Blogue de Mónica

RECHEANDO DE TERRA

Sáb, 2022-03-19 23:02 — monicas

OS BANCAIS PARA PLANTAR AS HORTALIZAS, QUE SE XERMINARON NAS AULAS E OUTRAS, XA ESTÁ PREPARADOS.

QUIXEMOS APORTAR O NOSO GRAN DE AREA E COLLEMOS CALDEIROS E PÁS E BOTAMOS UNHA MAN NO PROCESO DE RECHEAR OS BANCAIS DE TERRA; AÍNDA QUE O PROFE PABLO FIXO PRACTICAMENTE TODO ESTE PROCESO.

ALGO É ALGO!! E CANTA MOTRICIDADE SE DESENVOLVE CO XIRO DAS MUÑECAS!, CON ESTAS TAREFAS; ENCHER, VALEIRAR, TRANSPORTAR, APLANAR,.. QUE LOGO NOS AXUDAN NO TRAZO DAS LETRAS, POR EXEMPLO.

DESPOIS QUIXEMOS SEGUIR CON ACCIÓNS MEDIOAMBIENTAIS, E PUXÉMONOS A RECOLLER LIXO POLO PATIO.

CANDO NOS XUNTAMOS, TOS@S TRAÍAN LIXO: "QUE MAL", "OS MAIORES NON COIDAN O PATIO" "PERO HAI MOITAS PAPELEIRAS, PORQUE NON AS USAN?"...

VARIOS ERAN OS COMENTARIOS, NON ENTENDÍAN COMO HABÍA TANTOS RESTOS, NON LLES GUSTOU RECOLLER TANTO LIXO NO PATIO, NO CAL XOGARÁN O VINDEIRO CURSO.

"CANDO VEXAMOS TIRAR ALGO NO CHAN LLES DICIMOS QUE OS TIREN NA PAPELEIRA E SENÓN NOS FAN CASO O RECOLLO EU"; ERA UNHA REFLEXIÓN FEITA POR ALGUNHA CRIANZA

POUCO A POUCO, IMOS INTRODUCIR CAMBIOS QUE MELLOREN O ENTORNO E SEGURO QUE CONSEGUIRÁN TER UN AMBIENTE AGRADABLE E LIMPO NO QUE XOGAR E GOZAR!!!

PROXECTO AVES: CASIÑAS PARA OS PAXARIÑOS

Sáb, 2022-03-19 22:33 — monicas

DENTRO DO PROXECTO SOBRE AS AVES QUE ANDAMOS A TRABALLAR, QUERÍAMOS FACER UNS NIÑOS PARA PAXAROS; CON HERBAS, PAUS, FOLLAS, PLUMAS,..., PERO CONSEGUIRÍAMOS SUXEITALOS E MANTERSE NAS ÁRBORES??. FINALMENTE, EN COLABORACIÓN C@S NOS@S COMPAÑEIR@S DE NIVEL, DECIDIMOS MERCAR AS PEZAS E FACER A SÚA MONTAXE, QUE TAMÉN É UN PROCESO DE APRENDIZAXE.

COMPROBAMOS QUE ESTABAN TODAS AS PEZAS QUE SE PRECISABAN E SEGUINDO AS INSTRUCCIÓNS (TEXTO INSTRUCTIVO), COA INESTIMABLE AXUDA DE ERNESTO, CONSEGUIMOS MONTAR 2 NIÑOS QUE SITUAMOS EN DÚAS ÁRBORES DO NOSO PARQUE, E OUTRAS DÚAS PENSAMOS EN COLOCALAS NA CARBALLEIRA COLINDANTE, PORQUE CONSIDERAMOS QUE ALÍ HAI MOITOS PAXAROS E ADEMAIS ESTÁN MÁIS TRANQUILOS.

OXALÁ ALGÚN PAXARO ESCOLLA A CASIÑA PARA FACER O SEU FOGAR!!!

CASAS- NIÑO NA CARBALLEIRA COLINDANTE

CLASIFICANDO OBXECTOS REAIS

Sáb, 2022-03-19 15:24 — monicas

ANDIVEMOS A VOLTAS COS NÚMEROS, CLASIFICANDO OS OBXECTOS QUE SE APORTARON DENDE AS CASAS, NOS QUE SE ATOPAN NÚMEROS.

NESTA PRIMERIA TOMA DE CONTACTO, COÑECEN TODOS OU PRACTICAMENTE A MAIORÍA DOS OBXECTOS, ASÍ COMO PARA QUE SERVEN OS NÚMEROS QUE POSÚEN.

O QUE MÁIS LLES CHAMOU A ATENCIÓN FOI O TELÉFONO, XA QUE, FALAMOS DA EVOLUCIÓN QUE TIVO ESTE APARELLO E DOS TIPOS QUE HAI: FIXO, INALÁMBRICO E MÓVIL

RECICLAXE CON ANXO MOURE

Mér, 2022-03-16 01:34 — monicas

NESTE MARTES DÍA 15, VISITOUNOS ANXO MOURE, "O CARBALLO CON BOTAS", TAL COMO EL SE CHAMA.

VEU AO COLEXIO PARA COMPARTIR UNHA XORNADA, NA QUE NOS ENSINOU A RECICLAR PAPEL; A CONVERTIR NOTICIAS NEGATIVAS QUE BUSCAMOS EN XORNAIS, EN CORAZÓNS.

NAS HISTORIAS QUE LLES CONTOU, NAS VERBAS QUE EMPREGOU E COA AXUDA DO SEU AMIGO "PAPELIÑO", ANIMOU ÁS CRIANZAS A REXEITAR AS GUERRAS, A VIOLENCIA, OS INSULTOS, OS GRITOS,... E SER TOLERANTES, SOLIDARIOS, COMPARTIR AMOR, ALIMENTAR DE PAZ OS CORAZÓNS, PARA FACER UN MUNDO MELLOR PARA VIVIR.

E COMO NON, A SESIÓN REMATABA CON BAILE AO COMPÁS DUNHA PANDEIRETA QUE ANXO TOCOU PARA NÓS.

GRAZAS CARBALLO CON BOTAS POR ENSINARNOS A RECICLAR PAPEL E COIDAR O NOSO PLANETA!!!

CREANDO DECENAS

Dom, 2022-03-13 20:42 — monicas

CADA CRIANZA FIXO UN DECENA USANDO DIFERENTES ELEMENTOS (CORCHOS, ROTUS, MADEIRAS, BOLAS,...)

TOMANDO A SERIE NUMÉRICA DE REFERENCIA, IBAMOS CONTANDO DE 10 EN 10, AS DECENAS DE CADA CRIANZA E MARCÁNDOA NO CUADRANTE, PARA QUE FOSE UNHA ACTIVIDADE MANIPULATIVA E TOMARAN CONCIENCIA DA CANTIDADE QUE IMPLICA UNHA DECENA

FIXEMOS UN RECONTO FINAL: XUNTAMOS 14 DECENAS= 140 UNIDADES

- APROVEITAMOS AS DECENAS FEITAS PARA RESOLVER ALGÚNS PROBLEMAS MATEMÁTICOS, PLANTEXADOS NO LIBRO VIAXEIRO, QUE VAI ÁS CASAS DAS CRIANZAS

SEMANA DA PRENSA

Ven, 2022-03-11 01:00 — monicas

TAL COMO RECOLLE O CALENDARIO ESCOLAR, ANDIVEMOS TRABALLANDO CON XORNAIS, NESTA SEMANA DA PRENSA:

- CADA DÍA CHEGABA A AULA UN XORNAL DIFERENTE CO PROPÓSITO DE QUE COÑECESEN DISTINTOS,

- LIMOS AS NOVAS DA PORTADA,

- VIMOS AS DIFERENTES SECCIÓNS QUE CONTIÑA EN CADA CASO,

- DESCUBRIMOS SO UN XORNAL ESCRITO, E O RESTO EN CASTELÁN, ("PORQUE NON VALORAN O GALEGO", DIXO UNHA NENA)

- FALAMOS DALUNHAS NOTICIAS QUE CHAMABAN A SÚA ATENCIÓN E INTERESE (GUERRA DE RUSIA E UCRAÍNA, A SUBIDA DO GASOIL,...),

- COMPARAMOS A PORTADA DOS XORNAIS COA DUN CONTO, INDICANDO AS DIFERENCIAS,

- ANALIZAMOS A ESTRUCTURA DO TEXTO INFOMATIVO E IDENTIFICAMOS AS PARTES DUNHA NOTICIA,

- INVENTAMOS UN TITULAR PARA UNHA NOTICIA (ERA SOBRE AVES PORQUE ESTAMOS TRABALLANDO ESA TEMÁTICA)

- ORDENAMOS UNHA NOTICIA DADA, A PARTIR DE PARTES SOLTAS.

- VISUALIZAMOS E BUSCAMOS NOTICIAS NEGATIVAS PARA FACER UNHA ACTIVIDADE O MARTES 15 CUNHA PERSOA ESPECIAL

8 DE MARZO

Mér, 2022-03-09 00:40 — monicas

DÍA 8 DE MARZO, DÍA DA MULLER; UNHA DATA REPRESENTATIVA QUE SE CONMEMORA CADA ANO DENTRO DAS PROPOSTAS ESCOLARES

POLA NOSA PARTE, DENDE A AULA, DIALOGAMOS SOBRE A TEMÁTICA E ABORDAMOS ALGUNHAS ACTIVIDADES REFERENTES:

- CADA CRIANZA REXISTROU O QUE LLE GUSTARÍA SER DE MAIOR, LOGO FIXEMOS UNHA POSTA EN COMÚN E COMENTAMOS CAL DAS PROFESIÓNS PODERÍAN SER DESEMPEÑADAS POR UN HOME, POR UNHA MULLER OU POR CALQUERA. CHEGARON Á CONCLUSIÓN QUE, EN TODOS OS TRABALLOS PROPOSTOS, PODERÍAN TRABALLAR HOMES E MULLERES, TAN SÓ DUBIDARON EN "MECÁNICO" PORQUE NINGUÉN COÑECÍA NINGUNHA MULLER QUE TRABALLASE DE MECÁNICA, POIS OS SEUS RAZONAMENTOS SE BASEABAN EN QUE COÑECÍAN PERSOAS QUE TRABALLABAN EN PROFESIÓNS QUE COMENTARON.

- COMENTAMOS QUE MULLERES ERAN IMPORTANTES PARA CADA UN E O MOTIVO (A NAI/ A AVOA/ A MADRIÑA/ A IRMÁ PORQUE LLE QUEREN, PORQUE LLES COIDAN, PORQUE LLES DAN AGARIMO, PORQUE TRABALLAN PARA TER CARTOS E COMPRAR COUSAS NECESARIAS,...).

LOGO DECORARON UN BANDERÍN CON LETRAS DE RECHEAR COA DATA CONMEMORATIVA E TAMÉN UN DEBUXO DAS MULLERES IMPORTANTES EN CADA CASO, E/OU CO DEBUXO DO SÍMBOLO FEMININO.

SUMANDO 3

Xov, 2022-03-03 01:00 — monicas

Aproveitando a data do día na que nos atopamos, a usamos para sumar con outra cantidade ao azar, usando un ou dous dados, adaptándose ao nivel maduratico das crianzas. E tendo a recta numérica como referencia, como apoio sobre a que comprobar as hipóteses, ou simplemente para facer a suma correspondente.

(clica sobre as imaxes para ver os videos de exemplos)

ENTROIDANDO

Ven, 2022-02-25 01:00 — monicas

NESTE ANO IMOS MELLORANDO A SITUACIÓN DE PANDEMIA, MÁIS AÍNDA NON PODEMOS FALAR DE NORMALIDADE, POLO QUE FIXEMOS O FESTEXO DO ENTROIDO, IGUAL CA O ANO ANTERIOR; CON DISFRAZ LIBRE E FACENDO UN DESFILE POR AULAS, NO PATIO EXTERIOR, PARA QUE TOD@S PUIDERAN VER OS DIFRACES DOS DEMAIS E TOCÁRONSE UNHAS PEZAS DE MÚSICA (UN GRUPIÑO QUE INTERPRETARON UN PAR DE PEZAS DAS TANXUGUEIRAS E OUTRO QUE CREARON UNHA PEZA SOBRE O ENTROIDO) E ADEMAIS O GRUPO DE GAITEIROS E PANDERETEIRAS DO COLE FORON POLOS CORREDORES AMENIZANDO O DÍA.

FOI UNHA MAÑÁ ATÍPICA, RESPECTO DA ACTIVIDADE QUE O COLEXIO TEN FEITO NESTA DATA, PERO SOLLEIRA, LÚDICA E FESTEIRA, NA QUE INTENTAMOS DARLLE ALEGRÍA E VIDA, PARA DARLLE CABIDA AO ENTROIDO NO COLE, DESPOIS DUNHA SEMANA CON MANDATOS DO MECO.

VIVA O ENTROIDO!!

RECORDANDO A ROSALÍA DE CASTRO

Mér, 2022-02-23 01:00 — monicas

PARA RECORDAR Á NOSA POETA GALEGA MÁIS ILUSTRE, A QUERIDA ROSALÍA DE CASTRO, FIXEMOS ALGUNHAS ACTIVIDADES:

- RECITAR ALGÚNS POEMAS E ESCOITALOS TAMÉN MUSICALIZADOS

- LER ALGUNHA INFORMACIÓN RELEVANTE SOBRE VIDA E OBRA E LOGO ALGÚN XOGO ONLINE

- INTERPRETAR E APRENDER O RETROUSO DO POEMA ROSALIANO "EU BEN VIN ESTAR O MOUCHO", QUE LOGO INTERPRETAMOS PARA TOD@S, NO PROPIO DÍA 23, CANDO CONMEMORAMOS A DATA.

- DECORAR UN ANTEFAZ DE MOUCHO PARA INTERPRETAR O POEMA

- ANALIZAR E CONVERSAR SOBRE O LEMA DESTE ANO "SEMENTANDO PENSAMENTOS", E LOGO RECOLLEMOS AS NOSAS IDEAS NUNHA NUBE, PARA O MURAL CONXUNTO COLOCADO NA ENTRADA, FEITO ENTRE TODO O COLE.

- PLANTAMOS PENSAMENTOS, EN RECORDO DA POETA, POIS ERA UN FLOR QUE LLE GUSTABA MOITO.

- PARTICIPAMOS NA CONMEMORACIÓN NO DÍA 23 DE FEBREIRO, RECORDANDO O ANIVERSARIO DO NACEMENTO DA ESCRITORA: COA VISITA DE ROSALÍA (NA PERSOA DE MARISA), LECTURA DO MANIFESTO, A INTERPRETACIÓN E BAILE DA PEZA "TERRA", DAS TANXUGUEIRAS, MÚSICA CON VARIOS INSTRUMENTOS TOCADOS POR NEN@S E MESTRES DO COLE, A INTERPRETACIÓN DO POEMA DO MOUCHO POR PARTE DO ALUMNADO DE 6º DE INFANTIL

- GRAVACIÓN PARA O PROGRAMA DE RADIO ESPECIAL A ROSALÍA