Skip to Content

Obradoiro de arte. E.I.

NaturArte

VÍDEO RESUMO DO PROXECTO DO OBRADOIRO DO CURSO 2021-22.

Por fin, podemos partillar con vós este vídeo, síntese de toda a nosa creación artística do curso pasado.

Este é o noso presente para estas festas.

En breve, poderedes ver, todo o realizado neste 1º trimestre.

Premede na imaxe, ou neste enlace para poder verlo.  

Agradamos que vos guste e aproveitamos para desexarvos unhas felices festas. 

natuRARTE

 Chegou gran día.

Logo dun curso intenso de traballo, por fin, puiemos ver todos os resultados na expoción de final de fin de curso, que por moi ao noso pesar, non foi posible realizala nos dous últimos curso. Nesta edicción e con gran acerto, presentámola no Salón de Actos da escola pois así foi posible que a meirande parte do alumnado de primaria ademais das familias , acuderan a visitala. Grazas ás foto grafiía de Benxa Salgado e Ramón Yoshimura  polas fotografías e a Xoán Soler por espallalo na Voz de Galicia. E por suposto no podo deixar de agradecer todo o apoio da Equipa directiva e o inestimable esforzo de moitas persoas entre as que destaco a Ernesto, Pepe, María Álvarez  e Sandra. 

Coma sempre, premede neste enlace, para ver un resumo. 

 

Espirulina.

Esta actividade nace ao igual que a clorotipia, como actividade colaborativa co Proxecto Educalai, con pigmentos, pinturas e impresións naturais. Neste caso, con espirulina en pó. A espirulina, é unha alga azul con clorofilia e con infinidade de propiedades beneficiosas para o organismo. No noso caso, utilizámola en pó, e o proceso de pintura foi tan doado como botar unha culllaradiña nun vaso de auga, remexer ben e botar o líquido e con pipetas, sobre máscaras ou papel absorvente. Na liña de concienciarnos da reutilización, reciclxe e redución de todo tipo de materia, nós utulizamos as máscaras infantiles sobrantes que quedaban no cole, coa ilusión de non ter que volver a utilizalas nas aulas. 

 

Mirade, aquí ou na imaxe o máxico efecto. 

 

Retratos na natureza  tuneados en acetatos.

 

Ao comezo de curso e de novo coa colaboracióón e xenerosidade das familias, pedinlles que por favor me enviaran por correo electrónico unha foto do seu fillo ou filla nuna contorna natural, apuntando cal era no lugar.  Deixámolo repousar ata finais de curso, euha vez impresas en branco en negro cun acetato por riba e con rotuladores permanentes, actuamos coloreándoas para personalizalas. Esta actividade, estivo inspirada nos retatos que Andy Wharholl, coloreaba co seu estilo propio e orixinal. 

Poderedes observar na fotografía, ou premento nesta palabra algun dos resultados.

CLOROTIPIAS. NaturarTe.

Que reponde a este nome tan curuioso?

Explicámosvos: dentro do proxecto deste ano e grazas á iniciciativa de Inés Fernández, unha compañeira de Musaraña de Educathysen, colaboramos na proposta artística con elaboración de producións de tintes naturais, denomidada Educalai. 

O produto final desta interesante iniciativa, é unha exposición no mes de xuño nunha sala de exposicións de Xixón, onde se poderán ver obras de moitos centros. 

So precisamos transparencias de acetato, rotuladores permanentes, follas verdes, unha copia dunnha imaxe ou fotografía e o máis importante, un chisquiño de sol. Iso foi o menos doado, ou por moito ou por pouco. Importante que as follas sexan varnosiñas. Nós utilizamos en case todos os casos as de calas e hortensia. Tamén que a follla estea fresquiña, eu métoas na neveira. Cando vos poñades, os nervios teñen que estar cara abaixo, en contacto coa tábos e a parte máis opaca da copia en acetato en contacto coa folla. A continuación colocades o cristal  ou de metacrilato e cerrade ben, como vedes na imaxe, nós usamos pinzas metáicas. Poderedes comprobar como fomos aprendendo a partires do ensaio-erro, aprendizaxe por outra banda moi significativa. 

Non desesperedes se non vos saen moitas. No noso caso tivemos que desbotar moitas. 

Déixo un enlace para que vexades a técnica. 

Aquí ou na imaxe, podedes ver o proceso dos nosos resultados.

 

 

Inspirámonos en Giuseppe Arcimboldo. naturarTe.

Probablemente o primeiro surrealista na arte. De feito,  foi esa corrente quen o volveu redescubrir, apesares de que no seu tempo, foi moi famoso pero logo caeu no esquecemento. Un transgresor e unavanzado para o seu tempo, este italiano do século XVI,  Giuseppe Arcimboldo, revolucionou o que era a pintura realista e figurativa do momento. Transforma flores, froitos, verduras, hortalizas ou animais e úsaos pasándoos a retratos en plena conexión coa natureza. 

Realizamos dípticos inspirados nos seu rertatos das estacións do ano. No lado da esquerda, fixemos collages con recortes de revistas e fotocopias de cadros famosos que tiveran elementos naturais. ONa dereita utilizamos flores e elementos da natureza que trouxeros das casas.  Decoramos a portada co nome do artista e a contraportada co noso nome con letras en vertical. 

Mirade aquí ou na imaxe as nosas versións arcimbolianas.

COBERTOR NATURAL. naruarTe.

Poucas cousas hai máis pracenteiras que estomballarle enriba dun manto natural na herba, un campo ou no bosque!

Nós fixemos a nosa recreación na aula, de novo cos elementos naturais traídos ao principio de curso. Inspirámonos na artista cubana Ana Mendieta, coñecida pola creación de obras de arte e perfonmances sempre en contaco co medio e a natureza e como medio inspirador.

Comprobade nesta entrada ou na imaxe, como nos gustou a experiencia.

 

 

 

 

 

 

 

 

 

 

 

 

 

 

 

 

COMPOSICIÓNS FIGURATIVAS. natuarTe.

Moito rendemos as aportacións traídas das nosas contornas naturais para tranformalas en arte, sempre de xeito distinto. Lembrades as composicións libres dispostas en catolinas simplemente decorativas sen ningunha imaxe determinada que nos lembrase a algo? pois neste caso, realizamos obras figurativas, esculturas e collages  que se asemellaban a un obxecto ou imaxe identificable.

Mirade aquí ou na fotografía, parte do proceso e os seus resultados, absolutamente xeniais e cheos de creatividade. 

 

 Unha libélula na aula! naturarTe.

Karim, un alumno de 4º de E.I, quixo compartir con nós a experiencia vivida cos seus pais, cando un día paseoando, atoparon unha ibélula morta. Con todo mimo e coas garantías de conservación, amosóunola no nru botiño de cristal e non poidemos deixar pase a ocasión de plasmana nun debuxo, logo de observala detidamente e analizar a súa anatomía. 

Mirade aquí, como a veu cada neno e nena. 

Tamén a modo presentación, poñéndovos sobre a imaxe.

 

PEGADAS NATURAIS. naturarTe.

Estampamos distintos elementos que troxemos xa ao principio de curso dos nosos paseos e saíadas á contorna natural sobre pasta branco. Utilizamos motivos prederminados como follas, ramallos, flores, froitos, cunhas variadas...

O primeiro foi amolecer o anaco de pasta para a continuación aplastala un pouco ben coas mans ou con rolos. A continuación puxemos o elemento en contacto coa masa e presionamos para que quedase marcado.  unha vez secado e contorulades marcamos nervios e partes vaciadas. Así de sinxelo. 

Xa veredes, ou na foto ou aquí.

 

 

CORAZÓN, CORAZÓN. naturarTe.

Visita do contacontos e creador Anxo Moure.  O polifacétco artista Anxo Moure realizou para o alumnado de Infantil e 1º ciclo de Primaria un Obradoiro de reciclaxe o 15 de marzo, titulado: Corazón. Transformar o negativo en positivo. Fabricamos pasta de papel, e cunha paneira en forma de corazón, realizamos cadanseu. Previamente contoulles e dramatizou o seu libro: O carballo con botas. 

Mirade o proceso, en foto ou en presentaciónaquí ou na imaxe. 

 

NATUREZA VIVA. naturarTe

Partindo do noso imaxinario e da nosa iniciativa, debuxamos nos cabaletes e con témperas unha obra particular dalgún escenario natural. Monte, praia, campo, río, montaña...Traballamos tamén a relación contido- título, póndoñe nome á nosa obra. Neste caso, ademais preténdese que as criaturas utilicen distintos soportes e planos na pintura, como aquí o vertical, facéndoos conscientes da dificultade que conleva traballar coa témpera desta xeito por mor de que escorregue, polo que imos aprendendo co ensaio-erro. 

Aquí ou na foto quédanvos algúns exemplos. 

 

Intervención artística da pintora Noe Aragundi no comedor. 

Desta volta a iniciativa partiu de Elena, outra profesinal e artista da gastronomía. Implicada tamén sempre a fondo, tivo a iniciativa de encargar un frsco relacionado coa alimentación e o mundo vexetal a unha xenial creativa que desde o primeiro momento amosou implicación e empatía co proxecto. 

Mirade o resultado traballo do último día de Noe, co privilexio de termos unha charla con ela, narrándonos todo o proceso. Xa sabedes ou premendo aqui ou sobre a fotografía. 

 

 

CASAS DE PAXAROS, Intervindo coa nosa contorna. natuarTe.

Temos o enorme privilexio de contar cun espazo único ao carón do colexio, unha carballeira da que xa quedan poucas. Xa no primeiro trimestre realizamos unha visita para coñecela, descubrila, observala e ver as posibilidades que nos ofrecía. Grazas a ese taballo previo e por iniciativa das mestras de 6º de E.I., fomos colocar unhas casas para os paxarosque o alumnado montou antes. Actividade dentro do proxecto de Traballo que están a desenvolver coas titoras sobre as aves. O obxectivo é sensibilizarnos tamén do reino animal que existe nos bosques. Inestimable foi e é sempre a axuda de Ernesto, o noso conserxe e complentamente implicado en calquera iniciatva educativa.

Clicade aquí ou na imaxe para ver unha mostriña. 

 

 

NOSOUTRAS

Partillamos o excelente traballo do alumnado da escola, con debuxos inspirados no poemario "Nosoutras" da grande escritora Marica Campo e o persoal e magnífico estilo do ilustrador Xosé Cobas, a quen o domingo 27 de marzo, se lles rendiu unha merecida homenaxe no Salón do Libro Infantil e Xuvenil de Pontevedra. Grazas a escritora Eva Mejuto, responsable do Salón e a Pilar Sampedro por confiar en nós e por nos deixar aportar o noso pequeno grao de area. Todo unha honra e un agasallo. Montaxe realizada por Carme García Álvarez. 

Marica Campos - Google Fotos

 

 Tamén podedes clicar nesta imaxe para velo. 

 

 

 

PROXECTO SURREALISTA. eDUCATHYSSEN

IMAXINANDO E SOÑANDO NO NOSO FANTÁSTICO MUNDO.

Recén saído do forno desde o recurso da páxina de Educathyssen, partillamos  o vídeo que aparece ao final do proceso de realización sobre o proxecto desenvolvido o curso pasado sobre a corrente Surrealista, que tamén pudestes ver no vídeo resumo do curso pasado. Mirade no enlace ou sobre o  imaxinativo debuxo

https://www.educathyssen.org/imaginando-sonando-nuestro-fantastico-mundo

 


Certame de Arte Escolar - Fundación Granell

As pequenas e pequenos grandes aristas de Educación Infantil e Primaria, partillamos con vós con grande emoción as nosas creacións elaboradas para o "Certame de arte escolar da Fundación Granell". Este ano co tema de "Granell, natureza e medio ambiente". Temática do noso Proxecto de Escola Verde: "EcoTeo; Ramalloseir@s coa natureza"

Podedes visitar a EXPOSICIÓN durante todas as vacacións de nadal no Museo Granell, ubicado no Pazo de Bendaña (Praza do Toural - Compostela). Ademais do agasallo de nos expoñer todos os nosos traballos, tres dos participantes obtiveron premio. André Rey Álvarez na categoría de construción, Sergio Castro Baliñas en debuxo e Alba Martínez Gómez en collage.

A NATUREZA RAMALLOSEIRA

DEBUXAMOS A NOSA ÁRBORES.

En folios en tamaño A3, plasmamos unha árbore, froito do noso imaxinario, posto que por sorte vivimos nunha contorna onde existen múltiples especies. Realizamos o debuxo con rotuladores de cores e a maioría decidimos corolealo con témperas sólidas.

Mirade canta variedade e orixinalidade aquí ou na fotografía.  

PAISAXES VARIADAS.

Debuxamos no noso blog unha gran variedade de paisexes de todo tipo: marítimas, camprestres. montañosas, boscosas, de río..., utilizado distintos tipos de pintura, a alección de cada quen.

Coma sempre, primeiramente documentámonos, observamos e analizamos unha chea de obras pictóricas ben famosas.

Mirade as nosas, accedendo desde aquí ou desde a imaxe.

 

CERTAME DE ARTE ESCOLAR DA FUNDACIÓN EUGENIO GRANELL.

Por sorte, este ano poidemos volver participar no Certame de Arte escolar da Fundación Granell e gozar co agasallo de poder visitar no museo as nosas obras e creacións e compartilrlo coa familia e a sociedade.  Nesta nova edición o tema a traballar nos nos podía acaer mellor, posto que o eixo era sobre o pintor surralesta, natureza e medioambiente.

E puxémonos mans á obra utilizando distintos medios de expresión e técnicas como pintura, debuxo, collage, escultura e fotografía. Mirade as nosas naturezas surrealistas e o proceso de creación, marcando aquí ou na fotografía.

 

CREACIÓNS NAVIDEÑAS.

Incriblemente xa pasaron tres meses desde o inicio do curso, e temos ás portas as ben merecidas vacacións de Nadal e non podían faltar os nosos debuxos-postais para conmemoralo. Ademais, grazas á colaboración das imaxinativas e creativas familias, o derradeiro día, lucimos os nosos xerseis decorados con materiais de reciclaxe, como actividade dentro do noso proxecto ambiental. Tamén podedes ver, unha pequeniña mostra.  Mirade aquí ou na imaxe, estas dúas actividades.

 

 

 

 

 

 

 

 

CON ELEMENTOS NATURAIS, ARTE PODEMOS CREAR,

Como seguramente sabedes, este ano o centro está a traballar ao redor de dous proxectos na Escola verde, sobre o medioambiente e a a sostenibiliade do programa PROXECTA +.

 

Por suposto no Obradoiro de arte de Educación Infantil, tamén quixemos sumarnos a esa interesanter iniciativa e aportar o noso granciño de area. E quixemos comezar o máis axiña posible. 

Ahí vos deixamos as actividades realizadas no 1º trimestre. E continuará...

 

O BOSQUE ANIMADO.

Pareceunos unha idea magnífica, crear o noso propio bosque no corredor das nosas aulas. Cadanseu fixo unha árbore en papel de embrullar castaño, coas súas ponlas correspondentes. Comezamos rachando coas mans os anacos de papel para realizar logo a composición. No tronco voltamos a utilizar a técnica do frottage sobre os das árbores do patio exterior e unha vez colocados os ramallos, estes, estampámolos con diferentes obxectos.

Neste caso a creación, foi unha adaptación da proposta por Salvador Cidrás e Vicente Blanco no seu blogue Escola imaxinaria, que vos animamos a que visitedes polas excelente experiencias que comparten sempren.

Visitade o noso bosque ramalloseiro.

 

 

 

 

 

 

COMPOSICIÓNS NATURAIS

Realizamos collages individuais enriba dunha cartolina cos elementos naturais que cada nena e neno trouxo dos seus paseos e saídas coas súas familias a distintas contornas como monte, parque, praia, campo, río.  Ademais da capacidade creativa que amosaron, e que podedes ver nas imaxes, deunos moito xogo para aprender nomes e características pois cada criatura amosaba os seus tesouriños e a súa procedencia. E deixando ben claro a importancia de non modificar os espazos naturais.

Arte efímera pero da que quixemos deixar a lembranza realizándolles unha fotografía. 

Aquí  ou na imaxe, podedes ver estas orixinais obras.

 

 

 

 

 

 

 

DE PASEO POLO BOSQUE.

Non hai mellor aprendizaxe que a que se produce no contexto real da experiencia, por iso non quixemos deixar de visitar a carballeira e o bosque que temos a carón da escola. Observamos, investigamos, formulamos hipóteses, aprendemos unhas de outros cousas novas, respectamos  o espazo e mesmo recollemos algún lixo. Por suposto, gozamos moitísimo.

Clicade na fotografía ou aquí para consultalo.

 

FROTTAGE

Comezamos en contacto con distintas tipos de follas de diferentes procedencia, tamaños e formas, á vez que iamos aprendendo o nome da árboreá que pertencía e as características máis sobresaíntes. Nesta actividade o sentindo do tacto foi fundamental para detectar a parte onde están os nervos que colacamos enriba da mesa cara arriba. A continuación, colocamos un papel branco A3 e cunha cera mol, frotamos aparecendo a impresión da folla. Auténtica maxia! Fomos cambiando de cores e de follas ata completar a nosa vistosa composició, Mirade aquí ou na fotografía o resultado.

 

 

COMEZAMOS!

CAIXÓN DE XASTRE.

Nesta sección, podedes ver outras actividades plásticas e artísticas que imos realizando. Unha habitual á volta das vacacións de Nadal, é debuxar os agasallosa que ben os Reis, o Apalpador ou Papá Noel nos deixaron. Nos blocks de debuxo, representamos as cousas das que nos lembrabamos posto que sempre veñen cargadiños pois debémonos portar moi ben. 

Observade aquí ou na imaxe os nosos presentes.

 

E AGORA VAI. ESTRENÁMONOS. 

DE NOVO AQUÍ ESTAMOS!

Unha vez máis, a primeira actividade para ir quencedo motores foi comezar retratándonos pois é moi importante como presentación para toda as persoas que vos interesades por este blog. Coma sempre, intentamos crear con formatos, útiles e soportes distintos. Desta volta, utilizamos un papel satinado pintándonos con rotuladores permanentes. Premendo aquí ou na foto, podédesnos ver.

 

 

 

 

Moi benvidas e benvidos a novo curso 2020-21. Seguro que este ano vai ser estupendo e por sorte, xa podemos facer moitas máis cousas que o curso anterior. A ver que artistadas se nos ocorren desta volta. 

Aínda que ás familias do alumnado de Educación Infantil xa volo enviei en xuño por correo, queremos compartir co resto da Comunidade educativa e de quen estea interesado en velo, o enlace do vídeo resumo do moito que apesares das circunstancias, argallamos o ano pasado. Agardamos que vos guste. Premede no enlace ou no debuxo para velo. 

https://www.youtube.com/watch?v=oD-79L62pd0

 

PÉCHASE O TELÓN

O FILLO DO HOME, A NOSA INSPIRACIÓN.

Como colofón, pechamos o círculo cunha nova proposta surrealista inspirada no cadro de Rene Magritte, O fillo do home que podedes ver na imaxe despois do texto e que parece que era un autorretrato do autor que adoitaba vestir desa maneira. No noso caso en lugar dunha mazá, decidimos traer un obxecto significativo para ocultar o rostro.

Para deixar constancia dese intre, fotografiámonos e imprimíronse os posados.

E a partir de aquí, comezamos a crear e interpretar ao noso xeito a nosa obra. Como veredes, realizamos dúas actividades utilizando unha copia en cor e outra variación coa fotografía en branco e negro,

No primeiro caso, utilizando a técnica de collage, recortamos a nosa silueta da imaxe ata a cintura, utilizando distintos recortes de revistas de moda, de roupas e complementos como o calzado e ao igual que Magritte, un sombreiro e fixemos a composición nunha cartolina A4.

Coa copia en branco e negro, copiamos o mesmo proceso de recortar a silueta ata a cintura e pagala noutra cartolina pero nesta ocasión, pernas, roupas, sombreiro e calzado foron debuxados.

E para facer unha xeitosa presentación de ámbalas dúas obras, pegáronse a modo de díptico nunha cartolina de cor.

Mirade aquí neste enlace ou na imaxe do cadro, todo o proceso e o resultado final.

 

E nesta outra imaxe ou premendo aquí,  veredes ese momento inmortalizado na fotografía. 

O TEMPO PASA AXIÑA E XA NON QUEDA NADIÑA

AUTORRETRATOS AO GRANDE.

Coma sempre, unha actividade que nos permite traballar o autocoñecemento e a nosa autoestima. Imos medrando non so físicamente senón en madurez, coñecemento e interese como ben podedes comprobar coa evolución das nosas producións. E tanto imos para arriba que decidimos representarnos ao grande nun A3 utilizando ceras acuarelables para colorear. Clicando aquí ou na fotografía, podedes ver o proceso de traballo e os nosos resultados finais. 

 

 

 

 

 

 

COMEZAMOS O 2º TRIMESTRE

E DESPOIS DO NADAL, VOLTA A TRABALLAR!

ESGRAFIADO. MAXIA NO DEBUXO.

Nesta ocasión o noso útil para debuxar foi un pauciño. Como vedes, a variedade de técnicas é enorme para saír do máis convencional. Consiste en facer incisións ou rascados nun soporte con varias capas interiores de pintura, descubrindo esas cores utilizadas. Comezouse a utilizar na arquitectura, pasando despois ao debuxo no que se poden utilizar moitos tipos de pintura, soportes ou útiles de trazado. 

Nós eliximos ceras manley sobre cartolina branca para expresarnos. Logo de pintar pequenos anaquiños de cores variadas, cubrimos toda a superficie de negro e a continuación comezamos a rascar co pauciño, quedando ao descuberto as cores da primeira capa sendo emocionante ver como aparecían case por arte de maxia. 

Aquí ou na imaxe tedes o proceso e os lindos resultados.

 

ABRIMOS A FIESTRA AO SURREALISMO.

Continuamos a nosa viaxe surrealista, nesta ocasión saíndo a pasear pola natureza e polas súas variadas paisaxes para despois gozar coas panorámicas desde a xanela. Iso foi posible grazas a un cadro do pintor surrealista René Magritte titulado Le clef des champs, realizado en 1936 que alberga o Museo Thyssen Bornemisza de Madrid.

Como é habitua, o primeiro que fixemos foi estudar e analizar esta obra en profundidade e outras do artista para posteriormente ver exemplos de paisaxes na arte, fundamentalmente nas pinturas. Descubrimos que son múltiples e variadas como campestres, mariñas, montañosas ou de ribeiras entre outras. Tamén experimentamos  con pequenos espellos que forman parte da pintura, para ver como reflicten.

Fixemos a nosa primeira paisaxe no noso caderno persoal como paso previo a debuxar unha segunda nas nosas particulares fiestras-caixas de zapatos. Eliximos temática e tipo de pintura e rematamos poñéndolle os anacos de cristal-espello tal e como aparece no cadro. Tocando nel ou aquí, podedes ver as fotografías da nosa visión particular.

 

 

DITADOS SURREALISTAS

Lembrades que no primeiro trimestre fixeramos os nosos binomios pitóricos surrealistas, xogando a mesturar dous obxectos nun xogando a inventar absurdos, inspirados no cadro de Flor-cuncha de Max Ernst. Pois retomando esa creativa idea, decidimos facer o mesmo pero en pequenos grupos, por mesas de traballo. O primeiro foi inventar o listado de binomios que queriamos representar. E a continuación, como no xogo das sillas musicais e ao ritmo de Queen, cada vez que se detiña a música, eu ditaballes un deles. Como vedes, cada unha das aulas utilizou un tipo de pintura, rotuladores, xices, ceras finas e ceras acuarelables,Pasámolo en grande! Aquí ou na fotografía tedes os resulatados.

 

 

 

 

 

 

 

 

ESCULTURAS SURREALISTAS

Puxémonos mans á obra, amasando ben na pasta branca e decorando creativamente con todo tipo de materias de refugallo como paos, plumas, metais, cunchas, plásticos e moito máis. Estas son as nosas creacións escultóricas. Se as queredes ver, mirade aquí ou na imaxe. 

 

OBRADOIRO: Ramalloseiras e ramalloseiros pola conviencia.

O Departamento de Orientación vén de poñer en práctica este Obradoiro para o alumnado da escola, e por suposto tamén tiveron en conta ao noso ciclo. Dúas excelentes alumnas en práctica dese departamento, dinamizaron e levaron a cabo a iniciativa. 

Deixamos saír as nosas emocións como a ledia, tristeza, a rabia, o entusiasmo ou o enfado a través do que nos provocaba a música acertadamente elixida para esa fin. Debuxamos esa sensación de trsteza e ledicia, escoitamos a narración do conto Las rabietas de Simón e xetualizamos coa cara e co corpo esas emocións.

Grazas Jennifer e Estela por facernos sentir tan ben.

Podedes ver o proceso premendo aquí ou na foto.

 

 

 

 

 

 

 

 

TEMPERAMOS

Continuamos expesándonos libremente con distintos materiais, Xa nos tocaba coa témpera que a tiñamos un pouco abandonada. Mirade aquí ou nesta imaxe as nosas produccións.

 

OS NOSOS AGASALLOS DO NADAL.

 

As nenas e nenos quixeron compartir eses prezados agasallos de nadal que O Apalpador, Os Reis Magos ou Papá Noel tiveron a ben traerlles e que desde logo foron máis que merecidos, polo ben que se comportaron e o exemplo que están a dar nestes complicados intres. E non o podían facer doutro xeito que plásticamente a través do debuxo, elixindo con que colorear. Tamén compartimos con vós, premendo aquí ou na foto. 

 

AUTORRETRATOS

 Xa facía que non nos autorretratamos. Así somos nós e así nos vimos neste comezo do segundo trimestre. Desta volta, tan so utilizamos un rotulador negro, pero aínda así mirade canta expresividade. Podedes marcar aquí ou na foto para ver os resultados.

 

Distribuir contido


by Dr. Radut