Contido popular
Título | Resumo | ||||||
---|---|---|---|---|---|---|---|
Celebración do magosto 2018 |
O 8 de novembro celebramos a festa do magosto na pista polideportiva do noso centro, pois as condicións metereorolóxicas nos marcaron, como obrigatorios, os recantos a empregar. Este ano, contamos coa presenza do alumnado do CIFP Portovelo como colaboradores especiais para animar a xornada con xogos ambientados no magosto. Pasárono xenial, tanto os nosos veciños como alumnado do noso centro. Unha vez rematados os xogos, recuperamos forzas a base dun menú con produtos típicos desta festa: chourizos asados e preñados, empanada, lacón, bica de Trives e castañas. Para finalizar a celebración movemos o esqueleto ao ritmo da música que lle iamos pedindo ao noso DJ. Na seguinte galería de imaxes podedes ver o ben que o pasamos. |
||||||
Mamá, quero ser Ziggy Stardust |
MAMÁ, QUERO SER ZIGGY STARDUST Hoxe que conmemoramos o día da paz e non violencia, tod@s nós acompañamos na súa viaxe polo seu universo a AINE, a protagonista do libro, “Mamá, quero ser Ziggy Stardust”, agasallo da concellería de educación de Ourense. Con este sinxelo acto queremos alzar a voz polo dereito ás diferenzas, a ser como cada un queira ser, a mirar aos outros sen prexuízos. Porque tod@s levamos dentro un chisco dese home das estrelas que mira ao mundo crendo que merece a pena coñecernos e respectarnos os uns aos outros tal e como somos. Queremos agradecer a Abraham Caride, un artista fóra do circuito convencional, que nos permitise visitar o seu espazo de arte e compartir con nós as súas obras sobre David Bowie e algunas das súas experiencias. E como recoñecemento a tod@s @s Ziggy Stardust que só piden un espazo para ser eles mesm@s … “ There´s a starman waiting in the sky … ” |
||||||
Exposición de traballos con castañas 2015 |
Ao longo do mes de novembro realizamos na entrada do colexio unha exposición con manualidades feitas con castañas na que participaron todos os membros da comunidade educativa que o desexaron. Os traballos presentados este curso foron dunha gran calidade. Na seguinte galería de imaxes podedes observalos. GALERÍA DE IMAXES
GAÑADORES DO CONCURSO
O 20 de novembro tivo lugar a entrega de agasallos aos mellores traballos de cada grupo. Neste concurso, todos e todas os/as participantes recibiron un fantástico agasallo destinado a fomentar a súa creatividade plástica. Asemade os gañadores de cada categoría recibiron sendos cadernos cos que comezar a plasmar dita creatividade. Todo o alumnado do centro participou como xurado na elección dos mellores traballos. Os resultados da votación pódense ver nas seguintes ligazóns:
|
||||||
Titorial para uso de imaxes |
Os nosos compañeiros da biblioteca do CEIP de Frian-Teis elaboraron este titorial que nos vai a ser de moita utilidade para o emprego de imaxes recollidas de internet.
|
||||||
Postais de Nadal | |||||||
Festa do Entroido 2015 |
Como colofón final ás mandas do meco que tan ben nos dirixiron ao longo desta semana, celebramos a Festa do Entroido no cole coa participación de toda a comunidade educativa. A ANPA do cole participou activamente nesta actividade co reparto dunhas "orellas de Entroido" exquisitas, de filloas riquísimas feitas por eles e bebidas variadas entre todos os participantes. Posteriormente á degustación destes produtos típicos destas datas, realizamos o desfile de disfraces no patio cuberto, xa que o tempo non nos axudou moito. Como en anos anteriores, a temática do desfile tiña relación co proxecto documental que estamos a desenvolver este curso, "Mergúllate nun mar de números". Cada aula disfrazouse dun tema:
Ao rematar o desfile suamos un pouco movendo o esqueleto ao ritmo que nos marcaba o noso DJ particular. Preme na imaxe para ver a Galería
|
||||||
Festival de Nadal 2014 |
O 18 de decembro, ás 18 horas, celebramos o Festival de Nadal no Salón de actos do IES As Lagoas de Ourense ante un público entusiasta formado fundamentalmente pola nosa comunidade educativa e familiares achegados do alumnado. Antes de nada, resaltar que é de agradecer o bo comportamento de todos os espectadores, mantido ao longo da duración de todo o espectáculo, e sobre todo pola comprensión mostrada ante aqueles pequenos erros, achacados ao directo case todos eles, que puidemos ter. Non debemos esquecernos de dar as grazas a todos os membros do Equipo directivo, e ao persoal laboral, do IES As Lagoas pola súa colaboración connosco para poder levar a bo término este Festival. Se premedes nas seguintes ligazóns accederedes aos vídeos das diferentes representacións que tiveron lugar no Festival:
|
||||||
As mandas do meco | |||||||
Samaín & Halloween 2014 |
O xoves, 30 de outubro, celebramos o Samaín e o Halloween no noso centro coa realización das seguintes actividades que foron organizadas polo Equipo de bibioteca e o Equipo de Dinamización Lingüística:
A bruxa Brunilda La bruja Brunilda
Relatos de fantasmas
|
||||||
Día do Teatro 2017 |
O alumnado de 4º de Ed. Primaria representou unha versión moi peculiar do "Club da comedia" para celebrar o Día do Teatro na biblioteca do centro ante todo o alumnado e profesorado. Xa nos tiñan demostrado que tiñan madeira de actores e actrices, agora tamén podemosdicir que a teñen de humoristas! Para o mes representarán no certame de teatro de Bande a obra titulada "Comerei dous". GALERÍA DE IMAXES
|
||||||
Exposición de manualiadades feitas con castañas |
Estimadas familias, Asemade, ao longo destas dúas semanas, realizaremos unha exposición de traballos manuais con castañas na que vos animamos a colaborar e participar cos vosos fillos e fillas. |
||||||
Hora de ler en 2º de EP |
Este ano realizamos, igual que no curso anterior , un CONCURSO DE ANIMACIÓN Á LECTURA polo que , adicamos parte dese tempo á lectura dos libros que eliximos para o concurso mensual, alternando lecturas de libros en galego e en castelán . Realizamos cinco concursos no presente curso e os títulos traballados foron:
Ademais, e dentro da hora de ler, o alumnado do 2º curso de primaria realizarou, entre outras, as seguintes actividades:
Na lectura de libre elección por parte do alumnado entraron tanto libros propios da casa como os de préstamo da biblioteca do centro. |
||||||
Auxiliar de conversa en inglés |
Este curso contamos cunha nova auxiliar de conversa en inglés chamada Miranda Melissa. Participou activamente na presentación do PDI deste curso"Mergúllate nun mar de números" ao alumnado dándolle as explicacións precisas sobre o significado da decoración da entrada da biblioteca. |
||||||
Galicia |
Poema de Manuel María rapeado polo alumnado de 4º de Ed. Primaria na Hora de ler. |
||||||
Memoria gráfica do traballo feito na biblioteca | |||||||
O Sueiriño: Cada latexo un pensamento |
Durante este curso, 2017-2018, o Sueiriño VII impregnou de arte todos os recantos e actividades do noso cole, co proxecto documenal integrado titulado:"O Sueiriño: cada latexo un pensamento". Seguindo as directrices marcadas pola Asesoría de bibliotecas para este curso, e continuando coa mesma metodoloxía que en anos anteriores, decidimos dedicar o noso PDI ao pensamento. A nosa proposta presentou un proxecto cooperativo de todo o centro, que partindo da biblioteca, implicou ao alumnado por área, curso, etapa, a todos os membros do claustro, e involucrou a membros da comunidade educativa. O traballo realizado por cada curso foi o seguinte:
|
||||||
Tonecho de Rebordechao |
Na primeira semana do mes de febreiro o alumnado de 6º curso de Ed. Primaria realizou un novo concurso de animación á lectura sobre a obra de Breogán Riveiro titulada "Tonecho de Rebordechao". Esta obra recibiu o Premio Raíña Lupa 2004 da Deputación da Coruña. O libro conta as aventuras dun neno: Tonecho, o único pequeno da súa aldea. Rebordechao é unha aldea que queda alá por...chegando á... O certo é que non é doado atopar Rebordechao, nen sequera aínda que a busques. Neste lugar perdido vive Tonecho, o neno máis bo e máis guapo, o mellor de to
|
||||||
Cancodrilo na horta |
O 26 de xaneiro, na sala de usos múltiples do noso cole, tivemos o privilexio de contar coa presenza da contacontos ourensá Sabela que encandilou ao alumnado coa posta en escena de dous contos da colección "Cancodrilo" de Xabier López e ilustrados por Javier Rey e Silvia González. Coas aventuras de "Cancodrilo", metade home e metade crocodilo, na horta e pintando, traballamos valores, coma o respecto e a amizade, engatusados polos poderes máxicos de Sabela. Sobra dicir que o pasamos xenial, como ben reflicten as imaxes da Galería.
|
||||||
Torneo de "Tres en raia" |
No mes de decembro, a mestra de música organizou o "III torneo de tres en raia", entre o alumnado maior do centro, como unha actividade inmersa dentro do proxecto documental integrado deste curso: "Mergullámonos nun mar de números". Este sinxelo xogo pon en marcha a maquinaria intelectual do alumnado, en todo o referente á lóxica matemática e a intelixencia artificial, dun xeito lúdico e creativo e que tanto agradecen todos os participantes no mesmo. Non hai máis que fixerse na faciana dos xogadores para comprobar canto gozaron durante o desenvolvemento do torneo. O Cadro de Honra quedou como sigue:
Moitos parabéns para todos eles!! Os participantes nesta edición xa están ansiosos porque comece a seguinte torneo... Preme na imaxen superior para ver a galería de imaxes do torneo |
||||||
O universo |
O alumnado de 4º e 5º de Ed. Infantil pescudou sobre o Universo no seu PDI. Partiron do conto "Como atrapar a unha estrela", de Oliver Jeffers, para motivalos a pensar sobre todos aqueles aspectos que lles resultan intrigantes sobre o universo. Resumimos a continuación as actividades realizadas ao longo do curso:
O traballo con este PDI foi moi motivador para os nenos e nenas. |
||||||
Vídeo de resumo do ano 2016/2017 |
Vídeo resumo do que aconteceu no CEIP Manuel Sueiro no curso 2016/2017. |
||||||
Webs con máis recursos para Samaín |
Nas seguintes ligazóns atoparedes moitos máis recursos educativos para celebrar a festa do Samaín:
|
||||||
Chegou o Nadal ao Sueiro |
No noso cole xa se nota que as Festas do Nadal están próximas. A decoración navideña das aulas, e de moitos recantos do edificio, así o poñen de manifesto. Este ano, hai que destacar o Belén xigante, que recrea o nacemento do neno Xesús, situado na entrada do colexio para ser observado por todas aquelas persoas que nos visiten. Na seguinte galería de imaxes podedes observar esta ambientación: |
||||||
Premios "Ourense sabe acoller" |
O mércores, 18 de decembro, o alumnado de 3º ciclo foi á aula de cultura de Novacaixagalicia situada na Alameda co motivo da súa participación na actividade organizada polo concello “Ourense sabe acoller”. En primeiro lugar tivo lugar a proxección dunha película relacionada co tema chamada: “Baixo a mesma lúa”. Logo diso presentouse o acto formalmente e procedeuse á entrega de premios.No noso colexio tivemos dous gañadores:
Parece que os premios foron do agrado dos nosos rapaces. Parabéns polo traballo realizado! A continuación podedes ver as fotos do eventos. Para ver todas, debes ir á galería fotográfica. |
||||||
Pescudando sobre Carlos Casares |
Unha das tarefas que realizamos na Hora de Ler no mes de maio para conmemorar a homenaxe nas Letras Galegas a Carlos Casares foi a realización dunha pescuda ou caza do tesouro por medio do emprego de códigos QR para facilitarlle as pistas que tiñan que seguir. A actividade titulábase "De que libro falamos". Como non dispoñiamos de dispositivos móbiles para todo o alumnado, tamén facilitamos as tarefas en formato web para que así todo o alumnado tivese acceso a esta actividade de gamificación do proceso educativo. A experiencia resultou ser un éxito, xa que a maioría do alumnado chegou ata o final da mesma. Para premiar e recoñecer o seu esforzo e dedicación, ao reamate da mesma, fixemos entrega de diplomas a todos os participantes. Unha vez rematada a pescuda, fixemos unha sesión de avaliación e posta en común onde o alumnado manifestou o seu grado de satisfacción coa mesma. Nunha escala de valoración de 0 a 10 (0=nada; 10=moito) a valoración media por parte do alumnado foi de 9,5; sendo a moda de 10. |
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »