Skip to Content

Acceso a redes sociais

       

blogue demoreiras

Obras de remate da Casiña dos Maios

O Equipo Bioconstrutor estivo traballando con Guido ó longo dos meses de xaneiro e febreiro para rematar as obras da Casiña dos Maios: revestimento interior de paredes e instalación de zócalo, remate do teito, illamento da carpintería metálica...

Aquí tedes as fotos do proceso:

 

Remate A Casiña dos maios

Erasmus STEM: primeira mobilidade - Italia

Do domingo 10 ó mércores 13 de febreiro desprazámonos a Módena para visitar o IC3 Istituto Comprensivo de Módena, centro formado por escolas de infantil, primaria e secundaria que é pioneiro na implantación de metodoloxías STEM. É un instituto excepcional no panorama italiano, se atendemos ó último informe da OECD: só o 18% dos italianos (fronte ao 37% dos outros países) se gradúa na universidade, e faino en disciplinas pouco ligadas ó ámbito STEM.

Memorias Cruzadas 1ªparte

A semana pasada tivemos a visita do alumnado do Instituto Alain-Jacques, primeira parte do intercambio que anualmente existe co noso centro.

Organizáronse actividades como visita á Illa de San Simón, centro de interpretación Campo Lameiro, museo Castelao, xogo de pistas nocturnas en Santiago de Compostela, charlas de Memoria Histórica...

Proximamente, teredes no Flickr todas as fotos. Pero para ir abrindo boca...

 

Bota a andar a 2ª andaina do CdC: Casiña dos Maios 2

 

Este é o segundo curso de traballo no noso Club de Ciencia, no que como sabedes estamos facendo unha investigación sobre a Bioconstrución. Trátase dun proxecto STEM no que resulta fundamental un tratamento desde a óptica do Método Científico, o que implica seguir os pasos:

O noso centro no proxecto Erasmus STEM

No noso instituto hai xa varios anos que se traballa baixo a filosofía de proxectos integradores de ciencia e tecnoloxía, incluíndo neles a lingua galega, o que para nós é fundamental na normalización da mesma. Se algo temos claro é que a participación neste tipo de proxectos involucra ós estudantes enormemente, xa que os motiva ó propoñerlles problemas auténticos, traballo de equipo, e construción de solucións reais e tanxibles.

Temos dous proxectos fundamentais nesa liña de traballo, dos que podedes atopar información nas respectivas pestanas da nosa web:

  • O proxecto STARgal, que nace no curso 2016, é unha mostra de videoxogos e traballos audiovisuais nos que se tratan temáticas de corte cultural desde unha óptica científica e tecnolóxica: videoxogos programados con Scratch, robots que desenvolven retos baseados e obras da nosa literatura, estruturas a escala humana nas que se experimentan sensacións de realidade virtual...
  • O Club de Ciencia formouse o curso pasado e con el deseñamos e creamos un módulo de bioconstrución para demostrar que as condicións de habitabilidade dunha vivenda elaborada con adobe e madeira eran mellores que as dunha vivenda de formigón. No curso actual continuamos cos traballos de investigación, desenvolvendo subproxectos de meteoroloxía, construción, investigación de radón, sensorización con Arduino...

Do que se trata é de provocar procesos de investigación científica para a aprendizaxe conxunta de novos conceptos de Matemáticas, Ciencias e Tecnoloxía dentro dun proceso práctico de deseño e resolución de problemas, tal e como se fai en Enxeñería no mundo real. E sempre en lingua galega, a gran mal parada nos deseños curriculares actuais, como se o futuro houbese de escribirse necesariamente en inglés e español.

 

Camiño Real: unha andaina de 1º ESO

O alumnado de 1º da ESO percorreu hoxe o Camiño Real de Boiro, estudando as características técnicas que deben describir un roteiro, e describíndoo culturalmente.

Ollade este vídeo onde se ve o roteiro!

Relive 'Caminata por la tarde'

Distribuir contido


by Dr. Radut