Skip to Content

Acceso a redes sociais

       

STEM na Cachada

No noso instituto hai xa varios anos que se traballa baixo a filosofía de proxectos integradores de ciencia e tecnoloxía, incluíndo neles a lingua galega, o que para nós é fundamental na normalización da mesma. Se algo temos claro é que a participación neste tipo de proxectos involucra ós estudantes enormemente, xa que os motiva ó propoñerlles problemas auténticos, traballo de equipo, e construción de solucións reais e tanxibles.

Temos dous proxectos fundamentais nesa liña de traballo, dos que podedes atopar información nas respectivas pestanas da nosa web:

  • O proxecto STARgal, que nace no curso 2016, é unha mostra de videoxogos e traballos audiovisuais nos que se tratan temáticas de corte cultural desde unha óptica científica e tecnolóxica: videoxogos programados con Scratch, robots que desenvolven retos baseados e obras da nosa literatura, estruturas a escala humana nas que se experimentan sensacións de realidade virtual...
  • O Club de Ciencia formouse o curso pasado e con el deseñamos e creamos un módulo de bioconstrución para demostrar que as condicións de habitabilidade dunha vivenda elaborada con adobe e madeira eran mellores que as dunha vivenda de formigón. No curso actual continuamos cos traballos de investigación, desenvolvendo subproxectos de meteoroloxía, construción, investigación de radón, sensorización con Arduino...

Do que se trata é de provocar procesos de investigación científica para a aprendizaxe conxunta de novos conceptos de Matemáticas, Ciencias e Tecnoloxía dentro dun proceso práctico de deseño e resolución de problemas, tal e como se fai en Enxeñería no mundo real. E sempre en lingua galega, a gran mal parada nos deseños curriculares actuais, como se o futuro houbese de escribirse necesariamente en inglés e español.

 

ALUMNADO DA SECCIÓN BILINGÜE DE 1ºESO

NOVIDADE!!!

CONSULTA AQUÍ A LISTAXE DE ALUMNADO ADMITIDO NA SECCIÓN BILINGÜE DE 1º ESO DE EDUCACIÓN PLÁSTICA, VISUAL E AUDIOVISUAL EN FRANCÉS

Nova app do insti

O alumnado de Tecnoloxía de 4ºESO (concretamente Fernando Miranda e Álex Castro) deseñou esta app que podedes descargar de Drive para ter no móbil toda a información da Cachada: vídeos, fotos, artigos da revista, información lexislativa, concursos...

Quencendo motores para STARgal

O proxecto que hibrida novas tecnoloxías e uso do galego xa está tomando forma, podedes botar un ollo ó noso blog e descubrir os "Cachafedelleir@s" (vídeos que nos axudan a facer desde unha caña de pescar a un barquiño autopropulsado), os Booktrailers (na sección "Máis ca palabras"), ou os novos programas de RadioCACH, do que vos achegamos un podcast sobre Internet of Things que crearon Ainhoa, Laura, Gabriela e Gisela de 3ºA.

Apostando polo futuro!

Vídeo STARcach

Vídeo resumo do proxecto STARcach, unha combinación do traballo de varios Departamentos (Galego, Tecno, Mates, FQ, Inglés) e rapaces no eido do audiovisual e a robótica. Todo un curso aprendendo, creando e disfrutando, un pracer!

Extra, extra, última hora!

Aí vos van as novas máis frescas da Cachada!

 

Distribuir contido


by Dr. Radut