O alumnado de 2º ESO C vai participar no obradoiro de comunicación "A tribo", que organizan conxuntamente IGASEX= e AGARESO en colaboración coa Obra Social la Caixa. Desenvolverase en tres sesións de cen minutos os días 15 e 22 de febreiro e o 1 de marzo. O alumnado estará acompañado polo profesorado e polos profesionais de AGARESO. O obradoiro, que se apoiará nas novas narrativas dixitais, terá tres fases: 1.- Reflexión sobre a importancia da educación para asegurar a igualdade de oportunidades. 2.- Identificación das causas da exclusión social, destacando os condicionantes que dificultan o éxito nos estudos. 3.- Elaboración de materiais multimedia de reflexión e sensibilización sobre esta temática. |
|||