|
  
 
O día 10 de maio celebramos a VI edición da Carreira pola Lingua na que participaron todos os centros educativos do concello de Valga. Foi un día moi especial no que ademais da carreira fixémoslle unha homenaxe a Manuel María, o autor ao que se lle adica este ano o Día das Letras Galegas, recitando e cantando algúns dos seus poemas. Contamos tamén cun artista invitado “O Leo i Arremecághona“ que contribuíu a que este día fose ademais de reivindicativo moi divertido.
Agradecemos ao Concello de Valga a súa colaboración e ás empresas Froiz e Feiraco a súa xenerosidade polas bebidas e froitas coas que nos agasallaron e que tanto reconfortaron aos participantes na carreira.
Podedes ver os videos picando nos seguintes enlaces:
Manifesto pola Lingua
Poema adicado á Lingua
Lela
Leo interpretando "O carro"
Himno galego
|
|
|
|
 
No noso Centro e, con motivo da celebración dos Días das Letras Galegas, estase a realizar unha exposición arredor do escritor chairego Manuel María, a quen se lle adica este ano ese día. Esta exposición está centrada na obra e vida do escritor e foi organizada polo departamento de Dinamización Lingüística en colaboración co departamento de Educación Plástica e a profesora Natalia López.
|
|
|
| Vídeo homenaxe a Manuel María polo alumnado de 1º e 2º ESO do IES de Valga. |
|
|
|
O luns, 4 de abril o alumnado de 3º ESO e 4º ESO (de Relixión) visitou Celanova " Terra de poetas". Tras a benvida dada por parte de Paula, a nosa guía, dirixímonos á rúa dos poetas onde visitamos a casa familiar de Curros Enríquez, coñecemos a súa historia e afondamos na vida e obra dos poetas desta vila. A continuación dirixímonos ao mosteiro de San Salvador, un impresionante edificio que esconde na súa traseira a capela mozárabe de San Miguel, datada no século X e única do seu estilo en Galicia. Este edificio foi usado como prisión durante a represión franquista, sendo un dos seus presos máis coñecidos Celso Emilio Ferreiro ; actualmente ten varios usos, entre eles o de centro de ensino secundario . Finalizamos cunha lectura de poesía na acolledora biblioteca deste IES. Esta actividade foi organizada polos departamentos de Relixión e do Equipo de Dinamización Lingüística do noso Centro.
|
|
|
|
  
No segundo recreo do pasado mércores 16 de marzo celebrouse a entrega de premios do concurso “Dillo en galego”, organizado polo Equipo de Dinamización Lingüística. Foron un total de 14 textos relacionados co amor que se puideron dar ata o 28 de febreiro. A entrega dos premios correu a cargo da Xefa de departamento do EDLG, Dulce Serramo, así como da Vicedirectora e Director do noso Centro. O primeiro premio recaeu na alumna de 2º Bacherelato, Julia Viqueira, o segundo premio en Laura Gil de 4º ESO B e o terceiro en Diana Da Rocha de 4º ESO B. Tamén se entregaron dous premios de consolación entre o resto do alumnado participante que, tras efectuarse um sorteo, recaeron en Andrea Soter e María del Mar Sanmarco. Noraboa aos gañadores.
|
|
|
