Skip to Content

Acceso a redes sociais

       

blogue demoreiras

Club de Ciencia, CodEquipo

Hoxe o benxamín do CodEquipo, Xavi Polo Oliveira, tróuxonos un LEGO radiocontrolado que construiu imitando un escorpión. Non é materia estrita do CdC... pero inspirou moito ó seu equipo!

 

O CodEquipo xa está programando de cara á estación metereolóxica con Arduino

Boas!

O noso Codequipo está traballando nunha fase embrionaria de código para finalmente saber como montar unha estación meterolóxica con Arduino. Esa estación proverá dixitalmente datos de temperatura e humidade, datos que analizaremos a final de curso para comparar cos dunha vivenda construída por técnicas convencionais.

Polo de agora, co Arduino de horizonte, o Codequipo está fuchicando cos Mbot, coñecendo o funcionamento dos seus sensores e programándoos para que execute accións como reaccionar fronte a estímulos de luz ou son.

 

Aí ven o Entroido!

Mañá venres 1 de marzo celebramos o Entroido no Pavillón da Cachada baixo a temática "TV e cine". Estades todos e todas convidadas!

Publicaremos un minuto da actuación de cada grupo no noso Instagram, seguídenos!

Obras de remate da Casiña dos Maios

O Equipo Bioconstrutor estivo traballando con Guido ó longo dos meses de xaneiro e febreiro para rematar as obras da Casiña dos Maios: revestimento interior de paredes e instalación de zócalo, remate do teito, illamento da carpintería metálica...

Aquí tedes as fotos do proceso:

 

Remate A Casiña dos maios

Erasmus STEM: primeira mobilidade - Italia

Do domingo 10 ó mércores 13 de febreiro desprazámonos a Módena para visitar o IC3 Istituto Comprensivo de Módena, centro formado por escolas de infantil, primaria e secundaria que é pioneiro na implantación de metodoloxías STEM. É un instituto excepcional no panorama italiano, se atendemos ó último informe da OECD: só o 18% dos italianos (fronte ao 37% dos outros países) se gradúa na universidade, e faino en disciplinas pouco ligadas ó ámbito STEM.

Memorias Cruzadas 1ªparte

A semana pasada tivemos a visita do alumnado do Instituto Alain-Jacques, primeira parte do intercambio que anualmente existe co noso centro.

Organizáronse actividades como visita á Illa de San Simón, centro de interpretación Campo Lameiro, museo Castelao, xogo de pistas nocturnas en Santiago de Compostela, charlas de Memoria Histórica...

Proximamente, teredes no Flickr todas as fotos. Pero para ir abrindo boca...

 

Distribuir contido


by Dr. Radut