Mércores 25 de novembro, Día contra a Violencia de Xénero
Enviado por admin o 23 Novembro, 2015 - 18:57
Como xa sabedes dende a MeGaBiblio do IES MGB propoñemos unha serie de actividades para conmemorar o Día contra a Violencia de Xénero, o vindeiro mércores 25 de novembro:
- unha instalación de zapatos vermellos (Ponte nos seus zapatos) polos corredores e escaleiras.
- unha exposición de manifestacións da violencia (Para que non te pisen) Nas paredes dos corredores e os descansos das escaleiras
- unha exposición de materiais sobre a Violencia de Xénero (dentro da biblioteca)
- unha páxina web cunha relación de cancións sobre a temática
- ligazóns sobre o tema (Na aula virtual da MeGaBiblioteca)
Ademais, o mércores 25 ás 12'15, na rotonda, terá lugar unha concentración (1 minuto de silencio) á que acodirán os 3 centros IES da Estrada.
Temos un "boletín de participación" dispoñible no mostrador da biblioteca e que tamén se pode descargar dende aquí.
