Os alumnos e alumnas de 2º PMAR convertíronse en profesores/as por un día e explicáronlles aos seus compañeiros de 1º ESO F algúns interesantes fenómenos físicos e químicos. Foi unha experiencia de traballo colaborativo na que todos desfrutaron e aprenderon moito.
Dentro do ciclo Espazos para reflexionar, a Anpa do IES do Milladoiro Anpamilla organiza a charla "Establecendo vínculos", que será impartida pola Dra. Magdalena Seco (Centro de Saúde do Milladoiro), o vindeiro mércores, 7 de febreiro, ás 17:30 no Salón de Actos do Instituto.
Na reunión do pasado 30 de xaneiro, a Comisión de Coordinación Pedagóxica, da que forman parte as persoas responsables das xefaturas dos departamentos didácticos, acordou recomendar ao profesorado non mandar deberes do martes para o mércores.
O 30 de xaneiro entregáronse os premios do II Concurso Literario "A nosa biblioteca", convocado para conmemorar o Día Escolar da Non Violencia e da Paz. Os gañadores foron Mario Mosquera Gómez (2º ESO PMAR ) e Nathalie Valera Vargas (4ºESO A). Parabéns!
O luns 29 empezou a traballar o noso equipo de gravación comandado polos xornalistas de AGARESO (Asociación Galega de Reporteiros Solidarios). Trátase dunha actividade extraescolar gratuíta dirixida ao alumnado voluntario de 2º e 3º de ESO. Terá lugar no noso centro os luns do 29 de xaneiro ao 12 de marzo, de 16:30 a 18:30.
O noso é un centro novo do que nos sentimos orgullosos. Cremos necesario implicar a toda a comunidade educativa na súa conservación e mellora. Por iso, o equipo directivo iniciou a pasada semana unha campaña de sensibilización que se suma á Olimpíada de Convivencia. Cada grupo de alumnos tivo ocasión de reflexionar sobre os estragos que se están a producir no centro e a súa repercusión económica, asistindo ás breves charlas impartidas polo director ou o secretario do IES (os datos aquí recollidos son aproximativos, e teñen só un valor informativo). Incidimos tamén na necesidade de facer un consumo responsable de luz, auga, calefacción, etc.
O Centro de Información á Muller (CIM) do concello de Ames leva a cabo no noso centro o obradoiro O bo tratodesde o luns 23 de xaneiro. Está conformado por catro sesións: dúas impartidas pola formadora especializada en educación emocional, Aixa Permuy, e outras dúas impartidas polas titoras e titores de cada grupo. Dirixido ao alumnado de 1º da ESO dos centros de educación secundaria amesáns, o obradoiro busca ser un espazo de reflexión sobre as maneiras nas que as mozas e mozos viven as súas relacións persoais no día a día.
O alumnado de 2º de ESO A participará o martes 23 de xaneiro no obradoiroDesmontando prexuízos de AGARESO. O xoves 25 participará 2º ESO C e o martes 30 2º ESO D, E. A participación de 2º ESO B vai incluída no EPD_Lab.
AGARESO (Asociación Galega de Reporteiros Solidarios) continúa co seu Laboratorio de Educación para o Desenvolvemento en colaboración co noso centro. Aquí podemos acceder aos traballos de decembro.
O mércores 24 de xaneiro o alumnado de 4º de ESO visitará o parque eólico de Sotaventonunha actividade organizada polo departamento de Bioloxía e Xeoloxía.
Amosamos aquí o documental realizado no curso 2015/2016 por AGARESO (Asociación Galega de Reporteiros Solidarios) en colaboración coa ACPP e o IES do Milladoiro. Recordamos que ata o 5 de febreiro poden apuntarse os alumnos e alumnas de 2º e 3º de ESO interesados en participar no presente curso 2017/2018.
Outros vídeos realizados en cursos pasados: aquí e aquí.
O desenvolvemento do plan proxecta O Laboratorio do ClimaDoiro e a colaboración da Biblioteca do IES do Milladoiro fan posible que, dende o 8 ao 29 de xaneiro, o noso alumnado poida acceder á exposición Expometeoro, realizada por MeteoGalicia.
Dende o curso 2016/2017 no IES do Milladoiro impártese a materia de Paisaxe e sustentabilidade en 1º da ESO. Dende entón, Tania Riveiro, investigadora do Grupo RODA do Departamento de Didácticas Aplicadas da USC, colabora coa profesora encargada da materia, María López (Departamento de Ciencias Naturais). Tania Riveiro explica o resultado das súas investigacións nun artigo que vén de ser publicado na Revista Galega da Educación, editada por Nova Escola Galega.
A Asociación Galega de Reporteiros Solidarios (AGARESO), en colaboración co noso centro e a ACPP Galicia, ofrece ao alumnado de 2º de ESO a posibilidade de participar, de xeito voluntario, nun obradoiro deeducación audiovisual gratuíto que se realizará no centro os luns de 16:30 a 18:30, do 29 de xaneiro ao 12 de marzo. O xoves 11 de xaneiro terá lugar en horario escolar a primeira sesión informativa para solicitar voluntarios.
Convocamos ás familias do alumnado que participará na excursión a Andorra a unha reunión informativa o martes 16 de xaneiro de 2018 ás 18:15 no salón de actos do noso centro.
Nela daremos as últimas recomendacións. Recordamos:
Todas as comidas están incluídas, agás as das viaxes de ida e de volta en autobús. É recomendable, polo menos á ida, levar uns bocadillos da casa.
Documentación. Non é obrigatorio o pasaporte. TODOS OS ALUMNOS (incluídos os que teñan pasaporte) deben levar o seu DNI e o permiso ou autorización para a viaxe que hai que solicitar na Garda Civil. Estas son as últimas indicacións dadas en xaneiro pola Garda Civil ao profesor responsable da excursión, aínda que anteriormente lle dixeran que co pasaporte abondaba. Lamentamos as molestias.
Para solicitar o permiso de autorización para a viaxe, o pai, a nai ou o titor legal do alumno ou alumna debe acudir ao cuartel da Garda Civil co seu DNI, o do alumno en cuestión e o libro de familia. Nos casos de separación ou divorcio deben acudir os dous proxenitores. No impreso non é necesario poñer o nome e o DNI do profesor acompañante, abonda con indicar "Profesor responsable do IES do Milladoiro". É necesario ir obtendo este permiso, sen el non poderán viaxar.
A axencia de viaxes ten contratado un seguro médico. Ademais, Andorra ten asinado un convenio con España en materia de Sanidade, se alguén quere levar tamén esta cobertura debe solicitala na Seguridade Social indicando que se trata dunha viaxe a Andorra. ( impreso E-AND 11)
O profesor da Facultade de Bioloxía da USC Óscar Cordero acudiu ao noso centro o martes 9 de xaneiro para falar co alumnado de bioloxía de 1º e 2º de Bacharelato das investigacións no eido da vacinación contra o cancro. Trátase dunha charla dentro do programa A Ponte da USC, no que o noso centro participa. O obxectivo é facilitar o tránsito entre o bacharelato e os estudos superiores e ofrecerlle ao alumnado a posibilidade de coñecer as últimas investigacións da man dos seus protagonistas.
Un dos grupos do IES do Milladoiro participante no VII Concurso Radiofónico de Teatro Lido vén de gañar o Premio do Público na gala organizada polo Concello de Ames o día 20 de decembro na Casa da Cultura de Bertamiráns. Lois Santiago, Hugo López e Isabella Marín, alumnos e alumna de 4º da ESO, recibiron o premio pola peza Lois e os Loisiños, e correspóndelles un agasallo en metálico ademais da satisfacción de ter o recoñecemento do público.
A Biblioteca do IES do Milladoiro organiza a participación do noso centro na V edición de El día más corto, festival internacional de curtametraxes. Os alumnos de 1º de ESO desfrutarán deste evento o día 21 de decembro a partir das 12: 50.
Co motivo do Día Escolar da Non Violencia e da Paz, que terá lugar o martes 30 de xaneiro de 2018, a Biblioteca do IES do Milladoiro organiza o seu II Concurso literario baixo o título "TEXTOS EN PAZ", dirixido a todo o alumnado de ESO e Bacharelato. Bases neste enlace.
O sábado 16 de decembro, no marco do festival Cinema e crianza, será proxectada ás 11:00 na Casa da cultura de Bertamiráns a película De Milladoiro a Seidón, realizada polo alumnado participante no proxecto CINE EN CURSO (2016/2017). Mónica García, a coordinadora deste proxecto, asistirá á proxección para explicar como se desenvolveu esta iniciativa educativa. A entrada é libre e gratuíta.
A Biblioteca do IES do Milladoiro celebrou o luns 11 de decembro o 70 aniversario da Declaración dos Dereitos Humanos cunha lectura plurilingüe deles e a exposición de Amnistía Internacional Os dereitos humanos e a pintura.
