Skip to Content

Blogue de marisa

Curso 19-20

SAMAÍN E.I 19.

Inauguramos este curso coas actividades de celebración do Samaín. Logo dunha semana intensa de traballo sobre o acontecemento, a aportación das creativas e fermosas cabazas que as familias aportastes; rematamos no mércores 30 cunhas merendas terroríficas, un obradoiro de maquillaxe que metía medo e como colofón, unha actuación da perversa bruxa Maruxa que se quería conveter en boa e que unha vez conseguido o seu propósito, amenizounos cun conto e púxonos o fermoso vídeo e conto de Corre, corre, Cabaciña. Unha vez máis, grazas polas vosa aportacións.

Mirade na imaxe ou aquí a terrorífica xornada.

 

CURSO 19-20

COMEZAMOS UN NOVO CURSO

Para ir quencendo motores, iniciamos a nosa andaina, como non podía ser doutra maneira, expresándonos creativamente a partir de distintos materiais. Coñecemos e exploramos as posibilidades do material novo adquirido grazas á colaboración da ANPA. Tamén realizamos debuxos con distintos tipos de pintura como acuarelas, témperas, ceras acuarelables...

Clica aquí ou na fotografía para ver as nosas primeiras artistadas.

 

 

 

RETRATOS CON FONDO DE ACUARELA

Como ben sabedes, un clásico que non pode faltar ao comezo de curso é que nos representemos nun exercicio de autocoñecemento. Este ano, cuns fondos libres onde experimentamos con acuarelas, debuxamos o noso autorretrato de corpo enteiro cun rotulador negro. Así nos vimos. Clica na imaxe para ou aquí para ver moito máis.

 

 

 

 

 

 

 

POURING. ARTE FLUÍDA

Así é como se chama esta técnica coa que experimentamos con materiais como acrílicas e témperas, auga e papel fotográfico. Poco máis que explicar se vedes o proceso nas fotografías que vos deixamos. Mirade que psicodélicas quedaron as nosas producións clicando aquí ou na  foto.

EXPOSICIÓN OBRADOIRO 19

E XA VAN 11 ANOS!

Sentímonos ben orgullosas e orgullosoa de amosar na Casa Común de Cacheiras, o noso intenso traballo ao longo de todo o curso. Comezamos intervindo no espazo público do colexio, en concreto nunha parte do muro do patio exterior e nas escaleiras que van ao Salón de actos. A continuación, comezamos unha intensa viaxe ao redor do retrato. Mirade a nosa produción premendo na fotografía.

E NA PRIMAVERA, TODO ISTO NOS ESPERA

CELEBRACIÓN DO DÍA DO LIBRO.

Por mor do tempo, tivemos que pospoñer a actividade programada para o 23 de abril, para este luns 29. Por unha banda cada aula de Infantil pendurou da súa árbore os seus versos vexetais. Ademais todo o alumnado foi apadriñado por un alumno ou alumno dos cursos superiores para que lles leran un conto. Mirade as imaxes, clicando na fotografía ou ben aquí.

 

 

 

 

 

 

SESIÓN DE XOGOS TRADICIONAIS.

 

O mércores 10 de abril, despois do recreo, tivemos a ocasión de entreternos e gozar con xogos tradicionais de todo o mundo, todos ben interesantes. Para a meirande parte deles tivemos que aprender de antemán as reglas de xogo. Coñecemos xogos de taboleiro, billares tradicionais e xogos pedagóxicos de distintos tipos como construcións, xogos de creatividade, de psicomotricidade de mesa e de pensamento.

Clicade aquí ou na foto para coñecer vós algusn deles.  

 

 

 

COMEZAMOS ESTACIÓN, CELEBRANDO MOGOLLÓN.

 

O 21 de marzo estreamos estación con sol e bo tempo e celebrando o Dia da Poesía, o Día da árbore e o Día mundial da Síndrome de Down. 

Ademais de plantar un salgueiro no patio de fóra, agasallo do escritor Anxo moure tamén plantamos amorodos nos maceteiros.

Mirade aquí ou na foto. 

RETRATEO

RETRATEO

As distintas actividades do Proxecto de RETRATEO, van situadas en orde cronolóxica, polo que para ver as últimas, tedes que seguir avanzando. 

Comezamos novo proxecto!

Logo das veces que nos temos retratado e que elaboramos creacións da nosa xente e do que nos gusta, decidímonos achegar ao retrato. Por suposto, o primeiro contacto ten que ser como somos nós e como nos vemos, así comezamos as primeiras actividades creando autorretratos.  Coma sempre, para iniciar o proceso, documentámonos e vimos un mundo de exemplos para comezar a nosa andaia. Un dos primeiros autores que estudamos foi a Andy Warhol e os seus coñecidos retratos a cor, en concreto os de Marilyn Monrooe. Intentando aproximarnos ao seu estilo e collendo os nosos propios en branco e negro, comezamos a colorealos e transformalos con témpera.

 Mirade que ben quedaron, ou iso nos parece a nós! Clicade na foto ou aquí.


 

 

 

 

 

 

 

 

 

MIRADAS DE COR

A continuación, e logo de transformar a nosa cara, quixemos facelo tamén coa nosa mirada. Os nosos ollos son os que nos permiten apreciar a arte e ter referencias para crear posteriormente. Esta é a primeira parte da actividade. Se queredes ver como van quedar presentados, tedes que agardar un pouquiño máis adiante. Clicade aquí ou na foto para vernos máis de perto.

 

 

 

 AUTORRETRATOS EN CADEA

Co gallo da celebración o 20 de novembro do Dia Internacional dos dereitos das criaturas, nas titorías as nenas e os nenos realizaron un autorretrato coa intención de unir os nosos intereses pola causa. 

Premede aquí ou na fotografía para ver como quedaron de fermosos pendurados no corredor de Infantil. 

 

 

AUTORRETRATOS CON CERAS ACUARELABLES

E seguimos debuxándonos a nós mesmos. Desta volta cun novo material e cun novo soporte utilizando as ceras acuarelables que tanto nos gustan. De cada vez, reflexionamos e observamos distintos retratos que temos permanentemente expostos para inspirarnos nos nosos propios. A meirande parte, ademais de autorretratos de autores e autoras ben coñecidos para nós, pertenecen á colección permanente do museo Thyssen Bornemisza de Madrid. Mirádenos cliclando aquí ou na foto.

 

 

 

 

 

 

 

 

RETRATOS EN PASTA BLANCA.

Seguimos producindo emocionadas e emocionados, desta vez utilizando outro material como a pasta moldeable e saltando a outra dimensión volumética, deixando a nosa pegada de como nos vemos. Sempre é unha emoción traballar con este tipo de material e os resultados non poden ser máis chamativos. Mirade aquí ou na foto e comprobaredes os nosos brancos rostros.

 

 NA MESA DE AREA, DE LUZ E NAS CONSTRUCIÓNS, FÁGOME TAL COMO SON.

Hai moitas formas de crear fuxindo de soportes e materiais máis comúns. Ademais esta actividade nos achega a outro concepto da arte, aquela da que podemos gozar no momento de realizala. Pero para compartir esa sesación da nosa creación efímera, deixámovos unhas fotos ilustrativas. De verdade que a experiencia e os resultados son do máis fermoso, aínda que estea mal que o digamos.

Encantóunos a experiencia! Premede   nas entradas que aparecen a continuación por aulas.

 AULA DE TRES ANOS.                                   AULA DE 5 ANOS A.

AULA DE 4 ANOS A.                                      AULA DE 5 ANOS B.

AULA DE 4 ANOS B.

 

RETRATÉOME CON PINTURA DE DEDOS

Continuamos co noso proxecto e pintamos o noso retrato utilizando as nosas mans como útil de pintura. Veredes canta expresión e canto sentimento se agocha detrás destas obras, intentando achegarnos ao expresionismo. Clicade aquí ou na foto para ver máis produción.

 

COMO ERA DE AGARDAR, UN SELFIE NON PODÍA FALTAR.

A utilización da fotografía no retrato non é nada novo pois  existen exemplos de autorretratos fotográficos de hai tempo, se ben hoxe en día, é unha actividade do máis común pola utilización dos móbiles como cámaras e a facilidade para realizar fotos propias. O selfie introdúcenos nunha práctica cultural contemporánea que nos permite estar presentes na realidade icónica que nos rodea.  

Nin que dicir ten que lles encantou a proposta de se retratar  nun escenario de fondo significativo para elas e eles! Pao de selfie en man, deixamos a nosa pegada.

Aquí quedan os nosos selfies, organizados por aulas.

AULA DE TRES ANOS.                                                                               AULA DE 5 ANOS A.

AULA DE 4 ANOS A.                                                                                    AULA DE 5 ANOS B.

AULA DE CATRO ANOS B.

 

 MIRADAS QUE EXPRESAN

Lembrades a actividade dos nosos ollos intervidos con cor ao estilo Andy Warhol?

Xa temos o resultado final, con unhas miradas que refliten os nosos sentimentos, porque os ollos son o espello da alma.

Mirade na foto ou aquí para ver o proceso e o resultado final.

 

COLLAGES PERSOAIS

Desta volta, quixémonos vestir de arte coas nosas mellores galas para realizar uns recortables de nós mesmos e nós mesmas. Buscamos en revistas, cortamos, pegamos, facendo un grande exercicio de composición e deseño. Comprobádeo aquí ou na fotografía.

AUTORRETRATO CON TÉMPERA NOS CABALETES

Outra forma de nos mirar. Desta volta, a técnica elixida foi o de pintura  en témpera en vertical, intentando controlar o goteo. Así de fermosos quedaron. Clicade aquí ou na fotografía para observar como nos vemos a nós mesmos. 

 

COAS CARAS ENCAIXADAS!

Tan sorprendidas e sorprendimos estamos con toda a nosa evolución no retrato e autorretrato que quedamos con cara de caixa. Mirade que variedade de expresións, premendo aquí ou na fotografía.

ISTO TAMÉN FORMA PARTE DE NÓS!

Outra forma de nos retratar e de vos amosar como somos, que nos gusta e que sentimos é mostrándovos aquelo que é importante nos nosos momentos de xogo e de lecer. Dávosmos a nosa man para que vexades a variedade de cousiñas e xoguetes que nos entreteñen. 

Mirade aquí ou na imaxe. 

 

CAMISETEO

Para rematar, non podía faltar un produto final, que nos lembrase a toda a viaxe feita ao redor do retrato ao longo de todo o curso. Parabéns pequenos grandes artistas por sacares o mellor de vós!Premede  na foto para velo

 

 

 

 

 

 

 

 

 

ENTREGA DE PREMIOS GRANELL18

ENTREGA DO PREMIO DO PÚBLICO.

Logo da exposición de todas as obras no Museo durante o nadal e das votacións emitidas polo público visitante, o premio recaeu en Maya Méndez Rivera de 4 anos. Parabéns artista! Premede na foto ou aquí para ver o acto de entrega do seu premio.

 

 

 

 

 

 

 

ACTO DE ENTREGA DO CERTAME DE ARTE ESCOLAR FUNDACIÓN GRANELL 18

O xoves 20 de decembro no Pazo de Bendaña tivo lugar a entrega de Premios que cada ano a Fundación Granell outorga a escolares de toda Galicia.

Premendo aquí ou na fotografía podedes ver máis.

 

 

Este ano e baixo o lema Granell de neno en Compostela, tivemos a inmensa honra de recibir varios deses galardóns.

 

 

 

Categoría Pintura: Brais Castro Pérez

 

Categoría Collage: Ismael Fidalgo Millán

 

Categoría Fotografía: Jaime Varela Fandiño


 

Categoría Pintura: Ainara Vales

 

O INVERNO XA ESTÁ AQUÍ

SESIÓN DE CONTACONTOS PARA E.I. E 1º CICLO DE PRIMARIA CO GALLO DO 8 DE MARZO

Organizado pola Anpa, o xoves 7 de marzo, logo da volta do descanso do entroido, Carme Domecq na súa actuación maxistral da Carteira de augas claras e da compañía Cachirulo ofreceu para o alumnado de E.I e 1º ciclo de E.P., unha sesión de catro contos co gallo do Día Internacional da muller. Os contos seleccionados foron:  Eu vou comigo, Artur e Clementina, Rosa e Caramelo e a maceta de alfándega. Catro historias para reflexionar sobre a desigualdade e o machismo pero que ao final, todos por sorte, acaban con final feliz.

Aquí ou na foto podedes ver unha mostra da sesión.

 

 

FESTA DE ENTROIDO
O venres 1 de marzo celebramos como todos os anos a festa do Entroido no cole. Nesta ocasión, o tema da reciclaxe foi a nosa inspiración e en concrento o plástico e o colector amarelo o do noso noso ciclo. Grazas pola vosa colaboración e polos creativos e fermosos disfraces que elaborastes para este ano. Familias, sodes unhas artista! Mirade unha pequena mostra desde os ensaios ata o día grande. Perdoade pola calidade das fotos pero son datas que non dan para ir máis amodo. Unha vez máis podedes ver pinchando aquí ou na foto.

 

ENROIDO 19. O MECO

Como quencemento e preparación para o día grande da celebración da festa do entroido no cole, un ano máis o noso meco particular volveunos dar unha serie de consignas para irnos adentrando no ambiente festivo.

 

Asi o dispuxo o sr. Meco:

 

O luns 25 de febreiro pon un sombreiro.

O martes "por favor" trae na solapa unha flor.

O mércores a festa non remata, debes traer unha garavata.

O xoves en cada pé un zapato diferente para facer rir á xente.

Mirade aquí  ou na foto o variado repertorio que se xuntou,

 

DÍA DE ROSALÍA

Todos os anos o 24 de febreiro, celébrase o día de Rosalía de Castro, posto que ese mesmo día do ano 1837, nacía a  grande escritora. Este ano, ao caer a domingo adiantamos a súa festa e celebrámolo con varias actividades. Como ides ver nas fotos, entre todo a alumnado elaborouse un grande cartace decorado por segmentos coa súa imaxe. Ademais aprendemos poemas, recitamos os seus versos, cantamos unha canción composta para ela e como remate final, gozamos con varias pezas interpretadas por un cuarteto de música tradicional, entre as que estaba a Alborada de Rosalía.

 

Podedes ver mostra aquí ou na foto.

 

 

 

CONTACONTOS: O CARBALLO CON BOTAS.

O venres 8 de Xaneiro o escritor e contacontos Anxo moure visitounos e compartiu con nós o seu precioso espectáculo do Carballo con botas, co que engaiolou a mestras, nenas e nenos. Ademais tivo a xenerosidade de traernos unha landra para plantar, que como ben sabedes se fixo no calzado que vos pedimos. Iso si que é unha actividade completa! Xa vos daremos conta dos avances desta actividade. Mentres gozade coas fotos dese día. Tamén podedes pasar a ver a intalación do calzado que fixemos na reixa do patio exterior de Infantil. Clicade aquí ou na foto.

 

 

 

 

VISITA AO MUSEO DO POBO GALEGO

Os días 16 e 17 de xaneiro visitamos o interesante Museo do Pobo Galego en dúas quendas. Foron dúas xornadas magníficas nas que poidemos gozar dos valiosísimos obxectos do noso patrimonio coa regalía de facelo a partir de actividades lúdicas como Xogos bailados, Coscobellos ao cesto ou Raposadas. Grazas a Carme, a responsable desta actividade, polo seu bo facer.  Se queres ver comogozamos da actividade, preme aquí ou na foto.

 

 

ZUMBA E FESTA FINAL DE TIMESTRE DE E.I. 2018

Xa sabedes que é un clásico despedir o trimestre de xeito festivo entre toda a Comunidade educativa, bailando un pouco de zumba. Este ano, por mor do tempo que non acompañaba moito, celeramos as sesións por ciclos no salón de actos.

Para repoñer forzas, unha suculenta merendiña estaba agradándonos.

Mirade aquí ou na foto que ben o pasamos en Educación infantil!

XV CERTAME DE ARTE ESCOLAR EUGENIO GRANELL

GRANELL DE NENO EN COMPOSTELA

 Como vén sendo costume o alumnado de E.I. participou na nova edición de Arte escolar que organiza a Fundación Eugenio Granell por estas datas. Nesta ocasión inspirámonos no suxerente lema: Granell de neno en Compostela.

Non perdades a ocasión de visitar a exposición de todas as magníficas obras surrealistas das nenas e nenos de Educación Infantil.

 

Clicando aquí ou na imaxe podedes ver todo o proceso.

 

ESTES SON OS RESULTADOS

Os nosos e as nosas protagonistas, posan asía de orgullosas e orgullosos coa súa obra.

Clicade aquí ou na foto para ver os fermosos resultados.

 

ADEMAIS NO 1º TRIMESTRE

DEBUXAMOS, REUTILIZANDO AS TOALLIÑAS.

Non é a primeira vez que o facemos. Reutilizamos como soporte as toalliñas cos que limpamos os pinceis noutras actividades.

Mirade que debuxos tan molóns clicando aquí ou na imaxe.

 

 

CHEGA O OUTONO

GALICREQUES. UNHA NOVA EXPERIENCIA COS TÍTERES.

Xa é un clásico a nosa participación no Festival internacional de Titeres de Santiago, Galicreques. Un ano máis, acudimos a ver unha representación á sede do SGAE en Vistalegre. Kikiriguau, unha aventura de animais nunha granxa con títeres de mesa da compañía atragonesa, Títeres sen cabeza. 

Clicade aquí ou no cartel se queredes ver as fotos desa sesión. 

 

 

 

TITIRIBERIA. OA TÍTEReS CHEGAN AO AUDITORIO DA RAMALLOSA.

O martes 6 de novembro todo o alumnado de Educación Infantil do Concello, acudimos invitados a unha sesión de títeres a cargo da compañía Mircromina, titulada A familia unida. Como o tempo non acompañaba, tivemos que viaxar en autobús ata o Auditorio da Ramallosa. Mirade canto gozamos aquí ou na   fotografía. 

 

 

 

 

 

 

 

 

 

 

 

 

LOGO DO SAMAÍN, O MAGOSTO, POR FIN!

O 2 de novembro, celebramos o magosto xunto con vós, as familias. Un ano máis de xogos, castañas e cancións e baile co himno ramalloseiro desta celebración, o SamaGosto.

Aquí vos deixamos as fotos de lembranza dese día. Pinchade aquí ou na fotografía.

 

 

 

31 DE OUTUBRO, CELEBRAMOS O SAMAÍN.

E fixémolo cunha chea de actividades. Logo de traermos as nosas cabazas preciosas e variada durante toda a semana, o mércores comezamos a nos preparar para a noite de medo por excelencia, merendando unhas terroríficas viandas maquillados para a ocasión.  Despois do recreo, todo o ciclo pasámolo de medo no túnel do terror antes de subir ao salón de actos a escoitar contos e cancións que daban arrepío.

Clicade aquí ou na foto para ver canto medo xunto!

 

Distribuir contido


by Dr. Radut