Reanudación de prazos administrativos
A partir do vindeiro 11 de maio o centro volve abrir para xestión de procedementos administrativos. En particular, atenderanse trámites de admisión de alumnado, certificados e outros procedementos urxentes que non poidan ser xestionados telematicamente.
Admisión de alumnado
Con respecto a admisión de alumnado, o novo prazo de entrega de solicitudes é dende o 11 ao 18 de maio, ambos incluídos. Lembrásmolle ás familias que este trámite tamén pode ser realizado desde o portal da Consellería de Educación, Universidade e Formación Profesional.
Todo o alumnado que fixo reserva nos centros adscritos está admitido.
- Presentación de solicitudes - Impresos
- Prazos
-Lexislación
- Baremo e letras desempate
Alumnado do noso centro ou de centros adscritos
O alumnado do noso centro que continúa no IES Arcebispo Xelmírez II (non cambia de centro) no vindeiro curso académico 2020-2021, non ten que realizar ningún trámite neste momento, só terá que formalizar a matrícula nos prazos establecidos ao respecto (convocatoria de xullo ou de setembro). Tampouco ten que realizar ningún trámite neste momento o alumnado dos centros adscritos que xa ten feita a reserva de matrícula.
Horario de atención ao público
O horario de atención ao público a partir do vindeiro 11 de maio será de 9:30 h a 13:30 h.
Con obxecto de minimizar riscos e por seguridade para todos a verxa do centro permanecerá pechada. Chamen ao timbre e serán atendidos de forma individual. De acordo coas directrices do Ministerio de Sanidad, Consumo y Bienestar Social, é recomendable o uso de máscaras de protección durante o tempo que permanezan no interior do centro.