Actividades

Na última semana do 2017 tivemos con nós a Nanda Cabaleiro, a que fora profesora aquí no IES de Melide e que regresou para achegarnos e introducirnos nos beneficios do Ioga como técnica para manter a relaxación, o control da respiración e da posición corporal e para manter a concentración e o control da tensión e dos nervios en situacións de estrés ou de axitación. Ferramentas moi últiles para aplicar en calquera faceta da vida, pero que nós comezaremos a poñer en práctica desde xa nas nosas clases de Artes escénicas. Foi todo un pracer contar con ela e poidemos desfrutar dunha relaxante e interesante clase.

Do 15 ao 30 de outubro estase a celebrar no centro a quincena da memoria histórica. Durante a mesma poderase ver, nos corredores da planta baixa, a exposición “Exilio e Deportación, de Monterrei e Boborás aos campos nazis”.

Máis información en BIBLIOMELIDE.

O alumnado inscrito no club de lectura PAPALIBROS e o alumnado que cursa a materia de artes escénicas, achegouse a Santiago de Compostela o pasado 20 de outubro para ver Macbeth, ya somos el olvido que seremos, a cargo da compañía Alauda Teatro. Máis información nesta ligazón.

O 30 de xaneiro conmemórase o Día Escolar da Non Violencia e a Paz. Nesta data facemos especial fincapé na necesidade de educar na tolerancia, a solidariedade, o respeto polo Dereitos Humanos, a non violencia e a paz.

Este ano decidimos que o eixe central da nosa conmemoración debía ser o dos refuxiados co obxectivo principal de concienciar á comunidade educativa do IES de Melide sobre esta problemática de índole mundial . Tamén decidimos non concentralo  nun único día e otorgarlle así a importancia que require. (ler máis) 

Esta é a viaxe que realizaron os membros do club de lectura Papalibros a Valladolid e Segovia no mes maio. En Valladolid asistimos ao TAC (Teatro y Artes de Calle), coñecimos Segovia e visitamos a Villa Romana de la Olmeda

No marco do tema de traballo da biblioteca para o presente curso, A viaxe e a migración, entre a curiosidade e a necesidade, o Club de Lectura Papalibros quere convidar a toda a comunidade educativa á charla titulada "Os xudeus superviventes do holocausto", impartida pola nosa lectora de inglés, Ashley Lauber, estadounidense neta de superviventes dos campos de Auschwitz-Birkenau.

Esta actividade xurdiu da lectura da novela gráfica Maus, de A. Spiegelman, por parte dos Papalibros.

A Asociación Escritores e Escritoras en Lingua Galega (AELG) instituiu o 24 de febreiro como "Día de Rosalía", coincidindo coa data de nacemento da autora. Este ano conmemoramos, ademais, o 150º aniversario da publicación de Cantares Gallegos.

Por este motivo as alumnas e alumnos de 1º de ESO ofrecerannos un recital de poemas de Rosalía de Castro o recreo do luns 25 de febreiro na bilbioteca.

O 13 de novembro cúmprense 10 anos do Prestige, a meirande catástrofe ecolóxica que sufriu Galicia. Bota unha ollada á presentación e pásate durante esta semana pola biblioteca para ver a ambientación e os materias expostos.

A semana do 7 ao 11 de maio de 2012 na biblioteca celebramos no IES de Melide a Semana da Interculturalidade. Neste días tentaremos achegarnos ás diferentes culturas e países das alumnas e alumnos do noso centro.

Consulta aquí o programa de actividades ou entra en Biblomelide, o blog da biblioteca.

Ver Interculturalidade no IES de Melide nun mapa máis grande