Saltar navegación.
Inicio

Novas da Biblioteca de Infantil e Primaria

Semana da Ilustración

14/02/2023

Cada 30 de xaneiro, coincidindo con día de nacemento de Castelao, celébrase o Día da Ilustración. Para conmemorar este día, as nenas e nenos de EI e EP fixeron ilustracións dos seus libros favoritos. Aquí tedes unha presentación coas ilustracións escollidas en cada clase. Son uns artistas!

Suxestións de lectura para o Nadal e Diario Lector

Bruno e Elba

15/12/2022

A proposta  que fixo Paco de facer un Diario de lecturas comeza a dar os seus froitos. Os primeiros (e Paco espera que non sexan os derradeiros) en rematalo foron Elba Quintía e Bruno Oreona (os dous de 3º B de Primaria).

Por outra parte, deixamos aquí algunhas suxestións para ler en Nadal.

Libros para o Nadal 2022Preme para ver as suxestións

Mes da Ciencia na Biblioteca de Infantil e Primaria

Mes da Ciencia 2022

14/12/2022

Durante o pasado mes de novembro, celebramos o mes da Ciencia cunha selección de libros científicos, e con novas actividades coas gafas de realidade virtual.

Desde a web do Feal, aproveitamos para recomendar o mellor programa de divulgación científica que hai na televisión española nestes momentos: Órbita Laika.

Gafas virtuais 2022

Concursos de Samaín en Primaria

Pepe

18/11/2022

Aquí tedes os resultados dos nosos concursos de Samaín:

Sección de "Microrrelatos de medo" (5º e 6º de Primaria)

  • Gañadora: Daniela Alvariño Fraga (6º EP), co relato "O misterio da mansión do Feal".
  • Finalistas: Ainhoa Dopico García (6º EP), co relato "Truco e Trato", e Alex Castro Martínez (5º EP), co relato " Unha noite de Samaín".

Sección de "Crea o teu monstro" (3º e 4º de Primaria)

  • Gañador: Liam Alfonso Fernández, co monstro Pepe.
  • Finalistas: Alicia Filgueira, Damián Izquierdo, Fernando Sinay Ramos, Hugo Díaz Novo, Inés Pereira Cagiao, Javier Gómez Cives, Laura Rivera Montero e Nicolás Pumariño Aneiros.

Ademais, podedes escoitar un podcast onde se explican todas as nosas actividades de Samaín. Os mellores da primeira sección len os seus relatos, o gañador da segunda fala do seu monstro, e tamén hai fragmentos dos contacontos de Infantil.

Concursantes

Suxestións da Biblioteca de Infantil e Primaria para Samaín

Samaín 2022Preme para ver as suxestións

27/10/2022

Aquí tedes unha selección de libros, cancións e curtas elaborada polo equipo da Biblioteca de Infantil e Primaria, para entretervos en Samaín.

Día das Bibliotecas 2022

Día das Bibliotecas 2022Preme para ver máis fotos

25/10/2022

Onte celebramos o Día das Bibliotecas 2022 con dúas actividades. Pola mañá, o alumnado de Infantil e Primaria saíu a ler ao aire libre, como podedes ver nalgunhas fotos do álbum "Biblioteca 2022" da nosa Galería. Pola tarde, as familias visitaron a Biblioteca de Infantil e Primaria, e achegamos unha pequena montaxe con fotos da visita.

Xornada de portas abertas na Biblioteca de Infantil e Primaria

Portas abertas 2022

19/10/2022

O próximo luns 24 de outubro, entre as 16:00 e as 18:00, as familias están invitadas a visitar a nosa Biblioteca de Infantil e Primaria. Esta xornada de portas abertas, organízase para celebrar o Día das Bibliotecas.

O "Decálogo do lector" feito por 2º B de Primaria

Decálogo do lector 2022Preme para ver o vídeo en genially

19/06/2022

Para rematar as actividades da Biblioteca de Infantil e Primaria por este curso, aquí tedes o simpático Decálogo do lector elaborado polo alumnado de 2º B de Primaria.

Despedida do curso 2021-2022 na Biblioteca de Infantil e Primaria

Gafas RD

26/05/2022

Para despedir o curso na biblio de Paco, organizouse unha xincana con gafas de realidade virtual. Cada grupo "entraba" en diversos libros famosos (Frankenstein, O gato con botas, Hansel e Gretel, Dr. Jekll e Mr. Hyde...), e o alumnado tiña que responder a preguntas relacionadas co que estaba vivindo. Podes ver varias fotos da actividade no álbum "Biblioteca 2022" da nosa Galería.

Gafas RD na biblioteca de Infantil e PrimariaPreme para ver máis fotos

Feira do Libro 2022

Feira do Libro 2022Preme para ver máis fotos

29/04/2022

Os pasados 28 e 29 de abril, o alumnado e o profesorado de Infantil e Primaria organizaron unha fantástica Feira do Libro no noso patio cuberto. Podedes ver algunhas fotos da feira no álbum "Biblioteca 2022" da nosa Galería.

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido