

Despois, cadaquen debuxou dita personaxe, coas mesmas indicacións para tod@s, e así o manifestaron nas súas creacións, tal como se pode ver na seguinte imaxe.

- FROITOS SECOS:  esta semana tocou a degustación de froitos secos propios da estación de outono, xa que moitas crianzas descoñecen moitos deles e tampouco os probaran.

MOI BENVIDAS E BENVIDOS A ESTE ILUSIONANTE, CREATIVO E COLORIDO CURSO.

Agardemos e temos todos os desexos de que así sexa!

Antes de comezar a presentarvos as actividades e proxectos deste ano, partillamos con vós unha iniciativa conxunta co Colexio J.H. Newman de Madrid sobre fotografía e que con toda probabilidade, continuaremos este curso.

O primeiro obxectivo era dar a coñecer a os nosos novos amigos e amigas madrileños a nosa contorna, o noso centro e a nosa realidade próxima a partres das fotografías realizadas polas criaturas cunha cámara reflex da escola. Percorremos e  todos os currunchos do centro e paseamos mesmo por fóra por lugares próximos. Cada neno e nena, observaba e decidía que quería fotografiar. Ademais mantivemos unha vídeo conferencia para presentarnos.

Como facemos en calquera proceso, primeiramente, documentámonos, analizamos e estudamos as partes da cámara que iamos usar, asi como doutras. Vimos varios tipos diferentes, analóxicas, con carrete, negativos...Cousas hoxe en día sorprendentes.

Primeiramente podededes visualizar como foi o proceso e os pasos que demos. Mirade nesta imaxe, ou ben premendo aquí.

E de seguido, podedes ver os resultados finais destes e destas súper profesionais da fotografía.  Velaí aquí as tedes. enriba da imaxe, podedes velas en xeito presentación.

INICIAMOS OUTUBRO, SEGUIMOS CON ALGUNHAS PROPOSTAS DE ACTIVIDADES E IMOS INTRODUCINDO OUTRAS.

--- LECTOESCRITURA:

* APROVEITAMOS A RUTINA DIARIA C@ ENCARGAD@, PARA SEGUIR TRABALLANDO CO NOME E INTRODUCINDO O 1º APELIDO; CO OBXECTIVO DE IR ASOCIANDO A QUE COMPAÑEIR@ PERTENCE, IDENTIFICANDO AS SÚAS LETRAS E TRABALLANDO A CANTIDADE DE LETRAS, COMPARANDO CAL É MÁIS LONGO OU CURTO, O NOME OU O APELIDO.

--- MOTRICIDADE FINA

PODEMOS COLLER PLASTILINA? É UNHA PREGUNTA QUE VARIAS CRIANZAS ME FAN CADA DÍA, POLO QUE PROCURAMOS SATISFACER AS SÚAS SOLICITUDES E INQUEDANZAS E APROVEITAMOS A ESTIMULAR A SÚA MOTRICIDADE FINA: MOLDEAN, CORTAN,... ADEMAIS DE FAVORECER A SÚA CREATIVIDADE E IMAXINACIÓN COAS CREACIÓNS QUE FAN

--- FIGURAS XEOMÉTRICAS E FIGURA HUMANA

* SEGUIMOS REALIZANDO PROPOSTAS DE IDENTIFICACIÓN DAS FORMAS XEOMÉTRICAS E ADEMAIS APROVEITAMOS A INTRODUCIR ACTIVIDADES DE RECOÑECEMENTO E INTERIORIZACIÓN DA FIGURA HUMANA.

PARTIMOS DO TRAZO DA SILUETA DUNHA CRIANZA E RECHEAMOS COAS FORMAS QUE MÁIS SE PODERÍAN AXEITAR ÁS CARACTERÍSTICAS DAS PARTES DO CORPO: CABEZA CIRCULAR, TRONCO E EXTREMIDADES RECTANGULARES.

CADAQUEN INDIVIDUALMENTE REALIZOU O TRAZO DA FIGURA HUMANA, ONDE PODES OBSERVAR A MADUREZ NO TRAZADO QUE TEN CADA CRIANZA. E LOGO TAMÉN FIXERON A SÚA COMPOSICIÓN CON FORMAS XEOMÉTRICAS QUE CONSIDERARON.

--- PSICOMOTRICIDADE

NA SESIÓN DESTA SEMANA, TIÑAN MOITAS GAÑAS DE FACER BOLTERETAS, XA QUE ALGUNHA CRIANZA, PODES OBSERVALA DURANTE O RECREO QUE ANDAN A PRACTICAR ESTAS PIRUETAS XIMNÁSTICAS.

TAMÉN PRACTICAMOS A SUBIR E BAIXAR AS ESPALDEIRAS, SENDO UNHA ACTIVIDADE PERIGOSA PERO QUE LLES ATRAÍA SEMPRE QUE IMOS AO XIMNASIO. EXPLICAMOS A IMPORTANCIA DE SUXEITARSE  E COMO FACELO PARA PREVIR CAÍDAS. ESTE TIPO DE ACTIVIDADES AXÚDALLES A COÑECER AS POSIBILIDADES DO SEU CORPO, A GAÑAR CONFIANZA EN SÍ MESM@S  E INCENTIVAR A CAPACIDADE DE SUPERACIÓN.