You are hereTeatro

Teatro


DÍA 25 DE NOVEMBRO: 2º BACHARELATO CONTRA A VIOLENCIA DE XÉNERO

O alumnado de 2º de Bacharelato do IES de Melide quere conmemorar o día 25 de novembro, Día Internacional contra violencia de xénero a través desta curtametraxe realizada en colaboración coa Concellería de Política Social, Igualdade e Saúde do Concello de Melide.

 

 

TEATRO VIRTUAL PARA UN FIN DE CURSO ONLINE [cap.4]

 Chega o capítulo final de  

"Microteatro para unha corentena"

Un espectáculo de teatro virtual para un fin de curso a_típico e a_nómalo.

Microteatro en 30 segundos da man do alumnado de Artes escénicas. Hoxe por partida triple, despedimos esta serie de intervencións teatrais desde a casa coa orixinalidade e creatividade de Pablo, a frescura e o xenio de Raquel e a ironía e perspicacia de Nico.

A aula de Artes escénicas do IES de Melide desexamos que teñades un bo verán. Gozade deste capítulo e... Que siga o espectáculo!

 

TEATRO VIRTUAL PARA UN FIN DE CURSO ONLINE [cap.3]

Hoxe, no capítulo 3 de 

"Microteatro para unha corentena"

Un espectáculo de teatro virtual para un fin de curso a_típico e a_nómalo.

O optimismo e bo humor chegan da man dun home que é a alegría das clases,  Hector, e a reflexión, a delicadeza e a cordialidade chegan da man de Paula, unha muller de corazón xeneroso.

Sen máis, goza do espectáculo de hoxe.

 

TEATRO VIRTUAL PARA UN FIN DE CURSO ONLINE [cap.2]

Na entrega 2 de 

"Microteatro para unha corentena"

Un espectáculo de teatro virtual para un fin de curso a_típico e a_nómalo.

Dous cracks dos obxectivos que medran detrás das cámras. Ela expresiva, natural expontánea, el activo, voluntarioso e imparable.

Goza do espectáculo de hoxe con  Elena e Oscar.

                               

 

 

TEATRO VIRTUAL PARA UN FIN DE CURSO ONLINE [cap.1]

O alumnado de Artes escénicas do IES de Melide presenta:

"Microteatro para unha corentena"

Un espectáculo de teatro virtual para un fin de curso a_típico e a_nómalo.

O a_rgalleiro alumnado de Artes escénicas de 4º de ESO non quixo que o a_burrimento se apoderase da situación, así que preparou un pequeno espectáculo desde as casas para poñer un pouco de sabor a este descafeinado fin de curso.

En pequenas pílulas de 30 segundos chegan, dende o confinanmento dos  seu fogares, as reflexións, ideas e curiosidades de 9 artistas da palabra.

Na entrega de hoxe Anita e Lucas.

Ela incombustible e expontánea, apúntase a un bombardeo, el alegre e optimista, non deixa pasar a oportunidade de regalarvos un sorriso.

Goza do espectáculo e non perdas as nosas próximas entregas.

     

  

 

 

Intercambio teatral Melide-A Estrada

Esta semana, o grupo de Teatro Teiroa vén de participar na primeira parte do intercambio de aulas de teatro entre o IES de Melide e o IES Antón Losada Diéguez de A Estrada. Catorce actores e actrices melidenses desprazáronse ata a vila pontevedresa para compartir unha xornada de convivencia e representar a obra "Asemblea Xeral" galardoada no Certame de Cooperativismo no Ensino neste 2018 co primeiro premio á mellor actividade cooperativizada.

Nunha segunda fase do intercambio, recibiremos en Melide ao alumado da Aula de Teatro do Instituto Antón Losada. O pasado martes 27 de novembro,  o traballo e as horas de ensaio adicadas a esta montaxe de teatro negro para monicreques, sairon á escena nunha exitosa e ben acollida representación. Parabéns rapeces e rapazas!

Obradoiro de Ioga con Nanda Cabaleiro

Na última semana do 2017 tivemos con nós a Nanda Cabaleiro, a que fora profesora aquí no IES de Melide e que regresou para achegarnos e introducirnos nos beneficios do Ioga como técnica para manter a relaxación, o control da respiración e da posición corporal e para manter a concentración e o control da tensión e dos nervios en situacións de estrés ou de axitación. Ferramentas moi últiles para aplicar en calquera faceta da vida, pero que nós comezaremos a poñer en práctica desde xa nas nosas clases de Artes escénicas. Foi todo un pracer contar con ela e poidemos desfrutar dunha relaxante e interesante clase.

IES de Melide no concurso de recitado de poesía "Rosalía sempre viva"

O pasado día 18 de Marzo as alumnas de 2º de bacharelato, Alexia Castro Vázquez e Xiana Sangiao Noguerol participaron no concurso de recitado de poesía "Rosalía sempre viva", que dende hai uns anos celébrase na localidade de Outeiro de Rei, na casa museo de Manuel María.

Alexia concursaba co poema POR QUE?, texto de actualidade que trata sobre os desafiuzamentos.

Xiana recitou SILENCIO, un poema moito máis intimista.

Ámbalas dúas fixeron non só un recitado extraordinario se non tamén unha pequena dramatización dos textos, que enriquecía as verbas da nosa Rosalía.

Parabéns as dúas, pola súa entrega e pola súa extraordinaria presenza en escena.

VIVA A POESÍA!

DIA DA FILOSOFIA

NON PODO ENSINARLLE NADA A NINGUÉN . SÓ PODO FACERLLES PENSAR.
-SÓCRATES-