POLO SAN MARTIÑO, PEÓNS AO CAMIÑO

O refraneiro recórdanos que polo San Martiño (11 novembro), peóns ao camiño; polo Santo André (30 novembro), trompos outra vez; polo San Amaro (15 xaneiro), peóns ao tellado; polo Santo Antón (17 xaneiro), peóns ao caixón; pola Santa Olalla (12 febreiro), peóns á borralla; e polas Pascuas, trompos ás ascuas…

Moitos dos xogos tradicionais galegos son xogos estacionais, é dicir, xóganse nunha determinada época do ano e non noutra. Pero se algún deles ten o momento do seu protagonismo ao longo do ano perfectamente marcado, ese é o peón. 

Así, o acto comezaba coa lectura do manifesto para facer a continuación concursos de habilidade coa buxaina, de decoración dos peóns, mostras de peóns doutras culturas, lanzamento do peón máis pequeno do mundo a cargo do artesán melidao Manolo Charrancas... E A CELEBRACIÓN DUN MAGOSTO.



II DÍA DA CIENCIA EN GALEGO (4 DE NOVEMBRO)

Este ano celébrase o Ano Internacional da Química. Conmemórase o premio Nobel de Química concedido a Marie Curie en 1911 polo seus descubrimentos dos novos elementos Radio e Polonio.  Tamén neste "II Día da Ciencia en Galego" homenaxéase á matemática galega Mª Wonenburger, facendo tamén unha homenaxe ás primeiras mulleres que dan clase, fan ciencia, e cambian para sempre a maneira de ver o papel da muller na ciencia.

ACTIVIDADES NO NOSO IES: VIDEOCONFERENCIA, OBRADOIROS CIENTÍFICOS, EXPOSICIÓNS, VIDEOFORUM, CONCURSOS... (máis información).

IMAXES DOS ACTOS:


 
 

CONCURSOS E EXPOSICIÓNS NO NOSO IES

CONCURSO-EXPOSICIÓN DE FOTOGRAFÍA CIENTÍFICA (información).

CONCURSO DE "RELATOS "O SAMAÍN" (bases).

CONCURSO-EXPOSICIÓN DE DECORACIÓN DE CABAZAS (aclaracións).

VÍDEO DIDÁCTICO SOBRE A CELEBRACIÓN DO SAMAÍN CON MÚSICA DE MAMÁ CABRA

from Falamelide TV on Vimeo.

FORMACIÓN SOBRE O PATRIMONIO LÚDICO

Achegamos información a propósito do "III CURSO DE FORMACIÓN SOBRE O PATRIMONIO LÚDICO: Xogo tradicional, deporte tradicional e educación", que se celebrará no IES DE MELIDE os días 21 e 22 de outubro, e que ten aberto o seu prazo de matrícula.
A actividade, homologada pola Consellería de Educación, pretende ofrecer unha oportunidade de formación aos educadores/as sobre o patrimonio lúdico galego, un dos máis ricos da Península, e sobre as posibilidades que este ofrece nos diferentes ámbitos da educación (sistema educativo regrado, tempo libre, traballo con persoas maiores...). 
Trátase, de regra, da única actividade de formación de libre acceso que actualmente se convoca en Galicia sobre o tema.
Os asistentes teñen a posibilidade de presentar comunicacións sobre experiencias educativas relacionadas co xogo tradicional.

Más información http://www.nova-escola-galega.org/WebDefault.aspx?MenuInd=3&MenuId=281&Lng=&tl=0


PARO ESTUDIANTIL CONTRA OS RECORTES

A maioría do alumnado do IES de Melide secundou a folga convocada polo sindicato de Estudantes. Segundo as manifestacións dos mesmos non están dispostos a aceptar os recortes en materia educativa que están a degradar a calidade dos centros públicos: menor número de profesorado, máis alumnado por aula, diminución na oferta de materias optativas, empeoramento das condicións para a atención á diversidade...


"BRAZOS CAÍDOS" NO IES DE MELIDE

Parte do profesorado do IES de Melide fixo o pasado martes 20 de setembro  media hora de "brazos caídos" para protestar polo incremento das horas de clase, o aumento do nº de alumnado por aula e a redución de docentes. 

                        
                       




Lois Pereiro.

As Letras Galegas 2011 con Lois Pereiro.

As nosas creacións





Distribuir

Distribuir contido