Skip to Content

5º Curso

Entrega de premios do primeiro trimestre

Para rematar as actividades do primeiro trimestre do curso, realizamos a entrega dos seguintes premios:

  • Entrega de diploma aos mellores lectores deste trimestre.

  • Entrega de premios aos traballos manuais realizados para a exposición de froitos de outono.

  • Entrega de medallas a todas as persoas que participaron na proba de campo a través celebrada en Monterrei no mes de decembro.

  • Por último, despedimos á nosa compañeira Naiara que se traslada a outro centro educativo deixando unha profunda pegada no nosos corazóns, e á cal lle desexamos que lle vaia todo moi ben no seu novo destino.

Chocolatada de Nadal 2022

O último día de clase, para despedir o trimestre e o ano 2022, a AFA Limiar do noso cole convidou a todos os membros da comunidade educativa á degustación de chocolate con churros no comedor.

Non hai máis que ver a galería de imaxes para ver o ben que o pasaron os nosos alumnos e alumnas desta actividade.

Obradoiros de Nadal da AFA

O 22 de decembro, tres membros da AFA Limiar desprazáronse ao noso centro para realizar diferentes actividades relacionadas coas ciencias da natureza nas que o sol e as estrelas xogaron un papel central.

Lucía (nai de Xan de 4º de Ed. Infantil), Rubén (pai de Úrsula de 4º de Ed. Infantil) e David (pai de Zoe de 1º de Ed. Primaria e Maia de 3º de Ed. Primaria) realizaron tres obradoiros (1º obradoiro co alumnado de 1º, 2º e 3º de Ed. Primaria; 2º obradoiro co alumnado de Ed. Infantil e un 3º obradoiro co alumnado de 4º, 5º e 6º de Ed. Primaria) no que  sol e as estrelas foros os eixos das diversas historias que lles permitiron descubrir diferentes elementos do noso universo.

A actividade foi xenial... xa estamos agardando a que regresen outra vez a contarnos máis cousas extraordinarias do universo. 

Formigas4S

O alumnado de quinto descubre que os FORMIG4S investigan cal é a causa de que a obra de Rosalia este desaparecendo, para esclarecer este estraño suceso viaxarán no tempo ata o século XIX por Compostela e a súa contorna. Alí vivirán unha trepidante aventura para salvagardar o legado e a propia vida de Rosalía de Castro.

Ao rematar o libro decátanse de que todo era ficción. Rosalia de Castro nunca desaparecerá, esta máis de moda ca nunca... se o queres comprobar só tes que pinchar nas seguintes ligazóns:

  • MALAXENTE (Versión do poema de Rosalía de Castro coa música de Rosalía)

Proba de Campo a Través

O xoves 15 de decembro participamos, un ano máis, na proba previa de Campo a través que tivo lugar nas instalacións de Monterrei e que foron organizadas pola Secretaría Xeral para o Deporte de Ourense contando coa colaboración do alumnado e profesorado do Tafad de Ourense.

A xornada ameazou con choiva, pero a verdade é que tivemos un tempo espectacular para o desenvolvemento das probas, xa que a humidade ambiental permitiu que a temperatura fora idónea para o desenvolvemento das diferentes carreiras.

Despois de dous cursos sen celebrarse esta proba, eran moitas as ganas que as nosas corredoras e corredores tiñan de demostrar o seu nivel de forma física, e así o fixeron, acadando unha satisfacción moi especial cos resultados obtidos.

Xa estamos esperando a celebración da proba da final comarcal que se celebrará en xaneiro e na que voltaremos a estar presentes.


RESULTADOS


 

Xogando ao atletismo

O 24 de novembro, o alumnado de 4º e 5º de Educación Primaria do CEIP Plurilingüe Manuel Sueiro participou nas xornadas de Xogando ao Atletismo xunto cos centros de : A Ponte, Curros Enríquez, Divino Maestro, Guillelme Brown, Inmaculada, Luis Vives, O Couto, San Pío X, Santo Ángel, Seixalbo, Virxe de Covadonga e Vistahermosa.

Ao longo da mañán, realizamos diversas actividades como a carreira de 10x10 metros; lanzamento de brotex; salto cos pes xuntos dende parado; lanzamento de balón medicinal cara atrás por enriba da cabeza e salto lateral dun obstáculo baixo.

Para rematar, realizamos carreiras de relevos con e sen obstáculos.

A actividade estivo xenial!!!! xa estamos desexando que nos volvan a invitar. 


RESULTADOS DAS PROBAS


Visita á fábrica de Aceites Abril

O 25 de novembro, o alumnado de 5º e 6º de Educación Primaria visitou a empresa ourensá Aceites Abril, situada no Polígono Industrial San Ciprián de Viñas, Calle 6, nº 18, en Ourense.

O obxectivo da visita era coñecer o proceso de elaboración e distribución do aceite destacando a importancia da sostenibilidade e reciclaxe da empresa Aceites Abril.

A nosa visita pola fábrica foi moi interesante, xa que nos amosaron diversas máquinas nas que puidemos observar os procesos de envasado, embotellado, etiquetado, almacenaxe e distribución.

Antes de percorrer a fábrica, ensináronos a sección de calidade no que deixamos as nosas pertenzas e nos puxemos a batas e gorros. Nesta visita non hai fotografías, soamente esta de grupo que amosamos na páxina web xa que por motivos de seguridade non está permitido facer fotografías dentro das instalacións.

A visita foi guiada por Javier Martínez, responsable de exportación e por Marta Pérez, responsable de RRHH.

Dende o CEIP Plurilingüe Manuel Sueiro agradecemos a visita así como o magnífico trato recibido, cando nos inviten voltaremos porque quedaron moitas preguntas sen facer.

Experimentando con vasos leñosos

 

Plan director

O xoves 6 de outubro, visitou o noso centro un axente do Corpo Nacional de Policía para traballar co alumnado de 5º e 6º de Educación Primaria sobre a temática recollida no “Plan Director”.

A exposición estivo centrada en dous temas, como son as redes sociais e o acoso escolar. Temáticas de plena actualidade na nosa sociedade e que ao noso alumnado interesoules moito, póndose de manifesto na gran cantidade de preguntas que realizaron sobre o uso dos teléfonos móbiles, vídeo xogos e plataformas de redes sociais.

Agardamos repetir a actividade co alumnado no curso que ven, debido ao interese mostrado, tanto polos docentes como polo alumnado.

Formación inicial alumnado de meteoescolas

O luns 3 de outubro comezamos o rexistro de datos meteorolóxicos da nosa estación sita no patio do CEIP Plurilingüe Manuel Sueiro. Antes de comezar o rexistro de datos realizamos unha formación inicial aos meteorólogos e meteorólogas. A formación inicial corre a cargo do coordinador do programa Meteoescola.

A formación consta de dúas partes.
1º) Datos de temperatura e rexistro dos mesmos. 

Dentro da estación meteorolóxica atópase o termómetro. Para o seu correcto uso e imporante ter en conta os seguintes aspectos.

  • Para a recollida axeitada dos datos de temperatura o termómetro non se pode coller coa man xa que a temperatura sube xa que lle estamos a dar calor coas nosas mans.
  • Anotar a temperatura máxima, actual e mínima.
  • Comprobar que temos os datos anotados no libro de rexistro.
  • Pulsar clear.

2º) Datos de chuvia e rexistro dos mesmos. 

Na parte posterior da estación meteorolóxica atópase o pluviómetro. Para o seu correcto uso e imporante ter en conta os seguintes aspectos.

  • Para a recollida axeitada dos datos de chuvia e preciso retirar dos soportes a tapa do pluviómetro.
  • Coller a probeta que se atopa no interior.
  • Comprobar que non hai auga no recipiente metálico. No caso de que haxa auga facer a medición da auga da probeta. Baleirar e engadir auga na probeta. Sumar as dúas cantidades.
  • Anotar a choiva no libro de rexistro.
  • Colocar o probeta no pluviómetro.  
  • Pechar poñendo a tapa do pluviómetro nos soportes.

3º) Realizas a fotografía.  

Na parte dianteira da estación meteorolóxica realizaremos a fotografía do noso traballo. Na fotografía debe saír a estación meteorolóxica e o ceo para poder observar o tempo do día

Distribuir contido


by Dr. Radut