Saltar navegación.
Inicio
Narón (A Coruña)

Novas da Biblioteca de Infantil e Primaria

Maquetas de células

01/03/11

A semana pasada tivemos na biblioteca esta vistosa exposición sobre as partes da célula. Estas maquetas foron elaboradas polos alumnos de 1º de ESO en Ciencias Naturais.

O novo blog da biblioteca

Xa temos novo Blog na Biblioteca de Primaria. Aquí poderedes atopar moita información sobre o que estamos facendo dende alí, libros interesantes e moitas outras actividades. Esperamos que disfrutedes da páxina e que colaboredes para poder facela moito máis interesante e divertida. ¡¡¡Agardamos as vosas visitas!!!

Este é o enderezo do noso blog:

www.biblioaventurasfeal.blogspot.com

Clausura da exposición sobre Exipto

Clausura da exposición de Exipto
Fai clic para ver máis fotos

10/05/2010

O Alcalde de Narón, José Manuel Blanco, e a Concelleira de Ensino, Mª del Carmen Espada, visitaron esta mañá a nosa  biblioteca de Infantil e Primaria para clausurar a exposición sobre Exipto. Ademais, entregaron numerosos títulos de exiptólog@ entre o noso alumnado.

A biblioteca exipcia do Feal

Biblioteca exipcia
Fai clic para ver máis fotos

15/03/2010

Un ano más, quedamos impresionados coa transformación da Biblioteca de Infantil e Primaria. Exipto fora xa o tema escollido na festa do Entroido 2010, pero este ano a transformación bibliotecaria deixouse para un pouco máis adiante, de xeito que se puidera facer con máis calma. Por certo que unha das bibliotecas máis famosas da Historia estivo en Exipto: a de Alexandría.

Na Galería temos unha pequena mostra do que se fixo, pero o mellor e que o vexades en directo. Parabéns para toda a xente que participou: do profesorado e  do alumnado (incluíndo os/as máis pequenos/as do centro!!).

Nilo
Fai clic para ver máis fotos

A 8ª edición do Xogo das Pistas está a piques de rematar

Pistas 2009/10

Eva Mª Bouza, 20/11/2009

Como podedes comprobar pola fotografía, xa temos gañadores e gañadoras en cada unha das categorías. Dous equipos conseguiron completar todas as pistas e son os nosos flamantes campións.

Pero non vos desanimedes os que aínda non o conseguistes, o prazo non remata ata o día 30 de novembro. Os rezagados e rezagadas aínda teñen uns días para conseguir algún punto máis e optar a algún dos premios que entregaremos o día 22 de decembro no Festival de Nadal.

Seguiremos lendo nas aulas todos os días para levar a cabo o Proxecto Lector. Estamos preparando novas aventuras para o segundo trimestre.

ÁNIMO, LER É UNHA DAS MAIORES AVENTURAS QUE PODEMOS VIVIR!

 

- Equipo gañador do 2º Ciclo:

  • Raúl Hermida
  • Joel Muíño
  • Alejandro Rúa
  • Raúl Souto

- Equipo gañador de 5º:

  • Silvia Felpete
  • Andrea Ramos

 

Un novo xogo das pistas xa está en marcha

Tux - Sherlock Holmes

Eva Mª Bouza, 26/10/2009

Como comentabamos no último artigo da biblioteca de primaria, unha nova edición do Xogo das Pistas está en marcha. Neste curso decimos cambiar o concurso para o primeiro trimestre, xa que nos parecía que o alumnado estaría menos agobiado polos exames de fin de curso. Puxemos en marcha o proxecto lector do centro e esta actividade forma parte del, xunto coas Mochilas Viaxeiras do 1º ciclo de primaria. As bases do concurso son como todos os anos. Hai equipos de dous, tres e catro membros. Cada equipo ten o reto de ler dez libros, cinco en cada un dos idiomas oficiais da Comunidade: galego e castelán. Logo terán que responder a un pequeno cuestionario sobre o libro que leron.

O alumnado do segundo ciclo será atendido durante o primeiro recreo e o do terceiro ciclo durante o segundo. Tamén, como novidade este ano, nas aulas e durante a xornada escolar, cada día disporán dun pequeno tempo para ler estes libros.

Ánimo, ler é unha gran aventura, divertida e gratificante. Ademais podedes conseguir algún dos premios do concurso. Esperamos veros pola biblioteca o antes posible.

A nova mascota da Biblioteca de Primaria xa ten nome

Leilea con Alicia e Loli

Eva Mª Bouza, 05/10/2009

Como comentamos na nova anterior, COLORINES, a antigua mascota da biblioteca, marchou para China; pero deixounos un agasallo: un ovo do que naceu a súa filla.

Fixemos un concurso de ideas para atoparlle un nome e xa dimos con el. A nova mascota da biblioteca chamarase Leilea. A súa madriña é Alicia Santos Lago, alumna de 4º A. Podedes ver unha foto da feliz madriña xunto coa súa afillada.

Loli Abelleira, encargada da biblioteca de Primaria fíxolle entrega dun diploma que a acredita como madriña da nova mascota durante este curso. Para celebrar tan feliz acontecemento a nova madriña reparteu por todo o colexio (Infantil e Primaria) uns caramelos. Noraboa!

Aproveitamos tamén para comunicar que dentro de poucos días comezará unha nova edición do XOGO DAS PISTAS. Estade atentos e atentas para participar.

Nova mascota na Biblioteca de Infantil e Primaria

Mascota da Biblioteca de Primaria 2009

Eva Mª Bouza, 23/09/2009

Comezou un novo curso e como en anos anteriores, algo sucedeu na biblioteca durante o verán. A mascota que tiñamos, COLORINES, quedou soa durante as vacacións e dedicouse a facer algúns cambios. Cando chegamos en setembro descubrimos que a biblioteca estaba toda revolta e que uns pintores estaban cambiando as cores das paredes e o teito. Máis tarde, soubemos o por que. COLORINES escribiunos unha carta dende China. Marchou alí para seguir descubrindo mais cousas desa cultura milenaria. Foi invitada polo seu amigo Yang-Lin. Contounos que non pensaba volver pero que nos deixara agochado na biblioteca un ovo do que nacería o seu fillo ou filla. Contounos que mandou pintar as paredes da biblioteca de amarelo porque lle lembraba a China e o teito de azul porque lle parecía o ceo.

Descubrimos o ovo e aos poucos días naceu a nova mascota. Parécese moito a COLORINES pero ten unha fermosa melena negra. Estamos intentando atoparlle un nome. Animamos a todo o alumnado a participar na procura do nome. Depositade as vosas papeletas coas suxestións sobre o nome na urna que está na entrada de Primaria.

O xogo das pistas e pistiñas chegou ao seu fin

Pistiñas


Eva Mª Bouza, 09/06/2009

Esta é a derradeira semana para conseguir puntos no xogo das pistas e pistiñas. O venres 12 rematará o xogo. Todos aqueles grupos que todavía teñan libros, que se den prisa en rematalos para completar as pistas, e aqueles que só lles falta completar a ficha, que non o deixen para o último momento. De todos os xeitos xa hai equipos campións. Tanto no segundo ciclo como no terceiro, hai un equipo que completou o seu casilleiro de puntos. Noraboa a todos os seus membros. O mesmo sucede co primeiro ciclo que todos os equipos teñen os puntos totais. No festival do día 22 todos os gañadores recibirán o seu premio. Felicidades.

Pistas do 2º Ciclo__Pistas do 3º Ciclo

Xogo das Pistas e Pistiñas

Tux - Sherlock Holmes

Eva Mª Bouza, 27/05/2009

Xa está en marcha a 7ª edición do xogo das Pistas e Pistiñas. Os equipos xa están formados e algúns xa conseguiron varios puntos.

O xogo consiste en que cada equipo do segundo e terceiro ciclo de E. Primaria lea un total de dez libros entre todos os  seus membros. Cinco libros serán en lingua galega e cinco en lingua castelá. Unha vez lidos os libros, o membro do equipo que o lese pasará pola biblioteca (2ª ciclo no primeiro recreo,  3º ciclo no segundo recreo) para contestar unhas cuestións sobre o contido do libro (Pistas). Se o fai de xeito correcto, reportaralle un punto ao seu equipo.

O 1º ciclo de primaria xoga ás Pistiñas, o xogo é semellante pero con menos libros. A proba consiste en ordenar unhas tarxetas que resumen o contido do libro. Se o fan correctamente, tamén ese equipo consigue un punto.

O xogo terá unha duración de cinco semanas. No festival de fin de curso (22-06-09) procederase ao reparto de premios en función dos puntos conseguidos.

ANIMÁDEVOS A PARTICIPAR!, LER É DIVERTIDO E AO FINAL HABERÁ UN PREMIO.

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido