IES do Milladoiro

O alumnado de 4º ESO D e de Economía e Empresa de 2º Bacharelato  acudiu o luns 12 de marzo ao "Viveiro de Empresas" da Cámara de Comercio de Santiago, no Polígono Costa Vella. Alí tiveron a oportunidade de coñecer o labor desta iniciativa para o apoio das novas empresas.

La Voz de Galicia, 14/03/2018

Esta visita encádrase dentro das accións formativas de fomento do espírito emprendedor que a Cámara de Comercio de Santiago de Compostela leva a cabo nos centros educativos da súa demarcación. 
O obxectivo da actividade é que os estudantes se acheguen ao mundo empresarial e consideren o autoemprego como unha opción laboral viable no futuro.
A visita comezou coa benvida do secretario da Cámara, Fernando Barros. Despois, a técnico de creación de empresas da Cámara, Rosa Cardeso, explicoulles o funcionamento da incubadora empresarial e os servizos que prestan aos emprendedores. A visita rematou cun percorrido polas instalacións do Viveiro.