Blogue de Mónica

MÁIS XOGOS DE NÚMEROS

Sáb, 2022-05-21 10:28 — monicas

SEGUIMOS FACENDO PROPOSTAS PARA IDENTIFICAR E INTERIORIZAR O CONCEPTO DE DECENA E UNIDADE, TOMANDO CONCIENCIA DE QUE UNHA DECENA= 10 UNIDADES.

NESTA OCASIÓN COMPUXEMOS A FAMILIA DO 10, CON DECENAS E UNIDADES, DE XEITO MANIPULATIVO, PARA LOGO PODER ENTENDELO E EXPRESALO - REXISTRALO SOBRE PAPEL.

- XOGAMOS CO ÁBACO A FACER SUMAS

INCLUSO, ALGÚN PÚXOSE A CONTAR AS BOLAS DO ÁBACO, E DEUSE CONTA QUE TIÑA 100 BOLAS. POLO TANTO, APROVEITAMOS A ANALIZAR QUE HABÍA 10 BARRAS E EN CADA BARRA 10 BOLAS (FIXEMOS A SUMA PERO INTRODUCINDO TAMÉN A MULTIPLICACIÓN)

O TEU COCHE TEN NÚMEROS?

Sáb, 2022-05-21 10:15 — monicas

DESCUBRIMOS QUE OUTRO USO DE NÚMEROS SE PODE ATOPAR NAS MATRÍCULAS DOS COCHES.

CADA CRIANZA, TROUXO ANTOTADA O Nº DA MATRÍCULA DUN COCHE DA FAMILIA, DESPOIS DE COMPARALAS E DESCUBRIMOS QUE TODAS TEÑEN 4 NÚMEROS E 3 LETRAS.

TAMÉN APROVEITAMOS A FACER UNHA ACTIVIDADE DE INVESTIGACIÓN E IDENTIFICACIÓN: EN PEQUENO GRUPO, TIÑAN QUE SAIR AO APARCADOIRO E IDENTIFICAR A QUE MODELO E COR DE COCHE SE CORRESPONDÍAN UNHA SERIE DE MATRÍCULAS QUE TIÑAN ANOTADAS, E ADEMAIS DESPOIS TIÑAN QUE PESCUDAR A QUEN LLES CORRESPONDÍA DITO COCHE.

GUSTARON MOITO DESTA PROPOSTA!!!

FELIZ LETRAS GALEGAS 2022

Mar, 2022-05-17 11:45 — monicas

UN ANO MÁIS, CONMEMORAMOS UNHA DATA IMPORTANTE PARA IMPULSAR O NOSO IDIOMA; O DÍA DAS LETRAS GALEGAS.

ESTE ANO ESTÁ ADICADO A FLORENCIO DELGADO GURRIARÁN, E NO NOSO GRUPO ANDIVEMOS FACENDO ALGUNHAS ACTIVIDADES PARA COÑECER UN POUCO A ESTE ESCRITOR OURENSÁN,

- FIXEMOS UNHA BUSCA DE PISTAS , PARA ATOPAR POLO PATIO, PORTADAS DE OBRAS QUE RECOLLEN OS SEUS POEMAS E DUNHA REVISTA QUE EL GUIOU E NA QUE PARTICIPOU. E APROVEITAMOS A ORDEALAS POR DATA DE PUBLICACIÓN

- MONTAMOS UN CREBACABEZAS DO SEU RETRATO E COMPUXEMOS CON LETRAS MÓVILES O SEU NOME (TRABALLANDO A CONCIENCIA FONOLÓXICA)

- FIXEMOS ACTIVIDADES ONLINE SOBRE VIDA E OBRA DO HOMENAXEADO

- RECOLLIMOS VERBAS GALEGAS E PEGAMOS NO MAPA DE GALICIA, APROVEITANDO A RECOÑECER AS 4 PROVINCIAS GALEGAS, DESTACANDO OURENSE, XA QUE GURRIARÁN NACEU NO CONCELLO DO BARCO DE VALDEORRAS E, POR SUPOSTO IDENTIFICANDO A CAL PROVINCIA PERTENCE TEO.

- LEMOS UN POEMA SOBRE A "ANDURIÑA" E ILUSTRARONO. TAMÉN APROVEITAMOS A ANALIZAR ALGUNHAS VERBAS PROPIAS DA ZONA QUE EL EMPREGABA NOS SEUS POEMAS, COMO "BARUFAR"= CHUVISCAR

- A NIVEL DE COLE, COMO OUTROS ANOS, ADICAMOS PARTE DUNHA XORNADA A FACER XOGOS EN GRUPO (ZANCOS, ARRASTRAMORTOS, AROS MUSICAIS E PELOTAS DE ORELLAS), AMENIZAR CON ALGO DE MÚSICA (QUE O TEMPO ESTRAGOU) E COMPARTIR UN RICO XANTAR EN GRUPO

QUE NÚMERO CALZAS?

Sáb, 2022-05-14 00:53 — monicas

SEGUIMOS TRABALLANDO ARREDOR DOS NÚMEROS, NESTA OCASIÓN ATOPÁMOLOS NA TALLA DO CALZADO.

-- TRAZARON A SILUETA DO PÉ, POR PARELLAS, E BUSCARON O Nº PARA ANOTALO.

-- OBSERVAMOS, ANALIZAMOS E ORDENAMOS OS NÚMEROS DO CALZADO: QUEN TEN O NÚMERO DE PÉ MÁIS PEQUENO, QUEN MÁIS GRANDE E QUEN CALZA IGUAL NÚMERO?

CADA CRIANZA REXISTROU NUNHA TÁBOA, AS CANTIDADES ORDENADAS DE MENOR A MAIOR. ESTA TAREFA FAVORECE O TRABALLO DE TRAZO DE NÚMEROS DE XEITO CONTEXTUALIZADO, A INTERIORIZACIÓN DA ORDE DOS NÚMEROS NA SERIE NUMÉRICA, O USO DUNHA TÁBOA PARA ANOTAR DATOS; ENTRE OUTROS CONCEPTOS.

INCLUSO HAI COINCIDENCIA, CON RESPECTO AO PESO (QUE XA TRABALLAMOS); AS DÚAS CRIANZAS QUE TEÑEN MENOR Nº DE PÉ SON AS QUE PESAN MENOS E AQUELAS QUE TEÑEN UN MAIOR Nº DE PÉ COINCIDEN QUE SON AS QUE MÁIS PESO TEÑEN TAMÉN: COINCIDENCIA OU NON!!?

-- APROVEITAMOS A COMPARAR AS CANTIDADES TRABALLANDO COS SÍMBOLOS: < , > OU =

CAL NÚMERO PODO POÑER PARA QUE SE CUMPLA A SITUACIÓN MATEMÁTICA?

MOITOS PARABÉNS ALMA E NOELA

Sáb, 2022-05-14 00:33 — monicas

INICIAMOS ESTE MES DE MAIO CUN ANIVERSARIO, DUNHA COMPI QUE XA CUMPLIU 6 ANIÑOS: NOELA

LOGO UNS DÍAS DESPOIS, O DÍA 10, TAMÉN LLE CANTAMOS OS PARABÉNS A ALMA, QUE TAMÉN CUMPLÍA 6 ANOS.

AO REMATE DO MES FAREMOS UNHA MERENDA CONXUNTA

MOITOSSSS PARABÉNSSSS PARA AS NOSASSSS COMPISSSSS CUMPLEAÑEIRAS!!!

BEEBOT E AVES

Sáb, 2022-05-07 02:13 — monicas

NESTA OCASIÓN AUNAMOS A PRÁCTICA DA TAREFA DE PROGRAMACIÓN; O TRABALLO EN ROBÓTICA COA TAREFA DE IDENTIFICAR O NOME DE VARIAS AVES ESCRITAS EN MINÚSCULAS OU MAIÚSCULAS (SEGUNDO NIVEL DE CRIANZAS)

NESTA PROPOSTA, ESTASE PRACTICANDO A ORGANIZACIÓN DO ESPAZO DE XEITO ABSTRACTO, TENDO QUE PROGRAMAR UN ROBOT PARA QUE EXECUTE UNHAS ORDES PARA ALCANZAR UN OBXECTIVO; RECOLLER O NOME DA AVE INDICADO

HAI QUEN É CAPAZ DE PROGRAMAR A BEEBOT CON TODOS OS PASOS SEGUIDOS DENDE O INICIO ATA O PUNTO DE CHEGADA, OUTROS PRECISAN IR PROGRAMANDO PASO A PASO, SEGUNDO A MADUREZ EN CADA CRIANZA.

A VOLTAS CO PESO

Sáb, 2022-05-07 01:58 — monicas

OUTRA UTILIDADE DOS NÚMEROS É INDICARNOS CAL É O VALOR DO PESO DE CADA UN, EMPREGANDO UN APARELLO CHAMADO BÁSCULA

PREVIAMENTE, CADA QUEN ESTIMOU E ANOTOU CANTO PENSABA QUE PESABA E LOGO

COMPROBAMOS, PESÁNDOSE, ANOTANDO A CANTIDADE REAL,

IDENTIFICANDO NO CUADRANTE, OBSERVANDO A DIFERENCIA EN CANTO Á ESTIMACIÓN E XOGANDO A COMPARAR ENTRE ELES-AS QUEN ERA O QUE MÁIS PESABA, O QUE MENOS E QUEN IGUAL.

DEBUXÁRONSE ENRIBA DUNHA BÁSCULA, REPRESENTANDO COMO SE PESARAN

TAMÉN REXISTRARON NUNHA TÁBOA. DE FORMA ASCENDENTE, OS VALORES DE PESO DE TOD@S @S COMPIS (TRABALLANDO PARALELAMENTE O TRABALLO COS NOMES E O TRAZO DOS NÚMEROS QUE ÁINDA ALGÚN SE REXISTRA EN ESPELLO)

COMPARACIÓN ENTRE CANTIDADES, TRABALLANDO OS CONCEPTOS MAOIR QUE - MENOR QUE - IGUAL QUE.

CREANDO SIMETRÍAS

Sáb, 2022-05-07 01:31 — monicas

ANDAN A XOGAR A FACER ESCULTURAS, CREACIÓNS CON DIFERENTES ELEMENTOS, E TAMÉN SIMETRÍAS FRONTE AO ESPELLO; ALGUÉN FAI A PROPOSTA INICIAL E OUTR@ COMPLETA A SIMETRÍA DADA.

ESTIMANDO

Sáb, 2022-05-07 01:20 — monicas

XA NOUTRAS OCASIÓNS SE INDICARA UNHA ACTIVIDADE PARA FOMENTAR A ESTIMACIÓN OU TAMÉN A SUBITIZACIÓN.

NESTA OCASIÓN, TRATÁBASE DE ESTIMAR A CANTIDADE DE TAPÓNS QUE PODERÍA HABER DENTRO DUN BOTE.

DESPOIS DE QUE CADA CRIANZA, ANOTOU A SÚA CANTIDADE ESTIMADA, PROCEDEMOS Á COMPROBACIÓN DE QUEN ACERTARA OU SE APROXIMARA. EN XERAL, NON FORON CANTIDADES DESORBITADAS, ESTIVERON BASTANTES PRETO DA CANTIDADE EXACTA; 20 TAPÓNS

INSTALACIÓN FLORAL

Ven, 2022-04-29 20:46 — monicas

APROVEITANDO QUE ESTAMOS NA PRIMAVERA E XA COMEZAN A FLORECER OS CAMPOS E XARDÍNS CON DIVERSIDADE DE FLORES, QUIXEMOS FACER AS NOSAS COMPOSICIÓNS EMPREGANDO DIVERSO MATERIAL MANIPULATIVO E COTIÁ E DESEÑAMOS OS NOSOS CADROS DE FLORES