REMATOU MAIO
COMENTÁNDOVOS ALGUNHAS COUSIÑAS SOBRE AS QUE ANDIVEMOS TRABALLANDO, AÍNDA QUE AO LONGO DAS XORNADAS SEMPRE HAI MOMENTOS E SITUACIÓNS QUE XORDEN AÍNDA QUE NON SE CONTEN.
- HORTO: RECOLLEMOS AS LEITUGAS E O BRÓCOLI QUE CONSEGUIMOS, XA QUE OS PAXAROS TAMÉN SE APROVEITARON DO NOSO HORTO, E CASE NON COLLEMOS NIN A PROBA!
- PROXECTO SOBRE OS GATOS:
TRAS UNHA PAUSA APRENDENDO SOBRE AS ABELLAS, RETOMAMOS A SECUENCIA SOBRE OS GATOS, XA QUE AÍNDA NOS QUEDABAN COUSAS QUE DESCUBRIR E APRENDER SOBRE ESTES FELINOS. DESCUBRIMOS QUE ALIMENTOS LLE GUSTABAN E CALES NON. NESTA PROPOSTA, TRABABASE DE RECOÑECER AS PALABRAS QUE NOMEABAN CADA ALIMENTO EN CADA CASO, ISO SUPÓN, IDENTIFICAR O SON DAS LETRAS INICAIS E SE HAI VARIAS QUE COMEZAN IGUAL, HAI QUE FIXARSE TAMÉN POR CAL REMATA.
TAMÉN DESCUBRIMOS QUE, O PROFESIONAL QUE SE OCUPA DOS COIDADOS DESTE E OUTROS ANIMAIS É O VETERINARIO/-A ,E CALES PODEN SER ALGÚNS DESES COIDADOS: MIRARLLE OS DENTES E OÍDOS, VACINAR, DESPARASITAR
- LOXICAMATEMÁTICA:
ESTREAMOS UN NOVO XOGO CON OSOS DE CORES, BOTES E 3 DADOS (CORES, FORMAS E CANTIDADE). O OBXECTIVO ERA INTRODUCIR TANTOS OSITOS COMO INDICARA O DADO DE PUNTOS, DA COR QUE TOCARA E INTRODUCILOS DENTRO DO BOTE QUE TIÑA A FORMA XEOMÉTRICA QUE TOCARA.
DESPOIS DE QUE TODAS AS CRIANZAS TIVERAN A SÚA QUENDA DE XOGO, APROVEITAMOS A CONTAR E SUMAR CANTOS OSOS SE INTRODUCIRAN EN CADA BOTE E COMPARAR EN CAL HABÍA MÁIS E CAL MENOS.
- COMANDO VERDE: REDUCCIÓN DE PLÁSTICOS
COMO CADA MES, FIXEMOS UN RECONTO DOS RESIDUOS PLÁSTICOS DE CADA TIPO QUE XERAMOS NESTE MES DE MAIO NAS MERENDAS. DENDE O INICIO DESTA PROPOSTA, FOISE MELLORANDO NA CANTIDADE DE PLÁSTICOS DUN SÓ USO QUE TRAEN NAS MERENDAS, O QUE MÁIS SE MANTEÑEN SON RECIPIENTES E ENVOLTORIOS QUE SE MERCAN NO SUPER XA ENVASADOS (ACTIMELES, ZUMES, GALLETAS)
- PSICOMOTRICIDADE:
NA SESIÓN DESTA SEMANA, APROVEITAMOS A USAR AS CANTAREAS RECOLLIDAS POLAS FAMILIAS PARA SORTEAR. FIXEMOS XOGOS DE PILLAR (2 QUENDAS), POLO QUE TIVEMOS QUE SORTEAR QUEN LLE TOCARÍA PILLAR; USAMOS O CHURRO PARA TOCAR AOS PILLADOS E LOGO UNHA PELOTA DE ESPUMA.
SEGUINDO CON MOVEMENTO, FIXEMOS DESPOIS UN XOGO DE RECOLLIDA DE PELOTAS: O OBXECTIVO ERA RECOLLER O MAIOR NÚMERO DE PELOTAS E INTRODUCILAS NA SÚA CASA (UN ARO). FINALMENTE APROVEITAMOS A FACER RECONTO E COMPARAR CANTIDADES, QUEN CONSEGUIRA RECOLLER MÁIS E QUEN MENOS.