You are hereActividades / Extraescolares

Extraescolares


GALA DOS 50 ANOS DO ENSINO MEDIO EN MELIDE

Un documental e un xantar de reencontros poñen o broche de ouro ós actos conmemorativos do 50 aniversario de ensino medio en Melide.

O alumnado de 2º de ESO que cursa a materia de eNPRoXECTO doulle vida a un documental que, baixo o título “Letras que adornan números”, deu coñecer as idas e benvidas das avenidas das vidas do Colexio Libre Adoptado (1967-1969), da sección Delegada do Arzebispo Xelmirez (1969-1973), do Instituto Nacional de Bacharelato (1973-1966) e do IES de Melide.

Nun emotivo acto, as testemuñas de alumnado, profesorado, persoal de administración e servizos e pais e nais de diferentes décadas, nos lembraron 50 anos de pasos cruzados compartidos, anos de historias respectuosas coas novas xeracións, que queren ceder o seu protagonismo as letras que non están escritas.

Así remataba o documental, apostando polo liderado compartido, para sermos quen de seguir enfrontando con ilusión os retos do ensino do século 21: unha aposta pola ensinanza plural, sostible, integradora e atenta coa realidade que nos toca vivir para interpretar e construír un mundo bo, xusto e bonito. 

CELEBRACIÓN DO 50 ANIVERSARIO DO ENSINO MEDIO EN MELIDE

MEDALLA DE OURO DO CONCELLO DE MELIDE 2017

Estimado Sr./Sra.

En representación do IES de Melide é un pracer para nós informarlle dos actos que terán lugar co gallo da celebración do quincuaxésimo aniversario deste centro de ensino e o que para a comarca de Melide supuxeron estes 50 anos de ensino medio.

Os actos darán comezo o vindeiro 29 de novembro ás 18:30h  no IES de Melide,coa Inauguración da Exposición dos 50 anos, onde se recolle unha pequena mostra do material didáctico empregado nos últimos anos no noso instituto, así coma obxectos e recordos que membros da comunidade foron achegando amablemente ó centro para enriquecer esta exposición. Nesta data teremos tamén a oportunidade de ver os traballos que o alumnado Ciclo Medio de Carpintaría e Moble fixo no último curso na “Poxa de Mobles Curso 1967-2017” ás 19:00 h no salón de actos (aula 309) do noso centro.

Remataremos os actos de celebración o día 16 DE DECEMBRO ÁS 12:00H COA GALA 50 ANIVERSARIO TAMÉN NO IES DE MELIDE para posteriormente, desfrutar do Xantar de Celebración e Reencontros previsto para as 14:30h no Pavillón do centro.

Esperamos poder contar con vostede nestes actos de celebración.

 Un cordial saúdo, 

A DIRECCIÓN

P.D.: É PRECISO CONFIRMAR ASISTENCIA ANTES DO DÍA 11 DE DECEMBRO

-CONFIRMAR ASISTENCIA GALA 50 ANIVERSARIO NO IES de Melide teléfono 881866109 indicar nome e apelidos das persoas asistentes.

-XANTAR DE CELEBRACIÓN E REENCONTROS

         Menú: Polbo, carne ó caldeiro, postre e café.

         Prezo: 20€

Ingreso en conta BANCO POPULAR ES17 - 0238 - 8194 - 1908 - 5000 - 0197, indicando XANTAR CELEBRACIÓN  así como nome e apelidos da persoa ou persoas que asisten.

Medalla de Ouro do Concello de Melide 2017

O pasado día 29 de xuño, día San Pedro, patrón de Melide, foi entregada a MEDALLA DE MELIDE, ano 2017, na súa categoría de OURO, ó IES de Melide, como homenaxe e agradecemento á súa traxectoria e ó encomiable labor en prol da educación, cultura e deporte que fixo no concello.

A imposición de dita medalla foi efectiva nun acto que se celebrou na sala capitular do Concello.

O director de Melide cerraba a súa intervención con estas palabras:

Se hoxe está aquí o IES de Melide, lévanos a pensar que entre todos e todas  algo bo fixemos,  e que todos e cada un dos que en maior ou menor medida tivemos relación co IES de Melide nestes 50 anos de historia debemos sentirnos honrados e honradas”.

“Este premio vén sendo un estímulo importante para o IES de Melide para, tomando como referencia o liderado compartido, sermos quen de seguir enfrontando con ilusión os retos do ensino do século 21: unha aposta pola ensinanza plural, sostible, integradora e atenta coa realidade que nos toca vivir para interpretar e construír un mundo bo, xusto e... bonito”.

“Un vello proverbio africano dinos que para educar a un neno, ou nena, fai falta unha tribo enteira”.

“Grazas por pertencer á Comunidade Educativa do IES de Melide”.

Este mesmo día tamén foi tamén foi honrada coa Medalla de Ouro de Melide a biblioteca pública de Melide Xosé vázquez Pintor

MEDALLA DE OURO DO CONCELLO DE MELIDE 2017

Informamos da seguinte distinción,

o pasado día 8 de xuño foi aprobado en Pleno a concesión da MEDALLA DE MELIDE, ano 2017, na súa categoría de OURO, ó IES de Melide, como homenaxe e agradecemento á súa traxectoria e ó encomiable labor en prol da educación, cultura e deporte que fixo no concello.

A imposición de dita medalla será efectiva nun acto que se celebrará na sala capitular do Concello o vindeiro 29 de xuño ás 12 horas, día San Pedro, patrón de Melide.

Parabéns para toda a Comunidade Educativa do IES de Melide (1967-2017)

DESPEDIDA ALUMNADO DE 2º DE BACHARELATO

Con invitación no ximnasio do IES de Melide ás 17:30.

IRIA BARREIRO VÁZQUEZ PREMIADA NO CERTAME DE DEBUXO E POESÍA AVELINO DÍAZ

Iria Barreiro Vázquez de 1º BAC A acada o segundo premio do "Certame de Debuxo e Poesía Avelino Díaz" celebrado en Meira o pasado beres 28 de abril, convocado polos concellos de Riotorto e Meira e pola Asociación Cultural “Avelino Díaz”. O poema premiado titúlase “Barreiras”.

Parabens!

PARTICIPACIÓN DA ALUMNA URIELA GARCÍA RICO NA XII OLIMPÍADA NACIONAL DE BIOLOXÍA.

Os días 23 a 26 do pasado mes de marzo celebrouse en Pamplona a Olimpíada Nacional de Bioloxía 2017. Como representante de Galicia asistiu, xunto con outros dos rapaces, a nosa alumna Uriela García Rico, a cal foi acompañada pola súa profesora Cristina Viqueira Gómez.

A proba constou de dúas partes, unha teórica e outra práctica.

A parte teórica consistiu na resolución de 150 preguntas tipo test sobre as distintas áreas de coñecemento da bioloxía que se estudan ao longo de toda a etapa da ESO e do Bacharelato (Xenética, Fisioloxía e Histoloxía animal e vexetal, Bioquímica, Microbioloxía, Zooloxía, etc.).

Ao día seguinte tivo lugar a parte práctica, na que, nos laboratorios da Facultade de Bioloxía de Pamplona, os participantes realizaron 4 prácticas de carácter experimental empregando o material e as técnicas coas que se traballa hoxe en día nas universidades.

Durante os 4 días que os alumnos/as estiveron en Pamplona non todo foron exames, tamén houbo grandes momentos de ocio e convivencia, xa que tiveron a oportunidade de coñecer distintos lugares de interese da cidade e dos arredores, tales como o Planetario de Pamplona ou o Faial do Parque Natural “Señorío de Bertiz”.

Aínda que Uriela non foi seleccionada para representar a España na Olimpíada Internacional, demostrou, unha vez máis, os seus amplos coñecementos, a súa excelente preparación e a súa boa actitude. O IES de Melide e, en especial, os compoñentes do departamento de Ciencias Naturais, senten unha enorme honra de contar con rapazas e rapaces tan motivados como Uriela.

Parabéns por chegar ata tan lonxe Uriela!

olimpiada nacional biología

UNHA ALUMNA DO IES DE MELIDE GAÑA A OLIMPIADA DE BIOLOXÍA - GALICIA

XII EDICIÓN DA OLIMPÍADA ESPAÑOLA DE BIOLOXÍA- FASE GALEGA

URIELA GARCÍA RICO GAÑA e está seleccionada para participar na fase nacional que se disputará en Pamplona do 23 ó 26 de marzo.

Ademais de Uriela representaron ó IES de Melide: Tamara Pereiro Vidal, Alba Vázquez Neira e Paula Vázquez Sufuentes.

Parabéns a todas elas e a profesora Cristina Mª Viqueira Gómez.

O equipo directivo

RESUMO DA XORNADA EN PDF

POXA DE MOBLES

Este mércores-8 ás 18:15, celebrarase no IES de Melide a Poxa de mobles.

Animámosvos a asistir, a valorar os exclusivos traballos de creación do alumnado e profesorado do Ciclo de Madeira que poden chegar a ser  parte do mobiliario dos nosos fogares. Axudaremos, ao mesmo tempo, á promoción do bo facer do noso Ciclo de Formación Profesional.

 

IV FESTIVAL DE TEATRO ESCOLAR DA ESTRDA E X MOSTRA DE TEATRO ESCOLAR “XOSÉ AGRELO HERMO” DE MUROS.

O alumnado da AULA DE TEATRO DO IES DE MELIDE, “TEIROA TEATRO, participou o domingo-24 de abril no IV FESTIVAL DE TEATRO ESCOLAR DA ESTRADA presentando a súa obra VARIEDADES ás 11:00 horas no Teatro Principal desta localidade. Unha obra coral na que se invita a reflexionar ao espectador sobre varios temas de actualidade: o papel integrador do teatro para as persoas con capacidades alternativas,  o complexo mundo das relacións entre as persoas adolescentes e as da terceira idade, o medo como elemento cercenador da liberdade, o consumismo como fonte de insatisfación continua, os valores da actividade deportiva…

Ás 12:45 participaron nun roteiro musical, poético e teatral pola aldea de Ouzande; onde interactuaron cos veciños e coas veciñas desta aldea. A través desta ruta puideron achegarse á tradición popular e oral da zona e intercambiar experiencias cos integrantes das outras Aulas de Teatro.

O mércores, 27 de abril, o alumnado da Aula de Teatro do IES de Melide participou una X MOSTRA DE TEATRO ESCOLAR “XOSÉ AGRELO HERMO” de Muros.  Presentou un espectáculo conxunto coa Aula de Teatro do IES Antón Losada Diéguez da Estrada. Asistiu como público a esta función o alumnado do IES As Insuas e do IES Fontexería desta localidade.

Estas funcións estiveron enmarcadas dentro do CIRCUÍTO GALEGO DE TEATRO ESCOLAR que comezou no Teatro Principal de Ourense, o 18 de febreiro, e que está percorrendo os escenarios de diferentes vilas de Galicia coma Melide, Palas de Rei, A Estrada, Muros… e que continuará nos escenarios de Vila Real, Idanha A Nova, Setúbal, Laxe…

Novas de prensa: El Correo Gallego, Faro de Vigo, La Voz de Galicia

As nosas creacións





Distribuir

Distribuir contido