Prezadas familias, 

Os vindeiros 13 e 14 de outubro terán lugar as habituais reunións de comezo de curso co profesorado titor das vosas fillas e fillos. Por motivos de espazo -e dentro das medidas sanitarias do protocolo COVID- só poderá acudir un(ha) responsable por alumna/o, a excepción daquelas familias onde as/os responsables non compartan domicilio.

Pregámoslles que no centro observen coidadosamente as medidas sanitarias vixentes (uso de mascarilla obrigatoria, distancias de seguridade, limpeza de mans, etc.) e SE DIRIXAN DIRECTAMENTE Á AULA DE REFERENCIA das súas fillas e fillos.

• 1º ESO (entrada principal, porta da dereita - frechas amarelas) - mércores 13 de outubro ás 19h.
• 2º ESO (entrada principal, porta da esquerda - frechas violetas) - mércores 13 de outubro ás 19h.
• 3º ESO  (entrada lateral dereita -cafetería- frechas rosas) - xoves 14 de outubro ás 19h.
• 4º ESO  (entrada traseira esquerda- frechas verdes) - xoves 14 de outubro ás 19h.

Prezadas familias e alumnado, 

Mañá mércores 8 de setembro vémonos na obriga de pechar o centro de 10h a 12h para a realización dun claustro do profesorado no hall de entrada, ao tratarse do único espazo axeitado para acoller un número tan elevado de persoas e poder atender as medidas COVID.

Se precisan realizar algún trámite mañá, deberán acudir ao centro antes das 10h ou despois das 12h. O servizo telefónico de conserxería estará dispoñible no horario habitual.

Sentimos as molestias que esta medida lles poida ocasionar.

Un saúdo, 
O equipo directivo