Skip to Content

Blogues

ENSALADA RAMALLOSEIRA

Apañamos as leitugas coa axuda da nosa cociñeira Elena. Axudounos a escoller as mellores para o menú do comedor. Moitas grazas!

   

 

O NOSO NÚMERO DE PÉ

Estivemos a procurar no noso calzado o número. Utilizamos un medidor que trouxo o noso compañeiro Dani para saber cantos centímetros miden os nosos pés. Ordenamos os tamaños de menor a maior e agrupamos os iguais. 

 

 

ANIVERSARIOS 3º TRIMESTRE

Neste terceiro trimestre, a Sara, o Unai e a Carlota xa teñen 6 anos! Celebrámolo dando as voltas arredor do sol, cantando e coa elaboración do noso presente especial: "Palabras de agasallo polo meu aniversario".

 

 

 

 

 

 

MEDÍNDONOS

SEGUIMOS TRABALLANDO ARREDOR DOS NÚMEROS DA NOSA CONTORNA; A NOSA ALTURA.

QUEN É @ MÁIS ALT@ DA CLASE? QUEN É @ MÁIS BAIX@ DA CLASE?

ANTES DE MEDIRNOS, FIXEMOS UN BALANCE SOBRE O QUE PENSABAN AS CRIANZAS SOBRE ESTAS CUESTIÓNS:

 

MEDÍMONOS POR PARELLAS E LOGO IMOS ORDENANDO AS MEDIDAS PARA COMPROBAR QUEN É @ MÁIS ALT@ E @ MÁIS BAIX@

ACTIVIDADES DE LOXICAMATEMÁTICA

* ANDIVEMOS FACENDO UNHA PROPOSTA DE IDENTIFICACIÓN E AGRUPACIÓN DE DISTINTOS TIPOS DE LIÑAS, PARA SEGUIR ENRIQUECENDO O VOCABULARIO, DANDO NOME E CARACTERIZANDO AOS DISTINTOS ELEMENTOS QUE NOS RODEAN.

MOLDEAR CON PLASTILINA 

 

* IDENTIFICAR QUE NÚMERO FALTA E COLOCALO NO LUGAR QUE OCUPA NA SERIE NUMÉRICA

 

PARA AXUDAR Á CRIANZA A SITUAR O NÚMERO, LLE SUXIRO QUE COLOQUE EN COLUMNA TODOS OS QUE REMATAN NA MESMA UNIDADE.

 

* BINGO: AXUDA A RECOÑECER OS NÚMEROS, A ASIMILAR AS NORMAS DO XOGO, A XOGAR SEN IMPORTAR GAÑAR.

ANOTAMOS OS NÚMEROS TAMÉN NA PIZARRA PARA AXUDAR A QUEN AÍNDA NON IDENTIFICA TODOS OS NÚMEROS.

 

COMPROBAMOS UN LOTO CUBERTO

 

* SUBITIZACIÓN: MOSTRAMOS UNHA CANTIDADE POR UNS SEGUNDOS, VOLVEMOS TAPAR E LOGO AS CRIANZAS TEÑEN QUE DICIR QUE NÚMERO PENSAN QUE HAI. LOGO CONTAMOS E FACEMOS A COMPROBACIÓN, IDENTIFICANDO QUEN ACERTOU OU QUEN ESTIVO MÁIS PRÓXIMO E INCLUSO A MARXE DE ERRO.

 

 

ESTIMACIÓN: CANTOS POMPÓNS HAI?

Na mesa pequena da zona da asemblea había un bote de cristal con pompóns. Tiñamos que facer un cálculo aproximado da cantidade sen abrir o bote. Ninguén conseguiu acertar co número exacto mais si que nos aproximamos bastante á solución.

 

 

LETRAS GALEGAS 2022

Conmemoramos as Letras Galegas facendo as seguintes actividades:

- Descubrimento do homenaxeado e procura de información das súa biografía.

- Xogo de pistas no patio para atopar as súas obras máis importantes.

- Deseño de Florencio Delgado.

- Decoración do mapa da Galiza con palabras en galego pensadas e escritas polas crianzas.

- Xogos interactivos (ruleta, pasapalabra...)

- Teléfono estragado.

O día 16 xogamos aos arrastra mortos, zancos, aros musicais e coas bólas de cornos. Despois xantamos croquetas, pizza e xeado! Cantamos Pan de Millo do grupo Migallas e vimos a actuación das nosas Tanxugueriñas. Foi un súper día!

  

 

 

 

 

 

 

 

 

DESEÑOS DA HORTIÑA

APROVEITANDO QUE A NOSA HORTIÑA ESTÁ EN PLENA XERMINACIÓN, FOMOS VELA E FIXEMOS DESEÑOS PERSOAIS A PARTIR DA OBSERVACIÓN.

TAMÉN VISITAMOS O NOSO HORTO QUE ESTÁ ESPECTACULAR E INAUGURAMOS A RECOLLIDA DE FROITOS; RECOLLEMOS XA AS PRIMEIRAS LEITUGAS E LEVAMOS Á COCIÑA ("SEN NADA MALO E SEN MERCALAS"- COMENTABAN AS CRIANZAS)

MÁIS XOGOS DE NÚMEROS

SEGUIMOS FACENDO PROPOSTAS PARA IDENTIFICAR E INTERIORIZAR O CONCEPTO DE DECENA E UNIDADE, TOMANDO CONCIENCIA DE QUE UNHA DECENA= 10 UNIDADES.

NESTA OCASIÓN COMPUXEMOS A FAMILIA DO 10, CON DECENAS E UNIDADES, DE XEITO MANIPULATIVO, PARA LOGO PODER ENTENDELO E EXPRESALO - REXISTRALO SOBRE PAPEL.

- XOGAMOS CO ÁBACO A FACER SUMAS

 

INCLUSO, ALGÚN PÚXOSE A CONTAR AS BOLAS DO ÁBACO, E DEUSE CONTA QUE TIÑA 100 BOLAS. POLO TANTO, APROVEITAMOS A ANALIZAR QUE HABÍA 10 BARRAS E EN CADA BARRA 10 BOLAS (FIXEMOS A SUMA PERO INTRODUCINDO TAMÉN A MULTIPLICACIÓN)

 

 

O TEU COCHE TEN NÚMEROS?

DESCUBRIMOS QUE OUTRO USO DE NÚMEROS SE PODE ATOPAR NAS MATRÍCULAS DOS COCHES.

CADA CRIANZA, TROUXO ANTOTADA O Nº DA MATRÍCULA DUN COCHE DA FAMILIA, DESPOIS DE COMPARALAS E DESCUBRIMOS QUE TODAS TEÑEN 4 NÚMEROS E 3 LETRAS.

TAMÉN APROVEITAMOS A FACER UNHA ACTIVIDADE DE INVESTIGACIÓN E IDENTIFICACIÓN: EN PEQUENO GRUPO, TIÑAN  QUE SAIR AO APARCADOIRO E IDENTIFICAR A QUE MODELO E COR DE COCHE SE CORRESPONDÍAN UNHA SERIE DE MATRÍCULAS QUE TIÑAN ANOTADAS, E ADEMAIS DESPOIS TIÑAN QUE PESCUDAR A QUEN LLES CORRESPONDÍA DITO COCHE. 

GUSTARON MOITO DESTA PROPOSTA!!!

 

 

  

 

Distribuir contido


by Dr. Radut