Blogue de Mónica

Ao inicio de ano, aló polo mes de Xaneiro, iniciouse unha actividade proposta polo Comando Verde, ante a preocupación dun problema que está sufrindo o noso planeta que é a gran cantidade de residuos plásticos dun só uso que se está xerando e que están contaminando. Polo que a iniciativa tiña como obxectivo concienciar ás crianzas da cantidade de plástico dun só uso que se xeraba nas merendas e intentar reducir este lixo. Para iso colocouse un colector amarelo no patio para que puidesen depositar nel ditos residuos e ver como se ía enchendo co paso dos días.

Paralelamente fomos anotando nas aulas a cantidade de botes, bricks e envoltorios que se xuntaban cada día. Con estes datos, elaborouse unha gráfica que aproveitamos a comentar neste día do medio ambiente; uns datos que falan por sí solos!

Durante 77 días de rexistro, xuntamos na nosa aula uns 491 residuos plásticos, dos cales a metade aproximadamente eran botes

Tamén quixemos descatar esta data, reflexionando sobre as cousas que estamos facendo nós ou que podemos facer para coidar o noso medio ambiente. Algunhas ideas que xurdiron:

A nivel de centro, creamos unha pequena mostra simbólica, tratando de representar a gran necesidade que ten o planeta terra de protexerse da cantidade de plásticos, non aguanta máis e pide axuda a todos e cada un de nós; "DESPLASTIFÍCAME"

E quixemos xuntarnos todo o colexio arredor do colector amarelo e, unir as nosas voces dun xeito simbólico, para pedir que coidemos o noso medio ambiente  e non xeremos tanto plástico dun só uso; o planeta precisa de todas e todos.

DURANTE ESTA SEMANA, SEGUIMOS TRABALLANDO COS NÚMEROS, COAS LETRAS, COA BEEBOT, COIDANDO A HORTA, ENTRE OUTRAS ACTIVIDADES

- RECOLLIDA DOS PRIMEIROS CHÍCHAROS, QUE SE ÍAN DEGUSTAR NO COMEDOR NO GUISO DE CARNE. DEGRAÑÁMOLOS (motricidade fina) E PROBÁMOLOS: Á MAIORÍA GUSTÁRONLLE E QUERÍAN REPETIR.

- LOXICAMATEMÁTICA;

   *A NIVEL GRUPAL, ORDENAMOS A SERIE NUMÉRICA E LOGO AGRUPAMOS OS NOMES, POLO QUE, CADA QUEN TIÑA QUE CONTAR, RECOÑECER A CANTIDADE DE LETRAS DO SEU NOME E IDENTIFICAR O CARDINAL CORRESPONDENTE A ESA CANTIDADE

   *POSTERIORMENTE, PARA AFIANZAR ESTE CONTIDO, CADA CRIANZA TIÑA TARXETAS CON TODOS OS NOMES D@S COMPAÑEIR@S, TENDO QUE CONTAR A CANTIDADE DE LETRAS E AGRUPALOS ATENDENDO AO NÚMERO, NA FIGURA XEOMÉTRICA QUE SE INDICABA. 

   * IDENTIFICAR AS DISTINTAS FORMAS XEOMÉTRICAS EN CADA CASO 

   * REXISTRAR O CARDINAL  EN CADA GRUPO, SEGUNDO A CANTIDADE DE LETRAS DOS NOMES.

   -- "CAZA ABELLAS": AS CRIANZAS ESTÁN SENTADAS POR PARELLAS, DE COSTAS A UN TABOLEIRO ONDE HAI UNHAS TARXETAS CON DEBUXO DE ABELLAS CON NÚMEROS, Á INDICACIÓN DA MESTRA, DEBEN XIRARSE E TOCAR O NÚMERO QUE SE LLES INDICA

   -- FOMENTANDO A PROGRAMACIÓN COA BEEBOT, O RAZONAMENTO ABSTRACTO, A ORGANIZACIÓN ESPACIAL

NESTA OCASIÓN, A CONSIGNA ERA CHEGAR A UNHA FLOR DA COR QUE SE INDICABA (exe: flor branca). AXUDÁMONOS DE TARXETAS CON FRECHAS COMO AS QUE APARECEN NA BEEBOT (DE FRENTE, XIRAR Á DEREITA OU Á ESQUERDA) E CON NÚMEROS (para indicar as veces que debe avanzar o robot), PARA PROGRAMAR OS COMANDOS QUE LOGO EXECUTAMOS CO ROBOT (as tarxetas serven como apoio na organización espacial dentro do taboleiro). IMOS EXECUTANDO CADA COMANDO PASO A PASO, ANTE A IDADE DAS CRIANZAS, XA QUE AÍNDA NON ESTÁN MADURAS NO SEU PENSAMENTO ABSTRACTO.

- VISITAMOS, NO SALÓN DE ACTOS DO NOSO COLEXIO, A EXPOSICIÓN DOS ECOSISTEMAS ELABORADOS POLO ALUMNADO DE 5º DE PRIMARIA, DA QUE GUSTARON GRATAMENTE.

- CONTACONTOS CON SARA LAYA, DA COMPAÑÍA "A XANELA DO MAXÍN, QUE VEUNOS PRESENTAR "SORPRESA", UN PEZA TEATRAL DE TÍTERES, COA QUE TRANSMITIU ÁS CRIANZAS  A PROBLEMÁTICA DA CONTAMINACIÓN AMBIENTAL, DA IMPORTANCIA DA RECICLAXE, DO COIDADO DO NOSO ENTORNO, DA REUTILIZACIÓN DOS MATERIAIS. A POSTA EN ESCEA E O XEITO DE CONTALO, MANTIVO ENGAIOLADOS E ATENTOS TANTO ÁS CRIANZAS COMO AS MESTRAS; GRAZAS SARA, POR FACERNOS GOZAR DUN RATO BEN FERMOSO E TRANSMITIRNOS TAN BEN A MENSAXE QUE, DURANTE O CURSO, LEVAMOS TRATANDO: DA IMPORTANCIA DE COIDAR O NOSO PLANETA ENTRE TOD@S. 

ESTA ACTUACIÓN FOI UN AGASALLO DO CONSORCIO EDITORIAL, POLA INVERSIÓN EN LIBROS QUE MERCAMOS PARA A NOSA BIBLIOTECA, COS QUE PODER OFRECER DIVERSOS E VARIADOS FONDOS QUE SIRVAN PARA ENRIQUECER AS LECTURAS DO NOSO ALUMNADO.

A ESTACIÓN DE PRIMAVERA GÚSTANOS MOITO POR TODO O COLORIDO QUE NOS OFRECE A NATUREZA: FLORES DE DISTINTAS CORES, VERDECER DAS PLANTAS, ÁRBORES QUE BROTAN DE NOVO, TRINAR DOS PAXAROS, DÍAS MÁIS LUMINOSOS,...

ALGUNHAS PROPOSTAS QUE FIXEMOS ARREDOR DAS FLORES:

- COMPOSICIÓN LIBRE DE FLORES CON DIFERENTE MATERIAL: PAPEL CHAROL, GOMAEVA, GOMETS, CERAS

- INSTALACIÓN FLORAL:

   * CREACIÓN DE CADROS ARTÍSTICOS CON MOTIVOS FLORAIS USANDO PEDRAS DE CORES

   * CREACIÓNS DE XARRÓNS DE FLORES, CON CREATIVIDADE E INICIATIVA PROPIA

- ELABORACIÓN DE MAIOS, UNHA ESTRUTURA ICÓNICA COA QUE, ANTIGAMENTE DABAN A BENVIDA Á PRIMAVERA, CONVERTÍNDOSE NUNHA FESTA DE EXALTACIÓN DA NATUREZA, E QUE AÍNDA HOXE SE CONMEMORA EN VARIAS LOCALIDADES GALEGAS. NÓS QUIXEMOS RECORDAR COAS CRIANZAS EN QUE CONSISTEN OS MAIOS E COÑECEMOS ALGUNHAS PLANTAS E FLORES SILVESTRES E DE XARDÍN QUE SE USAN NA SÚA ELABORACIÓN. NESTA ACTIVIDADE TAMÉN COLABOROU ALUMNADO DE 1º ATA 3º DE PRIMARIA.

APROVEITAMOS TAMÉN PARA FACER ALGÚN TALLER MÁIS, SENDO O EIXE AS FLORES, COMO COLARES CON PAMNPILLOS, AUGA/COLONIA DE FLORES E ESTAMPACIÓN DAS MESMAS.

COMPARTIMOS COMO SEMPRE, ALGUNHAS PROPOSTAS NAS QUE ANDIVEMOS TRABALLANDO:

- INICIAMOS UNHA ACTIVIDADE QUE SE PROPUXO A NIVEL DE CENTRO DENDE O EQUIPO DE NORMALIZACIÓN LINGÜÍSTICA, PARA DINAMIZAR E FOMENTAR O USO DO GALEGO, DA NOSA LINGUA; "21 PALABRAS EN GALEGO". ESTA INICATIVA XURDIU DA PROPOSTA "21 DÍAS EN GALEGO", IMPULSADA POLO DEPARTAMENTO DE POLÍTICA LINGÜÍSTICA, NO QUE PARTICIPAMOS O CURSO PASADO. NESTA OCASIÓN, CENTRARÉMONOS EN RECOLLER 21 RELACIONADAS CO TEMÁTICA DO TRAXE TRADICIONAL, OS INSTRUMENTOS MUSICAIS E AS FOLIADAS.

- APROVEITANDO O BO TEMPO E A FERMOSA CARBALLEIRA AO LADO DO COLEXIO, SAÍMOS A MERENDAR AO AIRE LIBRE E DESFRUTAR DA NATUREZA, XUNTO CON TODAS AS CRIANZAS DO CICLO DE INFANTIL; CONTA NOS GUSTA!!

- DEGUSTACIÓN DA 1ª COLLEITA DE AMORODOS DA NOSA PLANTACIÓN:

- TOMAMOS CONTACTO COA PROGRAMACIÓN EN ROBÓTICA, MEDIANTE O USO DA BEEBOT. NESTA OCASIÓN, PROGRAMAMOS PASO A PASO PARA FAMILIARIZARNOS CO SEU USO, COA AXUDA PREVIA DE TARXETAS QUE NOS AXUDAN A TRAZAR O RECORRIDO QUE LOGO SE LLE PROGRAMA  Á BEEBOT. E AO MESMO TEMPO, REFORZAMOS O CONTIDO MATEMÁTICO DE IDENTIFICACIÓN DE CANTIDADES

- LOXICAMATEMÁTICA: INICIÁMONOS NO COÑECEMENTO DOS AMIGOS DO 10, QUE SON AQUELES NÚMEROS QUE XUNTOS SUMAN 10, APROVEITANDO A DATA NO CALENDARIO, O DÍA QUE FOI 10 DE MAIO

   * COMPLETANDO A TÁBOA DE DECICUBOS COA CANTIDADE QUE FALTA 

   * REPARTINDO 10 ELEMENTOS ENTRE DOUS COMPAÑEIR@S E ASOCIANDO CO CARDINAL. DESPOIS EXPRESALO EN FORMA DE SUMAS

 INICIAMOS A ÚLTIMO TRIMESTRE DESTE CURSO, QUE RÁPIDO PASA O TEMPO!

--- XA PUIDEMOS GOZAR DA QUE SERÍA A EXCURSIÓN FINAL DESTE CURSO, QUE POR MOTIVOS DE DATAS, XA SE LEVOU A CABO NESTE MES DE ABRIL; A APÍPOLIS

                                                          clica neste imaxe para ver mais fotos

COMO A SAÍDA ESTABA RELACIONADA COAS ABELLAS: O SEU MODO DE VIDA, OS BENEFICIOS QUE NOS APORTAN, OS TIPOS DE ABELLAS QUE HAI NUNHA COLMEA, O PROCESO DE EXTRACIÓN DO MEL, O TRAXE DE ABELLEIR@,ENTRE OUTROS ASPECTOS, PARECEUNOS NECESARIO E MOI ENRIQUECEDOR TRABALLAR SOBRE ESTE INSECTO.

   * ANTES DE FACER A VISITA E PARA INICIARMOS A SECUENCIA DIDÁCTICA: REPARTÍRONSE AS PEZAS DO CORPO DUNHA ABELLA, PARA QUE PREVIAMENTE DIXERAN IDEAS SOBRE QUE PENSABAN QUE ANIMAL PODÍA SER, E PRACTICAMENTE TODAS AS CRIANZAS, SE DERON CONTA QUE SE TRATARÍA DUNHA ABELLA.

TAMÉN LEMOS ALGUNHAS CARACTERÍSTICAS USANDO O LIBRO "QUE INSECTO ES?", ED. SM, PARA IR INTRODUCINDO XA ALGUNHA INFORMACIÓN DESTE INSECTO

 * COA AXUDA DE LIBROS DE INFORMACIÓN, FOMOS DESCUBRINDO OS TIPOS DE ABELLAS, ALIMENTACIÓN QUE TOMAN, O CICLO DA VIDA, PARTES DO CORPO, BENEFICIOS QUE NOS APORTAN, A CARETA QUE EMPREGAN PARA QUE NON LLES PIQUEN CANDO FAN A EXTRACIÓN DO MEL, UNHA MOSTRA DUN PANAL QUE LOGO RECHEAN DE MEL E POLE AS ABELLAS OBREIRAS.

DESPOIS DE FACER A EXCURSIÓN, MONTAMOS UN RECANTO E SEGUIMOS TRABALLANDO SOBRE ESTE INSECTO, XA REXISTRANDO ALGUNHA INFORMACIÓN, QUE AGORA LLES RESULTA MÁIS SIGNIFICATIVA TRAS VIVENCIALO IN SITU. ASÍ TRATAMOS DE FOMENTAR A CONSECUCIÓN DE OBXECTIVOS RELACIONADOS COA LECTOESCRITURA, COA LOXICAMATEMÁTICA, CO ÁMBITO ARTÍSTICO, COA MOTRICIDADE FINA,... DUN XEITO CONTEXTUALIZADO.

  + COMO ORDENAR A SECUENCIA DO CICLO DA VIDA, DO PROCESO DE EXTRACIÓN DO MEL- REXISTRANDO OS NOMES DO QUE PASA EN CADA PASO E USANDO OS ORDINAIS

  + IDENTIFICAR AS PARTES DUNHA ABELLA- IDENTIFICANDO AS PALABRAS QUE SE CORRESPONDEN CON CADA PARTE

  + E OS TIPOS DE ABELLAS QUE HAI NUNHA COLMEA - RECOÑECENDO AS VOGAIS PARA DIFERENCIALAS DAS CONSOANTES

  + ASOCIAR O CARDINAL CO Nº DE CELAS DUN PANAL- PRACTICANDO O CONTEO E ASOCIANDO O CARDINAL COA CANTIDADE QUE REPRESENTA

--- DÍA DO LIBRO- 23 DE ABRIL

   * COMO CADA ANO, REALIZAMOS ACTIVIDADES RELACIONADAS CO DÍA LIBRO, PARA CONMEMORAR ESTA DATA QUE CONSIDERAMOS IMPORTANTÍSIMA, QUIXEMOS FACER UNHA GUIÑO Á GRAN ESCRITORA EN LINGUA CASTELÁN, GLORIA FUERTES, XA QUE SE CUMPLEN 25 ANOS DO SEU PASAMENTO.

AO LONGO DA SEMANA ANDIVEMOS PREPARANDO UN CARTEL EXPOSITIVO RELACIONADO COA ESCRITORA, PARA ISO, BUSCAMOS ALGUNHA INFORMACIÓN, LEMOS ALGÚNS POEMAS E ADIVIÑAS, DESCUBRIMOS CANCIÓNS DAS QUE ELA ESCRIBIU AS LETRAS COMO "UN GLOBO, DOS GLOBOS, TRES GLOBOS", QUE ESCOLLEMOS PARA EXPOÑER NO NOSO CARTEL, E CONTRIUBÍR Á EXPOSICIÓN GRUPAL NA QUE PARTICIPARÍAN TODAS AS AULAS, POIS ESTA PROPOSTA PARTIU COMO UNHA SUXERENCIA DA COMISIÓN DE BIBLIOTECA. (VER BLOG DE BIBLIOTECA)

   * CADA CRIANZA DECOROU O RETRATO DA ESCRITORA AO ESTILO ANDY WARHOL E ESCRIBIU O SEU NOME

   * OUTRA ACTIVIDADE QUE SE REALIZOU, A NIVEL DE CENTRO, ARREDOR DOS LIBROS FOI O "APADRIÑAMENTO LECTOR"; NA QUE O ALUMNADO DE 5º DE PRIMARIA APADRIÑOU UNHA OU DÚAS CRIANZAS DO CICLO DE INFANTIL PARA LERLLE UN CONTO E COMPARTIR UN BONITO ENCONTRO INTERNIVEL ARREDOR DUNHA LECTURA.

   * TAMÉN SE LEVOU A CABO O PRÉSTAMO- AGASALLO DUN CONTO EN CADA AULA. NESTA PROPOSTA, CADA CRIANZA TRAÍA A AULA UN CONTO DA CASA OU TOMABA DA BIBLIOTECA PARA INTERCAMBIALO CON OUTRO COMPAÑEIR@ POR SORTEO, E POSTERIORMENTE CANDO REMATASE A LECTURA DEVÓLVEDR AO SEU DONO. DESTE XEITO, PRETÉNDESE OFRECER A OPORTUNIDADE DE LER UNHA HISTORIA PROPOSTA ENTRE ALUMNADO.

--- MERENDA- PINNIC:

APROVEITANDO O BO TEMPO, FIXEMOS UNHA MERENDA PINNIC NO PATIO, COMPARTIDA CON TODO O ALUMNADO DE INFANTIL. E TAMÉN PARA PECHAR A XORNADA DO VENRES, NA ÚLTIMA SESIÓN HOUBO BAILE OU XOGO LIBRE ENTRE AULAS