O curso escolar 2023/24 comezará o vindeiro 11 de setembro en horario habitual. Todo o alumnado, desde 1º a 4º ESO, debe presentarse no centro en horario de 08:35 a 14:15 horas.

Haberá servizo de transporte coas paradas habituais. Poden comprobar a parada asignada na lapela transporte da aplicación abalar.

O alumnado poderá traer merenda e material como unha libreta e algún bolígrafo para tomar notas.

Os libros e os vales entregaranse ao longo da semana próxima e serán informados por abalar para pasar a recollelos.

O luns 24 de xullo o centro permanecerá pechado. Abrirá o mércores de novo con horario de atención ao público de 9:30 a 13:30.

O pasado mércores 21 de xuño, último día do curso, apareceron en varios puntos do noso centro pintadas lgbtifóbicas contra un profesor do noso claustro, impulsor este ano da creación do Equipo de Apoio LGBTIQ.

Desde o IES A Cachada condenamos enérxicamente toda forma de violencia contra o colectivo LGBTIQ. Non imos tolerar nin a máis mínima manifestación de odio contra ningún membro da nosa comunidade educativa e, no caso de se volver a producir, a sanción será contundente e exemplarizante.

A partir de setembro no IES A Cachada continuaremos a traballar, como xa temos feito nestes anos, na construción dunha sociedade máis tolerante e sensibilizada con todas as formas de diversidade. A Cachada debe ser e será un lugar seguro para as persoas LGBTIQ.