Skip to Content

5º Curso

Arte románica e gótica

O alumnado de 5º de Ed. Primaria traballou sobre a arte románica e gótica, levando a cabo as seguintes actividades:

  • Para o estudo das características da arte gótica e romana realizouse  unha pescuda, empregando diversas e variadas fontes de información. O produto final foi a realización dun mural cas imaxes mais representativas.
  • Unha arquitecta realizou un relatorio na aula para explicarlles estas manifestacións artísticas. Con esta actividade desfrutaron   moitísimo.
  • Posteriormente, para diferenzar os distintos elementos góticos e románicos, os alumnos memorizaron, debuxaron e ilustraron distintas portadas, que posteriormente identificaron.
  • Finalmente, para asimilar estas diferenzas, cada neno realizou un traballo escrito, e, a súa vez o estudo, debuxo e ilustración dunha planta románica e gótica.

 

 

Homenaxe a Carlos Casares

O alumnado de sexto curso participou no homenaxe a Carlos Casares, que organizou a Concellería de Cultura do Concello de Ourense, o 15 de maio na Praza de San Martiño.

Durante o acto, o alumnado dos centros presentes deu lectura a diversos contos do autor. Como actividade central participamos nunha versión didáctica do conto da "Galiña azul" que encandilou ao público presente.

Como remate do acto, entonamos o Himno galego coa axuda de membros da Escola de música do Concello. 

Día do libro 2017

Galería de imaxes

Este ano, como o Día do libro foi domingo, na nosa biblioteca, celebrámolo o venres 28 de abril co obxectivo principal de fomentar a lectura, e outros obxectivos, non menos importantes, como o fomento do esforzo, da colaboración, da axuda, da amizade... a través de diversas actividades de animación á lectura. No seguinte programa tedes acceso a parte das actividades realizadas:


Galería de imaxes


 


Ao remate da celebración o alumnado foi agasallado cos marcapáxinas que, coma en anos anteriores, a Consellería de Cultura, Educación e Ordenación Universitaria edita, co gallo do Día Mundial do Libro, cun texto orixinal dun autor ou autora galega. Nesta ocasión é Rosalía Fernández Rial a poeta que agasalla co seu texto sobre o libro e a lectura ás Bibliotecas Escolares de Galicia.

Rosalía lévanos co libro ao mundo da palabra, da música, da maxia, do imprescindible aire para respirar. 

 

Almorzos con beizos brancos

O venres 17 de marzo, o alumnado de Primaria e 6º de Ed. Infantil participou na actividade “Almorzo con beizos brancos” que organizou a Asociación Galega de Cooperativas Agrarias (Agaca) en colaboración coa Obra Social 'la Caixa' . 

O obxectivo principal foi o de tratar de inculcar aos nenos e nenas hábitos saudables e mostrarlles que se pode comer rico e san. 

Primeiro, descubrimos o que son as cooperativas agroalimentarias galegas (AGACA) e do sobre o seu compromiso coa seguridade dos alimentos en todos os seus procesos de produción, desde o campo ata a mesa. Logo, unha especialista en nutrición informounos  do importante que é seguir unha dieta saudable xunto coa realización de exercicio físico. Asemade, falounos da importancia da leite e do seu proceso de transformación desde que é ordeñada ata que chega á noso mesa. Realizamos un xogo didáctico, con pegatinas e brick reciclados, para ver “ De onde ven a leite”.

Pero non se trataba só dun obradoiro teórico, senón que, o alumnado e profesorado, tiveron a oportunidade de disfrutar dun almorzo rico e saudable:Un vaso de leite enteira con cacao natural e mel como edulcorante; unha torrada de pan con aceite de oliva e unha peza de froita. 

Hai que repetilo!!

 

Día da Poesía 2017

O día 21 de marzo celebramos o Día da Poesía, no noso cole, cun poemario, onde as linguas e a chegada da primavera tiveron un gran protagonismo.

Nas seguintes ligazóns están dispoñibles os vídeos das diferentes actuacións:

Se premedes na seguinte imaxe accederedes á gañlería de imaxes.

Visita á pista de xeo

O alumnado de 5º e 6º de Ed. Primaria disfrutou dunha xornada de patinaxe na pista de xeo do centro comercial Ponte Vella de Ourense.

Cos nosos amigos os pingüins, fomos quen de manternos de pé sobre a pista, aínda que en máis dunha ocasión comprobamos a temperatura negativa á que se atopaba a auga sobre a que camiñabamos.

Na seguinte galería podedes ver o ben que o pasamos:

 

Obradoiro de xogos populares

Un ano maís a Fundación Xaquín Lorenzo, da man de Lito, un dos mellores coñecedores dos xogos populares de Ourense, realiza no noso centro dúas sesións de xogos.

Na primeira sesión participamos nunha sesión de xogos de mesa para días de choiva que se poden realizar dentro da aula sen ningún tipo de problema. Os xogos foron os seguintes:

  • O muiño: Este xogo pertence á familia dos alquerques e aparece recollido no ‘Libro del axedrez, tabas y dados’ de Afonso X O Sabio.
    É para dous xogadores e cada un deles comeza o xogo con nove fichas de man que ben poden ser garavanzos, fabas, pedras ou paus.
    A partida ten dúas partes diferenciadas, na primeira cada xogador sitúa alternativamente as súas fichas nos puntos libres do taboleiro, coidando formar liñas de tres e máis evitando que o faga o contrario. Cada vez que un xogador faga cun movemento un ‘tres en liña’ consigue retirar unha das fichas do contrincante eliminándoa da partida.
    As fichas móvense de maneira adxacente e buscando facer tres en liña e evitando o que o faga o contrario. Gaña a partida o primeiro que reduce ó contrario a dúas pezas, ou ben quen inmobilice tódalas fichas do outro.

  • O moco: Colócanse as fichas no taboleiro e vanse collendo por columnas según o criterio de cada quen. o último xogador en coller ficha perde.

  • Os marcianitos: Debuxanse as naves nun lado do folio e polo lado contrario vanse facendo marcar no mesmo tratando de tocar as naves para destruílas.

Festival de Nadal 2016

O 20 de decembro celebramos o Festival de Nadal no Salón de actos do IES As Lagoas a cuxo equipo directivo e persoal laboral queremos agradecer as atencións que desinteresadamente tiveron connosco.

Tamén é de agradecer a gran afluencia de público que tiveron os nosos alumnos e alumnas así como o seu comportamento ao longo de toda a función. Esperamos que nos perdoaran os posibles erros cometidos no desenvolvemento da mesma.

Nas seguintes ligazón tendes acceso ás diferentes actuacións.

  1. Panxoliña: "O moneco de neve". Ed. Infantil.
  2. Poemas 5º Curso.
  3. Varias panxoliñas e cancións: 3º EP.
  4. Obra de teatro: "Comerei dous". 4º EP.
  5. "Mi burrito Sabanero": 1º e 2º de EP.
  6. "O baile da carrasquiña": 1º e 2º de EP.
  7. Obra teatro: "El milagro del amor". Alumnado de 4º e 6º de EP.
  8. Panxoliña final. 6º, 4º e 3º de EP.

 

Ver a galería de imaxes do Festival de Nadal

Sesión de xogos realizada polo alumnado do CIFP Portovello

Alumnado do CIFP Portovello, coa coordinación do seu titor Roberto Fdez Cartón, desenvolveu no noso colexio unha sesión de xogos baixo a temática dunha "feira" formada por 5 casetas, cada unha delas cun xogo diferente, polas que foron rotando todos os nenos e nenas de Ed. Primaria do centro. Asemade, o alumnado de Ed. Infantil tamén participou nunha sesión, especialmente deseñada para eles, no patio de xogos do cole.

Os xogos realizados foron os seguintes: tres en raia (dragón); paracaídas (tiovivo); rá e as pontes (tirachinas), e o globo irrompible (rompebolas). No programa da sesión pódese ver en que consistía cada xogo. Todos eles foron do agrado do alumnado, non hai máis que ver as súas caras na galería de imaxes.

Felicitamos ao alumnado do CIFP Portovello e ao seu profesorado por esta actividade e animámolos a repetila nun futuro que esperamos sexa próximo.

Moitos parabéns polo traballo realizado!!

GALERÍA DE IMAXES

Ponlle as pilas ao teu bocata

O alumnado de 2º, 3º, 4º, 5º e 6º curso de Ed. Primaria participou o xoves 22 de setembro nun obradoiro de cociña nas instalacións da Concellería de Sanidade do barrio das Lagoas, dentro do programa "Ponlle as pilas ao teu bocata" cofinanciado polo Fondo europeo de pesca e ANFACO-CECOPESCA.

Os chef de cociña Aitor Tilla e Ana Tillas, dun xeito ameno e lúdico, ensináronnos unha pila de beneficios que teñen os produtos do mar, xa que un bocata de conservas do mar leva toda a enerxía que necesitamos para alcanzar todas as nosas metas. As conservas do mar son ricas en proteinas moi importantes para crecer e levan vitamina B12 que é fundamental.

Fixéronnos unha chea de agasallos: dúas camisetas, unha gorra e un libriño de receitas de bocatas para que poñamos en práctica nas nosas casas o aprendido.

Como remate da actividade, fixemos unha degustación de bocatas elaborados con diferentes produtos do mar: bonito, mexilóns, xardiñas e chocos.

...pasámolo xenial

Galería de imaxes

Distribuir contido


by Dr. Radut