Brux@s e cómplices

A partir da lectura da novela Palabra de bruxa, de Andrea Barreira (Editorial Galaxia), o alumnado de 3ºESO reflexionou estes días nas clases de Lingua Galega e Literatura sobre aquelas cousas que hai anos poderían ser consideradas delitos nunha muller, aqueles feitos que podían facer que as mulleres fosen xulgadas como bruxas só por non renunciaren a ter unha voz propia. A novela deu pé tamén a reflexionar sobre o feito de que moitos deses prexuízos e actitudes que afectan á muller seguen vivos aínda na nosa sociedade.