You are hereActividades / Escolares

Escolares


MaCRoaLMoRZo SAUDABLE e Dialogos para unha alimentación saudable (producción cinematográfica)

O pasado venres 23 de outubro o alumnado de 1º ESO cargou de alimentos saudables a súa mochila e participou no tradicional MaCRoaLMoRZo saudable.

Cun formato distendido e tendo en conta certas evidencias científicas, o alumnado tivo que defender cun discurso persoal o retrato do seu almorzo saudable e respostar a preguntas sobre o traballado nas diferentes materias. 

Presentación en iesaudemelide.es

VISITA AO LABORATORIO DE MEDICINA XENÓMICA

O pasado sábado 16 de marzo, o alumnado que está a cursar a materia de Bioloxía de 2º de bacharelato visitou os laboratorios de Medicina Xenómica do Hospital Clínico de Santiago. Tiveron a honra de coñecer as instalacións da man do seu director, o Doutor Ángel Carracedo, catedrático de Medicina Legal e experto internacional en Xenética. O Dr. Carracedo ensinou ao noso alumnado moitas das técnicas e os aparellos que se empregan na actualidade para detección de enfermidades xenéticas: máquinas que permiten a secuenciación do xenoma humano, aparellos que permiten amplificar o ADN (PCR) para a súa posterior secuenciación, técnicas que permiten construír cariotipos humanos para a detección de mutacións cromosómicas, etc.

Sentímonos enormemente agradecidos por poder gozar desta enriquecedora xornada, a cal, sen dúbida, quedará por sempre no recordo de todos nós e estamos convencidas de que influirá na toma de decisións sobre o futuro profesional do noso alumnado.

Laboratorio Mxenomica

CHARLA AESLEME "PÓDETE PASAR"

No marco do Plan de Acción Titorial do IES de Melide, durante a mañá de hoxe, 15 de Marzo, tivemos a visita da AESLEME (Asociación pola Prevención de Accidentes de Tráfico e ONG de atención a vítimas de accidentes). Co obxectivo de concienciar e sensibilizar sobre unha conducción responsable; Juan, a través dun relato autobiografico, foi quen de transmitir ao alumnado de 4º da ESO e FP Básica (1º e 2º curso) as regras básicas da Educación Vial: uso do cínturón de seguridade, NON uso do móbil ao volante e o NON consumo de alcol e drogas antes de conducir. Moitas grazas á AESLEME e a Juan.

Charla AESLEME2019

ASISTENCIA VI OLIMPIADAS DE FILOSOFÍA

Onte a Facultade de Filosofía fíxose pequena con tanta mente maravillosa!!!...máis de 200 participantes na Olimpiada Filosófica de Galicia!!!!....e nos tamén estivemos ahí...o grupo de filósofos do IES de Melide, participando nas modalidades de dilema moral, curta de video e fotografía. Ademáis, como non, montamos o noso telderete, tatuamos  amor pola filosofía e agasallamos con pulseiras metafísicas a quen o quixera!!!!....E non nos chegaron a nada!!!

Grazas a Son Zeltia polo curre, adicación e amor co que organiza esta Olimpiada _ o caso é que fai 1000 cousas pero con ese ollar azul e limpo que ten  da a sensación que está sempre en modo zen!!!!!!

MUDAMOS FRONTEIRAS POR PONTES

Hoxe día 30 de xaneiro conmemoramos "o día escolar da non violencia e da paz" cunha xuntanza durante o recreo  na entrada do centro. Alí, ao redor dun traballo feito polo alumnado no que se sinalan muros que se están a construír no mundo, limos un manifesto e cantamos a canción “ Fronteiras” de Gaudi Galego e da  que tomamos prestado o lema deste curso.

"Mentres tanto ti e máis eu

Mudamos fronteiras por pontes

Trazamos un novo mapa

Abrindo cancelas con flores"

...

“Non hai amor no maltrato”, 1º PREMIO NO CONCURSO 25N - XUNTA

O IES de Melide obtivo 1º premio na 2ª categoría (3º, 4º ESO e bacharelato) imaxe gráfica no concurso, “25 de novembro, Día Internacional contra a Violencia de Xénero”, organizado pola Secretaría Xeral de igualdade. 

O traballo premiado que leva por lema “Non hai amor no maltrato”, foi realizado pola alumna Carla Rivadulla Fociños e o alumno Ander Varela Martín de 1º de bacharelato.

Parabéns para Ander, Carla e para o seu profesor de Debuxo Artístico I, Antonio Núñez Martínez. 

Carla e Ander, que recolleron o premio en San Caetano, manifestaron: 

“Queríamos realizar un traballo sinxelo e cunha mensaxe clara e orixinal”. 

“En primeiro lugar montamos unha choiva de ideas na que por unha parte seleccionamos elementos e comportamentos que deben estar presentes nunha relación, que pode ser de amor ou non, como o cariño, a amizade, a paz, o feito de compartir, a fidelidade, a tenrura... e por outra, os aspectos negativos que nunca deberían estar presentes, como os insultos, as agresións, os celos, a dor, a violencia... “

“A partir desta choiva de ideas seleccionamos as palabras de maltrato e amor que engloban ás demais e démonos conta de que, en algo aparentemente contraditorio como son o maltrato e o amor, poida existir unha palabra entre a outra, pois xamais pode haber amor no maltrato, nin maltrato no amor.

 “A partir de aquí montamos o traballo coa idea que nos explicou o profesor Antonio sobre o do xogo do Scrabble.”   

 “O fondo do traballo decidimos poñelo en morado, pois é a cor que representa a loita contra a violencia de xénero.”

Zeroadiccións

#Zeroadiccións No marco do programa sobre prevencións de adiccións da área de Acción Social da Deputación da Coruña tivo lugar no IES Melide un conxunto de actividades formativas e informativas para informar e debater sobre as adiccións, a súa prevención e os riscos e perigos que ocasiona padecer algún tipo de adicción. 

    Algún dos obxectivos a acadar foron: promover a educación en valores e a convivencia, promover a resolución de conflitos mediante a mediación e o desenvolvemento de habilidade socias, previr os consumos de toda índole dende idades temperás, previr as condutas de risco e aditivas de toda índole dende idades máis temperás, integrar os modelos de vida saudables nos momentos claves do ciclo vital en termos de consumo e adición.

A CONSTRUCIÓN DO ALBERGUE DE INSECTOS E O ACONDICIONAMENTO E ESTUDO DA BIOLOXÍA DA CHARCA ENTRE AS NUMEROSAS ACTIVIDADES DESENVOLVIDAS POLO CLUB DE CIENCIAS DO IES DE MELIDE.

O IES de Melide está situado ás aforas do casco urbano do Concello, nunha zona húmida rodeada de grandes prados sen urbanizar. Aproveitando esta ubicación, a finais do pasado curso 2016-2017 construíuse unha charca nunha ampla área verde situada no patio do instituto.

Durante o curso, aproveitamos para estudar distintos conceptos ecolóxicos na propia zona verde. Identificáronse distintas especies animais que habitan a charca, axundándonos dun trueiro para a súa captura. Plantáronse plantas (lirios amarelos, xuncos, menta acuática, etc.) no seu arredor para dotar a dita charca dun aspecto o máis natural posible.

Na mesma área temos situado un hotel de insectos (a súa construción enmarcouse dentro das actividades levadas a cabo polo club de ciencia), debido a que a súa colocación foi recente, todavía non hai "inquilinos" para poder identificar, pero a actividade serviu para que o alumnado reflexione sobre a importancia dos insectos nos ecosistemas. 

Memoria do Club de Ciencia

FOTOS ORLA E ACTO DE DESPEDIDA 2º BAC

Tedes a continuación as fotos do acto de despedida de 2º BAC e das orlas.

-Ligazón ás fotos das ORLAS

-Ligazón ás fotos do acto de despedida.

 

As nosas creacións

CALENDARIO

Distribuir

Distribuir contido