O venres 2 de novembro recibimos no centro a visita do alumnado de cinco anos da escola EEI do Milladoiro. Cada parelliña de infantil foi acollida por unha parella TEI (Titoría entre iguais) do noso centro, formada por alumnado titor de 3º de ESO e alumnado titorizado de 1º de ESO. Os maiores ensináronlles aos pequenos diversos xogos populares, empregando a lingua galega, nunha divertida xornada organizada polo EDLG do centro co apoio do grupo TEI e o departamento de Ed. Física. Temos que gabar o agarimo e a responsabilidade co que actuou o alumnado do noso centro. Na prensa: aquí. A "Titoría entre iguais" é un dos programas levados a cabo no noso centro para mellorar a convivencia e desenvolver a responsabilidade e autonomía do alumnado. |
|||