You are hereActividades / Escolares, Complementarias, Extraescolares, Actividades, Programación

Escolares, Complementarias, Extraescolares, Actividades, Programación


CÓDIGO QC: goza coa química do teu cerebro

Grazas por participar e por coidar a vosa saúde, quen coida a saúde goza dunha maior calidade de vida. 

Xa coñecedes o circuíto, e ao longo do curso o alumnado de 2º de BAC que cursa actividade física e saúde organizará quedadas en diferentes puntos quilométricos. Iredes vendo... 

Fotografías en www.iesaudemelide.es

 

José Antonio Ferraces López, 2º clasificado en ebanistería no V Campionato Galego de Formación Profesional, Galiciaskills 2018.

Organizado pola Dirección Xeral de Educación, Formación Profesional e Innovación Educativa, GaliciaSkills 2018 pretende darlle unha maior proxección e difusión á formación profesional que se imparte na nosa Comunidade Autónoma.

Galiciaskills 2018 celebrouse en Silleda, no recinto Feira Internacional de Galicia Abanca, os días 28, 29 e 30 de novembro. 

Parabéns para Ferraces e para Adrían Carmuega Salgado que a pesar de non ocupar unha praza entre os dous finalistas, o profesorado do ciclo de carpintaría e moble do IES de Melide certifica a súa meritoria participación.

“Non hai amor no maltrato”, 1º PREMIO NO CONCURSO 25N - XUNTA

O IES de Melide obtivo 1º premio na 2ª categoría (3º, 4º ESO e bacharelato) imaxe gráfica no concurso, “25 de novembro, Día Internacional contra a Violencia de Xénero”, organizado pola Secretaría Xeral de igualdade. 

O traballo premiado que leva por lema “Non hai amor no maltrato”, foi realizado pola alumna Carla Rivadulla Fociños e o alumno Ander Varela Martín de 1º de bacharelato.

Parabéns para Ander, Carla e para o seu profesor de Debuxo Artístico I, Antonio Núñez Martínez. 

Carla e Ander, que recolleron o premio en San Caetano, manifestaron: 

“Queríamos realizar un traballo sinxelo e cunha mensaxe clara e orixinal”. 

“En primeiro lugar montamos unha choiva de ideas na que por unha parte seleccionamos elementos e comportamentos que deben estar presentes nunha relación, que pode ser de amor ou non, como o cariño, a amizade, a paz, o feito de compartir, a fidelidade, a tenrura... e por outra, os aspectos negativos que nunca deberían estar presentes, como os insultos, as agresións, os celos, a dor, a violencia... “

“A partir desta choiva de ideas seleccionamos as palabras de maltrato e amor que engloban ás demais e démonos conta de que, en algo aparentemente contraditorio como son o maltrato e o amor, poida existir unha palabra entre a outra, pois xamais pode haber amor no maltrato, nin maltrato no amor.

 “A partir de aquí montamos o traballo coa idea que nos explicou o profesor Antonio sobre o do xogo do Scrabble.”   

 “O fondo do traballo decidimos poñelo en morado, pois é a cor que representa a loita contra a violencia de xénero.”

VISITA A METEOGALICIA

 O pasado dia 14 de novembro o alumnado de 1º ESO, acompañado por profesorado dos departamentos de Bioloxía e Xeoloxía e mais Xeografía e Hª,  viaxaron a Santiago para facer unha aproximación  ao mundo educativo na Galicia dos inicios do século XX a través da exposición  “ Castelao Maxistral “ sita na Cidade da Cultura . Tamén visitaron a sede de Meteogalicia, para coñecer de preto os diferentes aparatos de medición dunha estación metereolóxica.  Cos seus técnicos coñemos a predicción do tempo metereolóxico, e tamén como se está a producir un cambio climático e as súas consecuencias nas nosas vidas.

Meteogalicia

Avance "Día do Peón 2018"

Moitos dos xogos tradicionais galegos son xogos estacionais, é dicir, xóganse nunha determinada época do ano e non noutra. Pero se algún deles ten o momento do seu protagonismo ao longo do ano perfectamente marcado, ese é o peón.

CHARLA - OBRADOIRO "OS MORCEGOS DE GALICIA"

O xoves día 8 de novembro o alumnado da materia de Flora e Fauna Galegas de 2º ESO A-B recibiu a visita da experta en morcegos Ledicia Santos, da Asociación Drosera (Morcegos de Galicia). Ledicia contou ao alumnado moitas curiosidades respecto a estes asombrosos animais, moitas veces inxustamente tratados polo descoñecemento que se ten cara eles. Destacou que os morcegos son magníficos controladores de pragas, xa que os morcegos de Galicia basean a súa dieta en insectos: nunha soa noite poden chegar a comer ata 3000 mosquitos!! Tamén mostrou algunhas das técnicas que empregan os científicos para o seu estudo, tales como detectores de ultrasóns ou redes de néboa para a súa captura. Esta visita permitiu achegar ao noso alumnado a un coñecemento máis profundo destes animais, desmontando moitos mitos e lendas.

Charla Morcegos

 

aDD MiNuTeS To GeT aCTiVe HouRS

Con este título de suma minutos para gañar horas activas, o alumnado de 2º de bacharelato que cursa a materia de “Actividade Física e Saúde” (de libre configuración de centro) trata de desvelar diferentes posibilidades de práctica deportiva para o tempo de recreo, onde os protagonistas organizan  “quedadas “ para convidarannos a participar.

O obxectivo deste programa en colaboración co profesorado de garda de recreos activos é contribuír, xunto a outras liñas de traballo no centro, á práctica con regularidade de actividade física.

Código QCgoza coa química de tu cerebro

IESaúdeMelide

Samaín no IES de Melide

O Samaín chegou ó centro a semana pasada coa representación teatral “Sobre a morte de Bieito” de Rafael Dieste, a cargo alumnado de artes escénicas de 4º ESO e á que puidemos asistir o martes 30  na biblioteca do centro. O día 31 continuamos coas celebracións e durante o recreo puidemos degustar unha “MERENDA PARA NON CAERSE MORTO” na que había froita e as castañas asadas que non podían faltar, e bocatas súper saudables a base de tomate natural, queixo e chocolate (co 85% de cacao) que fixeron as delicias de todo o mundo, todo isto preparado polo noso alumnado e encadrado dentro do programa de  IESAUDEMELIDE. Os grupos de 1º ESO remataron esta xornada matinal cunhas actividades de convivencia que se iniciaron coa proxección da curtametraxe “El Circo de las mariposas” e continuaron cunhas actividades de reflexiónsobre a mesma e na que tiveron tempo de falar tamén sobre a súa adaptación ó instituto.

Estes días continúa no centro a exposición "OS MORCEGOS DE GALICIA" cedida pola asociación DROSERA e completada con traballos do noso alumnado de Flora e Fauna de 2º ESO na que se  nos dán a coñecer estes mamíferos, moitas veces denostados pero moi beneficiosos dentro no noso ecosistema.

Remataremos as celebracións coa entrega de premios dos concursos de relatos terroríficos  e epitafios durante un recreo na biblioteca do centro. En canto o xurado teña os gañadores avisaremos para que poidades asistir todos.

Samain 2018

Zeroadiccións

#Zeroadiccións No marco do programa sobre prevencións de adiccións da área de Acción Social da Deputación da Coruña tivo lugar no IES Melide un conxunto de actividades formativas e informativas para informar e debater sobre as adiccións, a súa prevención e os riscos e perigos que ocasiona padecer algún tipo de adicción. 

    Algún dos obxectivos a acadar foron: promover a educación en valores e a convivencia, promover a resolución de conflitos mediante a mediación e o desenvolvemento de habilidade socias, previr os consumos de toda índole dende idades temperás, previr as condutas de risco e aditivas de toda índole dende idades máis temperás, integrar os modelos de vida saudables nos momentos claves do ciclo vital en termos de consumo e adición.

A CONSTRUCIÓN DO ALBERGUE DE INSECTOS E O ACONDICIONAMENTO E ESTUDO DA BIOLOXÍA DA CHARCA ENTRE AS NUMEROSAS ACTIVIDADES DESENVOLVIDAS POLO CLUB DE CIENCIAS DO IES DE MELIDE.

O IES de Melide está situado ás aforas do casco urbano do Concello, nunha zona húmida rodeada de grandes prados sen urbanizar. Aproveitando esta ubicación, a finais do pasado curso 2016-2017 construíuse unha charca nunha ampla área verde situada no patio do instituto.

Durante o curso, aproveitamos para estudar distintos conceptos ecolóxicos na propia zona verde. Identificáronse distintas especies animais que habitan a charca, axundándonos dun trueiro para a súa captura. Plantáronse plantas (lirios amarelos, xuncos, menta acuática, etc.) no seu arredor para dotar a dita charca dun aspecto o máis natural posible.

Na mesma área temos situado un hotel de insectos (a súa construción enmarcouse dentro das actividades levadas a cabo polo club de ciencia), debido a que a súa colocación foi recente, todavía non hai "inquilinos" para poder identificar, pero a actividade serviu para que o alumnado reflexione sobre a importancia dos insectos nos ecosistemas. 

Memoria do Club de Ciencia

As nosas creacións

 





Distribuir

Distribuir contido