Contido popular
Título | Resumo | ||||
---|---|---|---|---|---|
Día da meteoroloxía |
O 23 de marzo celebramos no cole O Día Meteorolóxico Mundial. Esta data conmemora a entrada vigor, el 23 de marzo de 1950, do Convenio da Organización Meteorolóxica Mundial (OMM). Cada ano, os máis de 180 Estados Membros que a integran, celebran este día, centrándose nun tema de interese para a humanidade. Por medio destas actividades intentamos sensibilizar á comunidade educativa para conseguir alcanzar algúns obxectivos fixados pola OMM, de tal modo, que percibamos mellor a importancia que revisten as achegas da meteoroloxía e da hidroloxía ás diversas actividades de todos os países da terra. Hoxe foi un día de festa para o alumnado que está a traballar no proxecto de Meteoescolas. Estre todos elaboramos un gran doce na aula de sexto. Unha vez rematado o doce, en forma de moneco de neve, demos boa conta del sen deixar ningunha sobra. No tempo dedicado á Hora de ler, ao longo deste mes, continuamos recollendo e analizando información referente a meteoroloxía que aparece diariamente nos xornais que chegan á biblioteca do centro. Hai que repetir máis a miúdo este tipo de actividades lúdicas. No seguinte índice podedes ver outras actividades que realizamos ao longo do mes: |
||||
The Blue Fairy |
THE BLUE FAIRY Despois da súa visita no día das bibliotecas, na que a Blue Fairy presentounos aos seus amigos. Os máis peques do cole aprenderon xunto a ela a importancia da calma e do bo pensar. Ademais, coñecemos a todos os seus amigos: cat, dog, rabbit, deer, bear and hedgehog. Se te fixas ben, todos eles teñen algo blue... Serás quen de atopalo? Subidos ao seu elephant disfrutamos dunha viaxe apaisoante polo mundo das emocións. E a tarxeta leva agochada unha sweet surprise. NAMASTÉ BLUE FAIRY! |
||||
Imaxina outra realidade |
O 18 de abril de 2018, estiveron con nós as CHARLAS TECNOLÓXICAS ICCKIDS 2018 "IMAXINA OUTRA REALIDADE" programa da Deputación de Ourense na que amosaron ao alumnado de 3º, 4º, 5º e 6º as vantaxes da tecnoloxía e a importancia da robótica e a realidade virtual. Despois da explicación tocou gozar da experiencias das gafas de realidade virtual. Xa estamos agardando a que volvan con máis xogos e actividades. |
||||
O eco das amazonas |
O 17 de abril visitamos a exposición “O eco das amazonas”, do artista plástico ourensán Baldomero Moreiras, na sala Ángel Valente. Como se de 35 planetas se tratase, Baldomero Moreiras, recupera do esquecemento a 35 mulleres pola súa contribución aos mundos da cultura, ás ciencias, á política... Hai traballos sobre mulleres de moitas nacionalidades e séculos entre as que abondan mulleres galegas coma: Isabel Barreto, pontevedresa e 1ª almirante da historia en mares do pacífico; Mª Aurea Rodriguez tocaba a gaita no grupo As marabillas de Cartelle cos seus irmáns para saír da pobreza… O alumnado e profesorado seguimos as explicacións que o artista nos ofreceu durante o percorrido que fixemos pola sala de exposicións, cunha parada especial na bola dedicada á muller que salvagardou o cadro de “As Meninas” de Velázquez (entre outros) do Museo do Prado, durante a Guerra Civil española, Mª Teresa León Goyre, trasladándoos ata Valencia. VISITA ALUMNADO DE 1º E 2º ED. PRIMARIA VISITA DO ALUMNADO DE 3º ED. PRIMARIA |
||||
Exposición calacús 2018 | |||||
O meco manda 2016 | |||||
Homenaxe a Pura Vázquez |
O 22 de maio participamos na homenaxe a escritora ourensán Pura Vázquez que se celebrou na Ínsua dos poetas de Madarnás en Carballiño. Luís Tosar foi o encargado de presentar ás autoridades alí presentes, entre as que destacaban o Secretario Xeral de Política lingüística, o Presidente da Deputación, o Alcalde do Carballiño, a Xefa Territorial da Consellería de Educación... entre outros. Da presentación das actividades do alumnado encargáronse dúas alumnas do noso centro. O acto deu comezo coa presentación das autoridades, na que todos eles fixeron mención á vida e obra da mestra Pura Vázquez. O noso centro foi o encargado da presentación do acto. Durante as semanas previas á homenaxe, pescudamos información en internet e nos fondos da nosa biblioteca para elaborar un pequeno resumo sobre a súa vida e obra. Dito resumo foi co que explicamos aos presentes no acto a súa vida e obra. O alumnado participante, dos sete colexios da provincia de Ourense alí presentes, realizaron as seguintes actividades:
|
||||
Carlos Ruvalcaba e Belén Aramis Ceja no Sueiro |
O 2 de outubro contamos coa presenza, na biblioteca do noso centro, dos poetas mexicanos Carlos Ruvalcaba e Belén Aramis Ceja, chegados desde o estado de Miochacan para participar no "VI encontro internacional de poesía" que tan ben organiza o Círculo de poesía Ourensán. Ao longo de toda a semana estivemos pescudando información sobre a vida e obra destes poetas e todo o alumnado do centro traballou na "Hora de ler" o conto de Carlos Ruvalcaba titulado "A mariposa bailarina" que nos describe a viaxe que todos os anos realiza a bolboreta monarca desde os bosques de Miochacan ata Canadá en busca de alimento e bo clima. Para recibilos, o alumnado de 5º curso, representou, con monicreques, a obra titulada "Una hambrienta oruga" sobre o ciclo de vida das bolboretas. Ao remate da obra, dúas alumnas déronlle a benvida aos poetas coa recitaxe dun poema creado por nós. Posteriormente o alumnado de 5º e 6º curso participou nun obradoiro de poesía que maxistralmente dirixiron os poetas mexicanos coa recitaxe de fermosos poemas e contos orixinais deles mesmos, entre os que destacamos o poema mi “Mi angel” que Belén lle dedicou a súa nai e o conto do “León e a súa sombra” co que Carlos nos ensinou que non lle hai que ter medo ás cousas que non lle hai que ter medo. Durante o encontro, o alumnado someteunos a unha gran batería de preguntas que eles responderon amablemente ao longo de máis dúas horas que se nos pasaron rapidísimamente.
Descubrimos moitas cousas deles: Que a súa comida favorita son os tacos e que de Galicia gústalle moito o marisco, que raro!!. Belén é a primeira vez que ven a España e Carlos traballou fai anos de corresponsal de prensa en Madrid para un xornal mexicano, e desde aquela fíxose un siareiro do Atlético de Madrid. Chamoulles moito a atención a limpeza das nosas rúas e a pouca contaminación que se observa nas cidades. Respecto ao clima, están encantados co clima de Miochacan xa que non é tan estremo coma o noso. Alí tamén chove moito, o que fai que teñan un clima moi húmido. Ámbolos dous son poetas porque, para eles, a poesía é unha forma de expresar os seus sentimentos e o que pasa na vida ao seu redor. Carlos díxonos que el sinte necesidade de escribir poesía. Os dous nos confesaron que levan sempre un caderno para anotar todas aqueles sucesos que lles ocorren ao longo do día e lle producen inspiración. Se non o anotan, din que o esquecen. O libro favorito de Belén é “Lámpara de sueño” de Leticia Cortés, e Carlos díxonos que lle gusta moito a poesía do escritor portugués Fernando Pessoa. Para rematar Carlos deixounos uns contos seus para que os traballásemos no cole: “La ranita muda” e un inconcluso que nos dedicou e que nós mesmos teremos que rematar. Antes de despedirse, fixéronnos dedicacións personalizadas, a todos e todas os/as presentes, en marcapáxinas dos "VI encontros de poetas"
Desde estas páxinas, dámoslle as grazas aos dous poetas polo seu tempo, e ao Círculo poético ourensán, xa que sen a súa colaboración estes encontros non serían posibles.
|
||||
Tres grans de sal |
O alumnado de primeiro curso durante o mes de novembro traballou o poema de Gloria Sánchez "Tres grans de sal" durante a Hora de ler. Unha vez memorizado realizamos unha gravación en vídeo coa técnica do croma cun recitaxe compartido en grupo do poema... ...esperamos que sexa do voso agrado!!!
|
||||
HALLOWEEN by YAYOI KUSAMA |
A artista xaponesa agasállanos coa súa pumpkin no tempo de Halloween. Os black polka dots desaparecen como por arte de maxia ao mesmo tempo que as cariñas dos Kusama kids aparecen no seu lugar. Cousa de meigas!!! A obra orixinal podedes atopala na isla de Naoshima, coñecida como art island. Boa viaxe ata terras xaponesas! Disfruta da arte de Yayoi Kusama en calquera época do curso, porque … HERE AND THERE, POLKA DOTS EVERY! |
||||
Unha contacontos moi especial... |
A auxiliar de conversa do noso cole, Miranda Melissa, transformouse, por arte de maxia, nunha magnífica contacontos en inglés para embaucar, coa historia "Room on the broom" de Julia Donaldson, ao alumnado do centro no recanto de lectura informal da nosa biblioteca. A protagonista do conto era unha amable bruxa que ía invitando a subir a súa fantástica escoba a todos os animais cos que se atopaba, feito que irritaba moito ao seu gato... Todo o alumnado que participou nesta lúdica actividade quedou encantado coas aventuras desta bruxa e sobre todo coa reliquia de zapato da bruxa que Melissa nos trouxo, en primicia, ata a biblioteca. Preme para ver a galería de imaxes
|
||||
Día da Poesía 2015 |
A celebración do Día da poesía no noso centro durou máis dunha semana. Ao longo deste tempo realizamos múltiples actividades co fin último de fomentar o gusto e a lectura de poesía. Unha das principais actividades foi a realización dun obradoiro/concurso de poesía onde todo o alumnado do centro que traía unha poesía (inventada, copiada, con axuda dos pais,...) recibiu un agasallo. Colgamos na entrada do centro un cartaz "Se un agasallo queres ter, poema has de traer" para motivar aos nenos/as. No tempo destinado á Hora de ler traballamos lecturas de poemas e fixemos actividades variadas. Realizamos unha exposición no centro das poesías feitas polo alumnado. O propio día da poesía, que o celebramos o venres 27 de marzo, todo o alumnado e profesorado asistiu na biblioteca a un fantástico recital de poemas, onde os alumnos e alumnas de Educación Infantil recitaron unha poesía "Chegoua primavera" e adiviñas de contidos matemáticos relacionadas co PDI. Unha vez finalizado o recital,os alumnos e alumnas foron ás aulas, onde os seus titores lle deron o agasallo a todos os que fixeran a poesía. Para rematar, formamos grupos de dúas clases para ir ver a exposición das poesías. Cada grupo amosoulle ao outro grupo as súas poesías, recitando os que quixeron en voz alta os seus poemas. |
||||
VI Concurso de poesía do Círculo poético Ourensán |
O 29 de abril falláronse os premios da VI edición do Círculo poético ourensán que este ano tiñan que versar sobre "Sentimentos na escola". Un alumno do noso centro, Diego J. García González, resultou finalista, polo que o seu traballo formará parte da antoloxía que será publicada para a próxima edición do concurso. Esta, estará formada polos 20 mellores poemas de Ed. Primaria e os 20 mellores de ESO. O evento tivo lugar no Salón de Actos da Biblioteca Pública de Ourense, quedándose pequeno para acoller ao numéroso público presente no acto que estivo presidido pola directiva do Círculo poético. Asemade, tamén se entregou o poemario "Inspiracións" cos poemas finalistas da "V edición do concurso" do ano pasado, no cal hai dous poemas creados polos alumnos do noso centro Diego García González e María López Randolfe. |
||||
Escultura ao longo da historia |
O alumnado de 6º de Ed. Primaria, en equipo de dous, realizou unha investigación sobre a escultura ao longo do tempo. Para reflectir as súas pescudas empregaron Google presentacións o que lles permitiu traballar na bilbioteca e nas súas casas de forma colaborativa. Unha vez rematado o seu traballo, presentaron de xeito maxistral, na biblioteca do cole, todas as diapositivas realizadas. Parabéns polo traballo realizado!! Preme na imaxe para ver a presentación Galería de imaxes
|
||||
Aprendendo a pensar | |||||
Contacontos do Concello |
O pasado 22 de xaneiro tivemos unha visita moi especial na biblioteca do noso cole: a contacontos do Concello que nos fixo viaxar por diversos países do mundo. Coñecemos China, Rusia, Italia… escoitando as fantásticas aventuras de Marco Polo que nos ía contando. Non hai máis que ver a faciana do alumnado para descubrir o ben que o pasaron con esta actividade… Xa estamos esperando ansiosos a que veña outra vez a visitarnos!!! |
||||
Chefs saudables de segundo |
O alumnado de 2º de Ed. Primaria, este curso, tamén participou no concurso de Chefs saudables que convocou a Consellería de Sanidade. Todo o alumnadol elaborou, coa axuda dos mestres, unhas receitas que eles mesmos buscaron nos fondos da nosa biblioteca. Para mercar os produtos fixemos unha saída a un supermercado que hai no barrio do cole. Para elaborar o menú empregamos as instalacións, aparellos e utensilios que hai na cociña escolar. O resultado das nosas creacións podédelos ver nos seguintes vídeos: GALERÍA DE IMAXES
|
||||
A Frauta Máxica |
Os nenos de cuarto de Ed. Primaria realizamos no PDI de centro, un traballo sobre Wolfgang Amadeus Mozart e unha das súas obras “A frauta Máxica”. No primeiro trimestre pescudamos sobre a vida de Wolfgang Amadeus Mozart e a partires de aí realizamos un mural infográfico para a porta da nosa clase que serviu de información para toda a comunidade educativa. Coñecer a cidade onde naceu e situala en Europa : Salzburgo- Austria e Viena cidade onde morreu. No segundo trimestre investigamos sobre a súa obra “A frauta Máxica” realizando as seguintes actividades:
|
||||
O Sueiro, onde a lectura é arte |
Durante este curso, 2016-2017, o Sueiriño VI impregnou de arte todos os recantos e actividades do noso cole, co proxecto documenal integrado titulado:"O Sueiro: onde a lectura é arte". Seguindo as directrices marcadas pola Asesoría de bibliotecas para este curso, e visto que xa tiñamos realizado algún pequeno proxecto sobre pintura, decidimos dedicar o noso PDI ao mundo das artes en xeral. A nosa proposta presentou un proxecto cooperativo de todo o centro, que partindo da biblioteca, implicou ao alumnado por área, curso, etapa, a todos os membros do claustro, e involucrou a membros da comunidade educativa. O traballo realizado por cada curso foi o seguinte:
|
||||
Programa Cores |
O 27 de abril realizamos no centro, coa colaboración da Escola Galega de Consumo, un obradoiro destinado a promover no alumnado a educación para o consumo responsable.Traballando a igualdade a través da publicidade dentro do programa Cores. As temáticas que se trballaron foron as seguintes:
Para rematar o obradoio o alumnado máis cativo realizou un pao de chuvia que levaron para a súa casa. |
||||
O lapis de Rosalía |
O 1 de marzo, alumnado de 2º de Ed. Primaria realizou unha nova edición do concurso de animación á lectura como actividade final á lectura que realizaron ao longo destes meses do libro Antón Cortizas "O lapis de Rosalía": "Rosalía ten seis anos. Cando fala, da súa boca saen bolboretas que pairan no ar moi alegres, dicindo palabras moi bonitas. E as súas mans tocan as cousas con seis caricias, e seis suspiros salaian á vez. Rosalía vai á escola, onde aprende a ler e a escribir.Un día acabóuselle o lapis, chegou á casa e díxolle ao pai: —Papá, tesme que mercar outro lapis. O novo lapis resultou ser moi distinto ao anterior.Ao longo del ten escrita unha frase que di: Lapis especial para nenas de seis anos. Que ten de especial ese lapis?" Como en edicións anteriores, o equipo gañador do concurso recibiu como premio un exemplar do libro que traballaremos no próximo mes. |
||||
A polkadot Christmas |
A POLKADOT CHRISTMAS O mellor xeito de agasallar a YAYOI KUSAMA este nadal é, sen dúbida, facer que os nosos Christmas Trees e os Santa´s hats relozan cheos de polkadots. Desde as sección bilingües querémosvos desexar en todas as linguas nas que desenvolvemos o noso proxecto, MERRY CHRISTMAS |
||||
Letras Galegas 2018 |
Na semana das Letras galegas contamos coa presenza dos nosos veciños do CIFP Portovelo, na biblioteca do noso centro para interpretar varias pezas musicais para violín entre as que ían intercalando a recitaxe de versos dos poemas "Os vellos non deben de namorarse" e "Adeus ríos, adeus fontes". Nos agasallámolos cun marcapáxinas da autora homenaxeada este ano nas Letras Galegas que levaba impreso nunha das súas caras o poema de Mª Victoria Moreno "Xa non teño medo". Todo o alumnado do centro participou nunha versión rapeada deste poema. Asemade, o alumnado de 3º e 5º volveu a representar na biblioteca a obra de teatro "Ondiñas que veñen e van" coa que participou nos XXIII encontro de teatro escolar de Bande. Versión rap do poema "Xa non teño medo" GALERÍA DE IMAXES |
||||
Proxecto Meteoarte |
O proxecto desenvolvido ao longo do curso pasado, polo alumnado de 6ºde Ed. Primaria, dentro do programa de Meteoescolas, e titulado "Meteoarte", foi valorado polo xurado composto por membros da Consellería de Educación e de MeteoGalicia cunha calificación de "Programa de Excelencia". Todos as actividades realizadas están reflectidas no blog "Meteosueiro" que manteñen os membros do equipo de metereoloxía. Os nosos parabéns para todos e todas os compoñentes do Equipo de metereoloxía: |
||||
Horario curso |
|
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »