Recordamos que o xoves 5 de maio, festivo local, e o venres 6 de maio, día non lectivo aprobado polo Consello Escolar, non teremos clase.

O programa Xuventude Crea é unha convocatoria da Consellería de Política Social que inclúe as especialidades de teatro, artes plásticas, fotografía, música, relato breve, poesía, videocreación, banda deseñada, graffiti, deseño de xoias, moda e cociña. Poden solicitalo os mozos/as a partir dos 16 anos e o prazo de solicitude remata o 30 de xuño.

Convócase o programa CAMPUS DE VERANO XUVENCIENCIA para o alumnado de 4º ESO e 1º BACH (hasta 2º BACH para os veteranos) que se desenvolverá dende o 27 de xuño até o 1 de xullo de 9:30 h a 20:30 h no Campus Universitario de Lugo.

A folga de estudantes convocada para esta semana desenvolverase nunha única xornada o mércores 13 de abril.

Comunícase que resultaron admitidas todas as solicitudes de Reserva do centro adscrito (CEP Ventín); igualmente, todas as solicitudes de Admisión realizadas, coa única excepción dunha delas feita para 2º de bacharelato de Ciencias (por, de momento, falta de prazas vacantes).

As listaxes completas están a disposición no taboleiro de entrada do centro.

No DOG do 28/03/2016 publícase a Orde do 14 de marzo de 2016 pola que se convocan axudas para a realización de actividades de formación en linguas estranxeiras no ano 2016, destinadas ao alumnado dos centros docentes sostidos con fondos públicos, en réxime de concorrencia competitiva.

Dentro das accións que se están a realizar no Instituto para mellorar a limpeza e o coidado das nosas instalacións (Olimpíada da Convivencia http://www.edu.xunta.gal/centros/iesmilladoiro/node/511, carteis pola convivencia http://www.edu.xunta.gal/centros/iesmilladoiro/node/494, entrevista ás señoras da limpeza http://www.edu.xunta.es/centros/iesmilladoiro/node/507), o alumnado de 3º da ESO, da man da profesora Ana Carballo, do Departamento de Artes Plásticas, vén de construír un "monstro" co lixo atopado no centro. Fixeron, ademais, uns carteis valorando positiva ou negativamente actos cotiáns que contribúen a manter o centro limpo ou, pola contra, a que sexa un espazo pouco agradable para convivir.

Ao longo do mes de xullo de 2016 levarase a cabo a sétima edición do Programa Campus Científicos de Verán, iniciativa do Ministerio de Educación, Cultura e Deporte (MECD), xunto coa Fundación Española e co apoio de Obra Social “La Caixa”.

O programa está dirixido ao alumnado de 4º de ESO e de 1º Bacharelato.

Os interesados en asistir ás clases de reforzo ofertadas polo Concello de Ames contan aínda con oito prazas para 2º ESO e con catro prazas para 1º ESO. Estas clases impártense no IES do Milladoiro os mércores de 16:30 a 18:30. As persoas interesadas teñen que cubrir unha ficha de inscrición e entregala na Secretaría do Instituto. O derradeiro día de entrega é o martes 1 de marzo. O impreso está dispoñible nesta páxina e na Secretaría do centro.

Preme no enlace para ampliar a información e para acceder á ficha de inscrición:

A saída ao Pedroso do alumnado de 2º ESO terá lugar, finalmente, o martes 16 de febreiro de 1ª a 6ª hora.

Co obxectivo de contribuír a que todas e todos esteamos máis cómodos no Centro, a profesora María José Fernández, responsable da Olimpíada de Convivencia, vén de poñer varios carteis, deseñados polo alumnado de Tecnoloxía da 4º da ESO co apoio da profesora Margarita Porto.

O grupo de 1º ESO A coa súa titora, María Lapido, desfrutando dunha consumición como premio por acadar a puntuación trimestral máis alta na Olimpíada da Convivencia:

No enlace da imaxe poderás coñecer os datos do mes de NOVEMBRO da I Olimpíada da Convivencia que se está a desenvolver no noso centro.

Unha alumna de 1º Bach. do noso centro recibiu un premio ESO ao esforzo e á superación persoal correspondente ao curso 2014-2015, que foi publicado na ORDE do 17 de novembro pola Consellería de Educación e Ordenación Universitaria. Noraboa!!!

O martes 24 de novembro iniciarase cunha clase de portas abertas de 15:15 a 16:30 hrs a cargo do profesor Aitor Garuz. A partir de xaneiro de forma regular co mesmo horario.

CARTEL DA ACTIVIDADE

Se queres coñecer o PODIUM de OUTUBRO da I OLIMPÍADA DA CONVIVENCIA no noso centro preme na imaxe:

Catálogo de bolsas, axudas e subvencións estatais para estudantes:

Ligazón Ministerio de Educación

Na seguinte ligazón poderás consultar toda a información relativa ao programa de axudas para libros de texto:

http://www.edu.xunta.es/web/axudaslibros