Artes Plásticas, Bioloxía e Xeoloxía, Educación Física, Física e Química, Francés, Inglés, Lingua Castelá, Lingua Galega, Matemáticas, Música, Relixión, Secundaria, Tecnoloxía, Xeografía e Historia
Concurso de redacción: Narón, a túa cidade
David Casteleiro e Mar González
Mar González, 04/06/2009
Despois dunha larga espera, chegou o final desta I Edición do Concurso Narón, a túa cidade. Un concurso de redacción organizado polo xornal La Voz de Galicia, en colaboración co noso concello, que tiña como primeira pretensión impulsar a lectura de prensa entre os escolares. A maioría dos alumnos de 1º ESO do CPI do Feal participaron nesta iniciativa. A súa tarefa consistiu en escoller unha noticia dentro da sección local de Narón, e facer un comentario sobre a información obtida. O traballo de lectura e selección fíxose nas aulas e durante máis dun mes os escolares manexaron os xornais para elaborar as súas redaccións. O Concurso resultou exitoso, houbo unha gran participación de nenos de distintos centro de Narón: en total presentáronse 188 traballos entre Primaria e Secundaria. O pasado mércores 4 de xuño foi a entrega de premios nun acto presidido polo alcalde, Xosé M. Blanco. O noso colexio resultou premiado en dúas categorías: por un lado, o alumno de 1º B, David Casteleiro González resultou gañador na sección de 1º-2º ESO polo seu traballo sobre as rutas ciclistas organizadas polo concello para os escolares. Tamén resultou premiada a profesora Mar González, pola súa labor de dinamizadora do traballo de redacción na aula. Destacamos tamén que na categoría de 3º-4º ESO foi galardonado un ex-alumno do CPI do Feal, Diego Ferreira, e a súa profesora de Lingua Galega, a nosa ex-compañeira María Yáñez. Noraboa a ambos. Podedes ver o relativo a esta información na edición local de La Voz de Galicia do 4 de xuño. Na publicación do día 6 aparecen recollidos os textos dos alumnos gañadores, entre eles o de David Casteleiro.
Todos os premiados neste concurso
Os Invencibles gañan o campionato de fútbol de Primaria
José Manuel Timiraos, 02/06/2009
Rematou o campionato de fútbol que se veu celebrando en Primaria durante os recreos. No partido para o 3º e 4º posto, Os Leóns derrotaron nun emocionante partido aos do Narón por 4 goles a 1. A gran final celebrouse o venres 22 de maio entre Os Invencible e Os Castróns Tolos. Foi unha final moi disputada que se acabou decantando do lado dos primeiros por un tanteo de 8 a 5. Cabe destacar a entrega de todos os xogadores e a deportividade coa que se desenvolveron todos os encontros.
A clasificación final foi a seguinte:
- Os Invencibles
- Os Castróns Tolos
- Os Leóns
- Narón
- Dream Team
- Dragóns
- Non Sei
- Fieras
Noraboa a tod@s os que participaron e...ata o curso que vén.
A crise vista dende O Feal
Fai clic para ver o vídeo
(se tes problemas, descarga o arquivo co botón dereito do rato)
21/05/2009
Despois de que o alumnado de 4º de ESO aprendera a editar vídeos na materia de Informática, formáronse grupos para facer pequenos traballos na materia de Educación Plástica e Visual. Presentamos aquí o traballo máis aventureiro, que foi realizado polas alumnas que aparecen na foto: Desirée, Rebeca, Tania e Anaís.
Queremos máis reportaxes deste estilo para a nosa web!!
Portátiles para tod@s
Ángel Carrera, 20/05/2009
A pesar da crise, os políticos anuncian que en breve todos os rapaces e rapazas do Estado de entre 5º de Primaria e 4º de ESO terán un portátil para levar a casa. Ante esta noticia, sentímonos obrigados a recuperar o vídeo brasileiro que publicamos hai uns meses neste espazo. Por certo, ¿xa teñen previsto quen vai facer o mantemento deste despiporre tecnolóxico en mans de rapaces?
Esta vez recibiremos queixas da Moncloa por publicar este artigo?
Virán directamente da Zarzuela?
P.D.
O domingo 24 de maio publicouse un interesante artigo sobre este tema en La Voz de Galicia: "Ordenadores en medio del desorden".
Cándido Pazó no Feal
![]() |
14/05/2009 No marco da celebración do Día das Letras Galegas (este ano dedicado a Ramón Piñeiro), o Departamento de lingua e literatura galegas en colaboración con Normalización Lingüística, trouxemos ao noso centro ao contador de historias Cándido Pazó. Este cómico vigués é coñecido polo seu traballo como autor teatral, director de escena, narrador oral e actor. |
Finaliza a 2ª fase do campionato de fútbol sala en Primaria
12/05/2009
A pasada semana rematou a segunda fase do campionato que se ven celebrando en Primaria. Como sabedes había dous grupos, A e B. No grupo A loitarán polos 4 primeiros postos, e no B polos postos do 5º ao 8º.
Os partidos serán os seguintes:
- Postos 7 e 8 : Non sei - Fieras
- Postos 5 e 6 : Dream Team - Dragóns
- Semifinais :
- Os invencibles - Os Leóns
- Os castróns tolos - Narón
Moita sorte a tod@s !
O CPI do Feal ensina papiroflexia na Escola de Arquitectura de A Coruña
04/05/2009
Na ESO do noso centro hai tradición de papiroflexia (ou origami) dende hai varios anos, tanto nos obradoiros de Entroido como nas clases de Matemáticas. O pasado 30 de abril, a nosa profesora de Matemáticas Conchi Seijas foi invitada pola Escola de Arquitectura de A Coruña para dirixir un obradoiro de papiroflexia modular dentro dunha semana de diversas actividades culturais e deportivas. Quedan algunhas imaxes na Galería; véndoas, parece que os futuros arquitect@s de Galicia pasáronno moi ben.
Igualdade de dereitos para o galego
María Anca, 27/04/2009
A Mesa pola Normalización Lingüística propón na súa páxina o envío de adhesións particulares solicitando ao novo goberno que non incumpra a lexislación con respecto á nosa lingua e manteña a defensa da oficialidade do galego.
Podedes atopar información en:
Remata a primeira fase do campionato de fútbol en Primaria
José Manuel Timiraos, 03/04/2009
Rematou o pasado xoves día 2 a primeira fase do campionato que se vén celebrando en Primaria durante os recreos. A partires de agora haberá outros dous grupos, A e B, no primeiro loitarán os esquipos polos postos do 1 ao 4, e no segundo se disputarán os postos do 5º ao 8º. Sorte a tod@s, e moita deportividade.
Os resultados e as clasificacións da 1ª fase foron os seguintes:
Grupo A
Resultados
Non Sei | 2 | Narón | 2 |
Dragóns | 1 | Invencibles | 3 |
Non sei | 1 | Dragóns | 5 |
Invencibles | 2 | Narón | 2 |
Narón | 3 | Dragóns | 1 |
Invencibles | 4 | Non sei | 0 |
Clasificación
1 | Invencibles | 7 puntos |
2 | Narón | 5 puntos |
3 | Dragóns | 3 puntos |
4 | Non sei | 1 punto |
Grupo B
Resultados
Dream Team | 1 | Fieras | 1 |
Leóns | 4 | Castróns Tolos | 4 |
Dream Team | 0 | Leóns | 2 |
Fieras | 2 | Castróns Tolos | 6 |
Leóns | 1 | Fieras | 2 |
Castróns Tolos | 5 | Dream Team | 1 |
Clasificación
1 | Castróns Tolos | 7 puntos |
2 | Leóns | 4 puntos |
3 | Fieras | 4 puntos |
4 | Dream Team | 1 punto |
Comeza un novo campionato de fútbol sala en Primaria
José Manuel Timiraos, 18/03/2009
A segunda semana de marzo, comezou un novo campionato de fútbol sala en Primaria. Participan un total de 56 nen@s de 4º, 5º e 6º, divididos en dous grupos de catro equipos cada un. Dispútase nos dous recreos (a 1ª parte no 1º e a 2ª no 2º). Estes son os nomes dos equipos:
Grupo A | Grupo B |
Os Leóns | Non sei |
Os Castróns Tolos | Narón |
Dream Team | Os Dragóns |
As Fieras | Os Invencibles |
A arbitraxe corre a cargo de dous profesores.
- « primeira
- ‹ anterior
- …
- 19
- 20
- 21
- 22
- 23
- 24
- 25
- 26
- 27
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com
![RSS - Artes Plásticas, Bioloxía e Xeoloxía, Educación Física, Física e Química, Francés, Inglés, Lingua Castelá, Lingua Galega, Matemáticas, Música, Relixión, Secundaria, Tecnoloxía, Xeografía e Historia Distribuir contido](/centros/cpifeal/misc/feed.png)