You are hereFísica e Química

Física e Química


CAFÉ CONCIENCIA: A LINGUAXE DO INVISIBLE

Hoxe visitou o IES de Melide Eugenio Vázquez Sentís, profesor e investigador do departamento de Química Orgánica da USC, para falarnos sobre a linguaxe empregada ó longo dos tempos para describir o que é invisible ós ollos: átomos e moléculas. Tras unha primeira reflexión, acompañada dun café, sobre a importancia do coñecemento científico en xeral e químico en particular para poder ser críticos coa información que recibimos a diario; fixo un repaso sobre cómo foi cambiando a liguaxe química ó longo do tempo.

VISITA Ó CIQUS

O 21 de novembro alumnas de 2º de BACH asistiron ás xornadas "A investigación en química: ciencia para un mundo mellor", organizadas polo Centro Singular de Investigación en  Química e Materiais Moleculares (CIQUS) en Santiago de Compostela. Durante a tarde, tiveron ocasión de recibir información sobre a investigación levada a cabo no CIQUS ademáis de realizar nun dos seus laboratorios a síntese do paracetamol. Tamén visitaron o centro e tiveron un pequeno coloquio con un investigador postdoutoral sobre o día a día no mundo dun investigador.

 

VIAXE O CERN

Alumnado de 4º de ESO e 1º de BACH visitou o CERN días antes do inicio do curso escolar. Ademáis de visitar o prestigioso centro de investigación de física de partículas, tamén se visitou a cidade de Xenebra, as sedes da Cruz Vermella e de Nacións Unidas e a ciudade de Lausana. O programa completo amósase baixo estas liñas nun mapa interactivo.

 

Táboa Periódica interactiva en galego realizada polo Dep de Física e Química coa participación do alumnado

Tendo en conta que a UNESCO declarou o ano 2019 como ano intrenacional da táboa periódica ao cumplírense 150 anos desde Mendeleev publicase a súa famosa clasificación períódica, o dep de Física e Química decidiu facer unha pequena contribución a este evento elaborando unha táboa periódica interactiva online en galego na que participase o alumnado. Para elo dividimos os elementos da táboa periódica entre o alumnado de 2º ESO, 4º ESO e FP Básica. Cada un deles, mediante un formulario creado na páxina do instituto, subiu o seu traballo (cun guión acordado polo departamento) sobre o elemento que lle tocou.
Unha das plataformas online que permite realizar unha tarefa deste tipo de xeito gratuito é "Genially". Mediante unha conta compartida entre os membros do departamento procedeuse ao deseño da táboa e a revisión, edición e maquetación do contido enviado polo alumnado sobre cada elemento. O proceso levou máis tempo do programado, polo que a publicación é "in extremis", xusto no remate do curso! pero pensamos que mereceu a pena e o no departamemo estamos moi contentos co resultado final.

Visita do alumnado de TICs de 1º de BACH ao CESGA e a empresa Dinahosting

Este venres 26 de outubro, os  departamentos de Física e Química e Tecnoloxía organizaron unha visita á empresa Dinahosting e ao CESGA (centro de supercomputación de galicia) en Santiago. O departamento comparte desde hai anos a docencia da materia de TIC co departamento de Tecnoloxía. A visita realizouse con alumnado que cursa a materia de TIC en 1º de BACH e consistiu, primeiro, nunha visita a Dinahosting que é unha empresa privada que centra a súa actividade no campo da xestión de dominios e aloxamento web.                     Por outra banda, o CESGA é un centro de supercomputación dependente da Xunta de galicia e da Universidade que da soporte e servizo a múltiples equipos de investigación e institucións como por exemplo, METEOGALICIA

Imaxe7

Asistencia a unha Masterclass sobre Física de Partículas na USC

 ...  ...........
 .........  .............

O pasado xoves 6 de abril, un grupo de alumnas e alumnos que cursamos física en 2º de Bach no IES de Melide acompañadas polo noso profesor, tivemos a oportunidade de asistir a unha masterclass de física de partículas coordinada pola Facultade de Física da USC. Nesta xornada organizada en Santiago, participou o alumnado de diversos centros de Galiza, e ao mesmo tempo, noutros puntos do mundo outros alumnos de outros países, realizaron actividades semellantes coa finalidade de poñer en común os coñecementos extraídos ao final da xornada. Un claro exemplo do que representa o CERN, "a colaboración internacional entre científicos".
  A xornada constou de tres actividades: 1º Coloquios. A actividade arrancou cuns coloquios na aula magna da Facultade de Física. Varios físicos expuxeron de forma simplificada e adaptada ao noso nivel as bases da física de partículas, dunha forma entretida e liviá. Nesta breve clase explicóusenos canto debíamos saber para comprender as posterior1es probas e permitiunos sentirnos parte da comunidade científica por uns intres. Igualmente, moitos dos conferenciantes traballaban en colaboración co CERN, o acelerador de partículas suízo, e foi moi interesante aprender un pouco acerca dun dos máis importantes avances científicos da nosa época. 2º Practicas. Despois de asistir aos coloquios, dirixímonos as aulas informáticas nas que nos asignaron un ordenador por parellas. Neles traballamos cun programa informático que permite cotexar datos extraídos do LHC (un dos sensores que hai no acelerador de partículas). Deste xeito tivemos que poñer en práctica os coñecementos que compartiran con nos nas horas previas e xogar a ser físicos de partículas por unhas horas. Os datos que analizamos por parellas estaban enfocados a ser compartidos co resto de alumnos dos diversos países que participaron na xornada, pero iso xa forma parte da actividade seguinte. 3º Conferencia para compartir os datos obtidos.
  Unha vez rematada a clase práctica, era hora de analizar os resultados obtidos por nós e comparalos cos obtidos nas outras universidades do mundo onde fixeron o mesmo traballo. Para iso, dous compañeiros voluntarios ían actuar como representantes de Santiago para expoñer os resultados do laboratorio. Fomos a unha sala de conferencias onde puidemos establecer contacto coas universidades dos outros países como Croacia, Finlandia ou Alemaña. Cada unha compartiu os seus resultados e analizamos o conxunto (obviamente, toda a comunicación produciuse en inglés). Despois duns momentos de charla entre uns e outros, os moderadores da teleconferencia no CERN propuxéronnos unha pequena proba no que tiñamos que aplicar todo o aprendido. Ao rematala, entregáronnos un diploma, e marchamos para casa cunha experiencia nova e cuns poucos coñecementos da física nuclear nos nosos petos.
 En definitiva, foi unha experiencia que sen dúbida nos aportou moito e que estariamos encantadas de repetir. Experiencias coma esta fan que lembres porque escolliches o camiño das ciencias.

 

 

Charla sobre a Antartida a cargo de Javier Cristobo, director do Centro Oceanográfico de Xixón

O pasado venres 4 de novembro dentro das actividades do día da ciencia en galego estivo no IES Javier Cristobo, director do Centro Oceanográfico de Xixón. Ofreceunos tres charlas e concedeulle tamén unha entrevista á radio do centro.

Grazas á súa visita puidemos coñecer mellor a Antártida, por exemplo a súa biodiversidade, como corais brancos, pulgas de mar, moluscos mariños, pingüíns e estrelas de mar entre moitas outras especies. Tamén soubemos que, a diferencia do Polo Norte, a Antártida é un continente rodeado de tres océanos e que o cambio climático estalle afectando especialmente, posto que cada ano está a perder máis auga.

Xa é a oitava ocasión que Cristobo aproveita para visitar o sexto continente. Esta última vez estivo na base española en Illa Decepción, posto que ao ser unha illa volcánica, que está composta por sedimentos formados por cinzas volcánicas e non por xeo, facilita que se poida mergullar nas súas xélidas augas para investigar. Ademáis contounos que cando van á Antártida, alí é verán e as temperaturas oscilan entre os 0ºC e os -15ºC, e é moito máis doado investigar que si foran no inverno, cando as temperaturas chegan aos -40ºC e unha capa de xeo de metros de grosor cobre o continente.

Tivemos a posibilidade de facerlle as preguntas que nos quedaran no tinteiro mentres el falaba. Puidemos aclarar que por razóns de seguridade, levan un traxe especial na auga para mergullarse e non botan dentro dela máis dunha hora. Ademáis soubemos que a primeira vez que pisou a Antártida se sentiu como unha “formiga no medio da nada”.

Na entrevista concedida á radio, contounos que o estudo dunha colección de esponxas foi o que o levou, dalgunha maneira, á Antártida e que unha especie de esponxa leva o seu nome, “Cristoboi”. Tamén nos confesou que a primeira expedición foi a máis emocionante para él posto que non sabía que ía volver, nin moito menos que ía ter a posibilidade de visitala oito veces. Sobre os seus plans de futuro, puidemos saber que vai investigar, en barcos oceanográficos, arrecifes de corais polas Azores, dende Canadá ata Noruega…

Dende aquí agradecémoslle a súa visita, así como os agasallos que nos deixou para o centro: unha pedra pómez recollida por él mesmo en Illa Decepción e un bote pequeno cheo de cinza volcánica recollida tamén no cono volcánico da mesma illa.

 


 

AS NOSAS CREACIONS

Radio na Biblio

CALENDARIO

Distribuir

Distribuir contido